Yoona 6:45 - A̠lyiat A̠gwaza na di̠n Tyap: A̠li̠ka̠uli A̠fai

⁴⁵ “A̱ta̱m a̱kwonu A̱gwaza ma̱ a̱di̱di̱t ku lyuut nyia̱, ‘A̱mgba̱m á̱niet ba, A̱gwaza wa na tyiet mbaa.’ Konyan wa fa̱k, a̱wot a̱ si̱ myiam da̱ a̱vwuo A̱tyia̱ nung ka; a̱tyu a̱wa na bai da̱ a̱vwuo nung.

Yoona 6:45 Iomraidhean Croise

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Ma̱rkut 1:2

Ma̱nang Ishaya a̱ta̱m a̱kwonu A̱gwaza wu ku ndyuut gbangbang a̱ni nyia̱, “A̱gwaza nyia̱, ‘Di, n na ta̱m ma̱ng a̱ta̱m nung a̱ khwat a̱son ang! Nggu wa na jhyi ang vak hu.

Luka 1:70

ma̱nang A̱gwaza ku ntyia̱ á̱za̱za̱rak a̱yaata̱m a̱kwonu nggu ba si̱ nshei a̱li̱ka̱uli nggu wu gbangbang a̱ni.

Luka 18:31

Yesu si̱ kan gyorong mman ta̱m swak ma̱ a̱feang nggu na da̱ gbang a̱nyiung. A̱ si̱ nyia̱, “Nyi fa̱k! Zi̱ naat Urusha̱lima. Ki̱ zi̱ si̱si̱ tat a̱ja, kuzang kyang nang a̱yaata̱m a̱kwonu A̱gwaza ba gbangbang ku lyuut tazwa Nggwon A̱tyubishyi a̱ni; ku na bai da̱ a̱nu ka cha̱chaat.

Yoona 10:27

Zón seap nung ji ni̱ myiai a̱fufwuo ji̱ fa̱k a̱nwuat nung ka. N dyen mba. A̱wot ba̱ si̱ khwi nung.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:65

A̱jawa Yesu si̱ bu nyia̱ ma̱ng a̱mba a̱ni, “Huhwa mbyia̱ nang n hyia̱ ma̱ng a̱nyin; á̱ mbyia̱ a̱tyu a̱ na bai da̱ a̱vwuo nung a̱ni bah; ka̱nang A̱tyia̱ nung wu wa bai ma̱ng a̱nggu bah.”

Nta̱m A̱yaata̱m 13:40

“Mat a̱nia, si̱ nyi ta̱bam! Nyi yok ghwon á̱lyiat nang a̱yaata̱m a̱kwonu A̱gwaza ba ku lyiat a̱ni, na̱ bai da̱ a̱nu ka da̱ a̱nyin bah. Mat ba̱ ku nyia̱,

Nta̱m A̱yaata̱m 7:42

Huhwa si̱ mbyia̱ A̱gwaza si̱ mbwuak a̱ma a̱ nang mba. A̱ si̱ kai mba a̱ ghwon. Ba̱ si̱ ya a̱son ma̱ng kwok á̱ta̱ngwat kyai tswazwa ntong nang a̱yaagwaza mba a̱ni! Mman Isi̱rela, ma̱nang a̱yaata̱m a̱kwonu A̱gwaza ba ndyuut a̱ni nyia̱, ‘Nung gwa nang nyi ku fak nung nkyang zwá na; nyi si̱ nnan nung za̱náng ji ma̱ng nsa̱da̱ka na, mi̱ lilyia̱ nswak naai hu mi̱ ntswa a̱yit Isi̱rela ji a?

A̱fisawa 1:17

N ni̱ ngya a̱son mi̱ naai A̱gwaza, a̱ yet A̱tyia̱ a̱ byia̱ a̱kyenkyai shi, a̱ si̱ bu yet A̱tyia̱ A̱tyoli nzi̱t wu Yesu Kristi a̱ni; n naai gu nang nyin A̱za̱za̱rak Ntswa. A̱za̱za̱rak Ntswa wu wa na nang nyin mumwang, a̱ bu tyai nyin A̱gwaza wu, da̱nian nyi ka mbeang lyen nggu hu, a̱wot nyi ka fi̱k gu shansham.

A̱filibiyawa 3:15

A̱mgba̱m nzi̱t zi̱ ka̱n tat a̱ghyi mi̱ khwi Kristi hu a̱ni, si̱ zi̱ shim nkyang nani ma̱ng fwuo nyiung. A̱wot ka̱ a̱yin ma̱ nyin ma byia̱ kyang ku vwuon ma̱ng si̱ huni a̱ni, n nwuak a̱chuchuk A̱gwaza na tyai nggu hu kpa̱sai.

1 A̱ta̱solonikawa 4:9

Da̱ a̱lyiat chat á̱ghyang na, zi̱ na chat zi̱ lyuut nyin ndyo bah. Mat nyin ma̱ á̱pyia̱ nyin, A̱gwaza wa ka̱n tyiet nyin, nyi ka chat á̱ghyang.

Ibriniyawa 10:16

“A̱gwaza si̱ nyia̱, ‘La̱p A̱li̱ka̱uli a̱fai huni hwa nang n na nda̱p ma̱ng á̱niet nung ba di̱n jen a̱ja: N na tyia̱ doká nung ji mi̱ nfwuo mba na. A̱wot n bu ndyuut ji mi̱ nfwuo mba na, ji̱ yet mba kyang a̱di̱dam.’ ”

1 Yoona 2:27

A̱wot Kristi nang nyin A̱za̱za̱rak Ntswa wu. Mat a̱nia, nyi bu chat á̱ghyang á̱niet ba̱ tyiet nyin bah. Da̱ a̱kwonu a̱kya, A̱za̱za̱rak Ntswa nggu wu wa ni̱ tyiet nyin kuzang kyang. A̱wot kyang hu nang gu tyiet nyin a̱ni yet a̱chuchuk wa. Ku yet a̱ka̱laa nia bah. Mat a̱nia, si̱ nyi ya a̱son ma̱ng byia̱ a̱meang di̱ mun á̱pyia̱ nyin hu ndung ma̱ng Kristi, ma̱nang A̱za̱za̱rak Ntswa wu ntyiet nyin a̱ni.