Yoona 6:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ Yesu si̱ nwuan a̱ kaat, a̱di̱dam si̱ bai nggu. A̱ si̱ li nang a̱gba̱ndang á̱kpa á̱niet chobai da̱ a̱vwuo nggu. A̱jawa gu nyia̱ ma̱ng Filibut a̱ni, “A̱ji wa zi̱ na nsan kyayak ku maai zi̱ nnwuak á̱niet bani?”

Yoona 6:5 Iomraidhean Croise

Matyu 15:33

Mman ta̱m na si̱ nyia̱, “A̱ji wa zi̱ na shya̱ kyayak mi̱ tswa a̱yit jini, ku na maai á̱kpa á̱niet kani a̱ni?”

Ma̱rkut 6:32

Huhwa ba̱ si̱ nwuo kukwon a̱wak hu. Mba ma̱nyin ba, ba̱ si̱ wak á̱ byia̱k á̱ nat da̱ a̱vwuo ka̱ sang a̱yin a̱ni.

Luka 9:10

Jen nang a̱yaata̱m Yesu ba mbwuok á̱ bai a̱ni, ba̱ si̱ bwoi Yesu nkhang kuzang kyang nang ba̱ nyia̱ a̱ni. Yesu si̱ yorong mba da̱ a̱gbang a̱nyiung. Ba̱ si̱ nat ndung ma̱ a̱keang nang á̱ ngyei Ba̱tsaida a̱ni.

Yoona 1:43

Da̱ a̱tsotson tat ka, Yesu si̱ kyiak mi̱ fwuo a̱ nat a̱byin Ga̱lili. A̱ si̱ myim ma̱ng Filibut. A̱ si̱ nyia̱ ma̱ng a̱nggu, “Khwi nung!”

Yoona 1:44

Nggu Filibut mameang, ku yet a̱tyu a̱ neet ma̱ a̱keang Ba̱tsaida kya dundung ma̱ng Anda̱rawut ma̱ng Bitut.

Yoona 1:45

Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 1:46

Nataniyel si̱ nyia̱ ma̱ng a̱nggu, “Ka̱ doot a̱tsatsak kyang a̱ ghwut mi̱ Na̱za̱ra̱t a?!” A̱jawa Filibut si̱ nyia̱ ma̱ng a̱nggu a̱ni, “Bai, a lii!”

Yoona 1:48

A̱jawa Nataniyel si̱ nyia̱ ma̱ng Yesu a̱ni, “A̱ji wa nang a ndyen nung?” Yesu si̱ nwuak gu shim hu nyia̱, “Neet nang Filibut ka̱n gyorong ang bah, nang a ku nswan a̱tyin a̱kwon a̱bwabwap ka a̱ni; n ku ndi ang a̱ja.”

Yoona 4:35

N gyei nyi ni̱ nyia̱, ‘Zwát nyaai ja bwat, á̱ sii nwuo chak yak hu’ a? Nyi gba̱t á̱ghyi nyi lii bibyin yak hu. Yak hu byang, a̱wot ku si̱ maai chak!