Yoona 6:42 - A̠lyiat A̠gwaza na di̠n Tyap: A̠li̠ka̠uli A̠fai

⁴² Ba̱ si̱ nyia̱, “A̱tyu wuni wa yet Yesu a̱ yet nggwon Isuu ka a̱ni baa? Zi̱ lyen a̱tyia̱ nggu wu ma̱ng a̱yang byin nggu wu. Ka̱ a̱nia wa, yihwa mbyia̱ nang gu nyia̱ a̱ chyok a̱ neet Ma A̱gwaza tswazwa kya?”

Yoona 6:42 Iomraidhean Croise

Ma̱rkut 6:3

A̱tyu wuni wa yet a̱tyu shap nkyang wu baa? Nggu wa yet nggwon Ma̱ryamu, a̱ bu yet a̱na̱nyiuk Yakubu, Yosi, Yahuda, ma̱ng Siman baa? Á̱na̱nyiuk á̱nap gu bibya shya̱ a̱ji ma̱ng a̱nzi̱t baa?” A̱wot ba̱ si̱ lak fa̱k gu hu.

Luka 4:22

A̱mgba̱m á̱niet ba si̱ chyin guu. A̱wot ba̱ si̱ fa̱k a̱ga̱de nang gu ntak a̱lyiat nggu na tí̱tak a̱ni. Ba̱ si̱ lyip nyia̱, “Ku na nyia̱ ni ku ndi a̱nia? A̱tyu wuni wa yet nggwon Isuu ka baa?”

Yoona 1:45

Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 3:13

A̱wot á̱ mbyia̱ a̱tyu a̱ ka̱n nyeak a̱ nat A̱ma A̱gwaza tswazwa a̱ni bah; mi̱ Nggwon A̱tyubishyi kya ma̱nyin ka, ku chyok a̱ neet a̱ja.

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

Yoona 6:43

Yesu si̱ nwuak ba shim nyia̱, “Nyi yok ya fwuang tsi̱tsak nyin bah.

Yoona 6:62

Ka̱ a̱nia wa, yihwa nang nyi na dam ka̱ nyi li Nggwon A̱tyubishyi ka̱ bwuot a̱ naat a̱ nyeak da̱ a̱vwuo ka ka̱ ku nshya̱ gbangbang a̱ni?

A̱romawa 9:5

Ba̱ yet á̱ka̱mbwon a̱yaatyia̱ a̱khwop mba bya Ibrahim, Ishaku, ma̱ng Yakubu. A̱wot di̱ yet a̱tyubishyi, Kristi wu meang neet mi̱ nkwai mba ja. Nggu wa yet A̱gwaza, a̱ nyia̱ tyok di̱ kuzang nkyang a̱ni. Yok á̱ dyep guu, ba̱ng si̱ nat sang sangba̱p! Samba̱rka!

1 A̱korontiyawa 15:47

A̱da̱mu, a̱ ku yet a̱son ka a̱ni, yet mbyin nia. A̱wot Kristi, a̱ yet ngaan wu a̱ni, si̱ neet Ma A̱gwaza tswazwa kya.

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.