Yoona 6:51 - A̠lyiat A̠gwaza na di̠n Tyap: A̠li̠ka̠uli A̠fai

⁵¹ Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Yoona 6:51 Iomraidhean Croise

Matyu 20:28

Mat, ku Nggwon A̱tyubishyi ka ku bai á̱ nyia̱ nka khwo hwa bah. A̱wot ka̱ ku bai ka̱ ka nyia̱ á̱ghyang á̱niet bya khwo hu, ka̱ bu nwuak swuan nka ji, ji̱ yet zang da̱nian ka̱ ka nsan á̱niet ma̱ a̱di̱di̱t.”

Luka 22:19

Ma a̱nia wa, Yesu si̱ kyiak burodi sang yit wu, a̱ si̱ gwai A̱gwaza. A̱wot a̱ si̱ kpa̱ra̱m di̱ gbi̱ngba̱ra̱m, a̱ si̱ ka̱u mman ta̱m nggu na. A̱ si̱ nyia̱, “Burodi wuni yet kidee vam nung ja, nang á̱ nwuak da̱nian nyin a̱ni. Nyi ni̱ ngya da̱nian nyi ka nyia̱ a̱di̱dam da̱ nung.”

Yoona 1:14

Swang A̱lyiat ji ku tyia̱ a̱tyubishyi. A̱ si̱ swan dundung ma̱ng a̱nzi̱t. Zi̱ si̱ li a̱kyenkyai shi nggu wu. A̱ si̱ byia̱ shok ma̱ng a̱chuchuk gba̱mgbam. A̱kyenkyai shi wuni wa ku tak nang gu ma̱nyin gu neet da̱ a̱vwuo A̱gwaza.

Yoona 1:29

Da̱ a̱tsotson tat ka, Yoona si̱ li Yesu gu chobai da̱ a̱vwuo nggu. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni! Nggu wa na chi a̱ka̱tuk nyia̱ á̱niet wu mi̱ swanta hu.

Yoona 11:26

A̱tyu a̱ shya̱ a̱chet, a̱ si̱ bu nwuak fwuo da̱ nung a̱ni; a̱ na khwu bah, ba̱ng si̱ nat sang sangba̱p. A nwuak a̱chuchuk a?”

Yoona 3:13

A̱wot á̱ mbyia̱ a̱tyu a̱ ka̱n nyeak a̱ nat A̱ma A̱gwaza tswazwa a̱ni bah; mi̱ Nggwon A̱tyubishyi kya ma̱nyin ka, ku chyok a̱ neet a̱ja.

Yoona 3:14

“Ma̱nang Musa ku nta̱ngam ghwughwu nzwak hu ku ku yet a̱kpeap ka mi̱ tswa a̱yit ji a̱ni; ma a̱nia wa nang á̱ ba̱ nta̱ngam Nggwon A̱tyubishyi ka ma̱ cha̱chaat.

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 3:36

Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 5:24

“N tak nyin a̱tsatsak a̱lyiat; kuzang a̱yin wa fwuong a̱lyiat nung na, a̱wot a̱ si̱ nwuak fwuo da̱ a̱tyu a̱ ta̱m nung a̱ni; a̱ byia̱ swuan sang sangba̱p. Á̱ na nyia̱ gu shi̱ri̱ya bah. A̱wot a̱ wa ka̱n shot a̱khwu, a̱ si̱ shya̱ swuan.

Yoona 6:33

Mat kyayak A̱gwaza hu ku neet tswazwa kya a̱ni; huhwa nwuat á̱niet mi̱ swanta ba swuan ji.”

Yoona 6:35

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

Yoona 6:41

Huhwa a̱cha̱chet A̱yahudawa ba si̱ ta̱bat ya fwuang ma̱ng Yesu, mat nang gu nnyia̱, “Nung gwa ngyet kyayak hu neet Ma A̱gwaza tswazwa ka a̱ni.”

Yoona 6:47

“A̱chuchuk wa za̱m n chat n tak ma̱ng nyin; a̱tyu a̱ nwuak fwuo da̱ nung a̱ni, a̱ byia̱ swuan sang sangba̱p.

Yoona 6:48

A̱tsak a̱lyiat, nung gwa ngyet kyayak ku nwuat swuan a̱ni.

Yoona 6:50

“A̱wot kyayak ku chyok a̱ neet Ma A̱gwaza tswazwa a̱ni; konyan wa ya kyayak a̱hwa, a̱ na khwu bah.

Yoona 7:38

Konyan wa nwuak fwuo da̱ nung a̱ni, ma̱nang A̱lyiat A̱gwaza na nhyia̱ a̱ni; ‘Mami nfwuo gu kikya nang a̱chi̱chen a̱sa̱khwot nwuat swuan ba ntyong.’ ”

2 A̱korontiyawa 5:19

Si̱ huni fa, A̱gwaza wa ka̱n jhyi á̱niet swanta ba ba̱ nyia̱ kpa̱ndang ma̱ng a̱nggu di̱n vak Yesu Kristi. A̱ bu ba̱ng a̱ka̱tuk nyia̱ mba wu mi̱ fwuo bah. A̱wot a̱ si̱ nwuak nzi̱t ta̱m ji, nang zi̱ na njhyi á̱niet swanta ba, ba̱ ka nyia̱ kpa̱ndang ma̱ng nggu a̱ni.

2 A̱korontiyawa 5:21

Mat A̱gwaza tyia̱ Kristi, a̱ ka̱ nwai nyia̱ a̱ka̱tuk nyia̱ a̱ni, gu yet za̱nang a̱ka̱tuk nyia̱ nzi̱t. Da̱nian A̱gwaza a̱ ka tak kpa̱sai nang gu nkyiak nzi̱t á̱tsotswat á̱niet sang a̱bun a̱zaghyi nggu, di̱n vak Kristi.

A̱fisawa 5:2

Nyi swan swat chat á̱ghyang, nyi khwi kidee Kristi ji. A̱ chat zi̱t, a̱ si̱ bu nwuak a̱pyia̱ nggu. A̱ si̱ khwu da̱nian nzi̱t, nang za̱nang á̱ fwui ji̱ byia̱ swam nyinyang nang A̱gwaza chat a̱ni.

A̱fisawa 5:25

Nyin á̱tyok, ku myim nyi chat á̱nyiuk nyin ba, ma̱nang Kristi nchat á̱niet khwi ba, a̱wot a̱ si̱ nwuak a̱pyia̱ nggu a̱ si̱ khwu da̱nian mba a̱ni.

Titut 2:14

Nggu wa yet a̱tyu a̱ neap a̱pyia̱ nggu nang za̱nang a̱ni, da̱nian a̱ ka ti̱n zi̱t mami tyok a̱ka̱tuk nyia̱ hu. A̱ si̱ ja̱u zi̱t da̱nian zi̱ ka yet á̱niet guu nang gu nyia̱ tyok a̱ni; á̱niet ba̱ byia̱ a̱gba̱ndang di̱dang nyia̱ a̱tan nta̱m a̱ni.

Ibriniyawa 10:20

Yesu wa khwuk zi̱t vak fai hu nang zi̱ na nnwuo mami a̱gba̱ndang a̱kpi̱mi̱mi̱t a̱teap a̱ fwun A̱vwuo ka̱ Swak ma̱ng yet A̱za̱za̱rak a̱ni, mat neap vam nggu hu nang za̱nang a̱ni.

1 Bitut 2:4

Nyi bai da̱ a̱vwuo Kristi, a̱ yet a̱fang nswuan a̱ta̱m kuntyin nok a̱li A̱gwaza ka a̱ni. Á̱nietbishyi si̱ lak gu. A̱wot A̱gwaza si̱ khai ngguu, á̱ ka chyin ngguu gba̱mgbam.

1 Yoona 2:2

Nggu wa yet za̱nang chi a̱ka̱tuk nyia̱ nzi̱t ji; a̱wot a̱ka̱tuk nyia̱ nzi̱t wu wa ma̱nyin nzi̱t bah, a̱wot a̱mgba̱m ma̱ng a̱ka̱tuk nyia̱ á̱niet mi̱ swanta wu wa.

1 Yoona 4:10

A̱ni wa nang a̱tsatsak chat wu ndi: Nzi̱t bya chat A̱gwaza wu bah. A̱wot nggu wa chat zi̱t a̱ si̱ ta̱m ma̱ng Nggwon nggu ka nang za̱nang a̱ni, ka̱ ka chi a̱ka̱tuk nyia̱ nzi̱t wu.

1 Yoona 4:14

Mbeang a̱nia, nzi̱t a̱yaata̱m nggu ba, zi̱ ka̱n di ma̱ng á̱ghyi nzi̱t. A̱wot zi̱ si̱ shei ma̱ng á̱niet ba nang A̱gwaza a̱ yet A̱tyia̱ nzi̱t wu a̱ni, nta̱m ma̱ng Nggwon nggu ka, ka̱ ka yet A̱tyusan á̱niet mi̱ swanta ba.