Yoona 6:41 - A̠lyiat A̠gwaza na di̠n Tyap: A̠li̠ka̠uli A̠fai

⁴¹ Huhwa a̱cha̱chet A̱yahudawa ba si̱ ta̱bat ya fwuang ma̱ng Yesu, mat nang gu nnyia̱, “Nung gwa ngyet kyayak hu neet Ma A̱gwaza tswazwa ka a̱ni.”

Yoona 6:41 Iomraidhean Croise

Luka 15:2

Huhwa A̱fa̱risawa ba ma̱ng a̱yaagwak tyiet doka A̱gwaza ba si̱ kwop a̱dyii̱ng nyia̱, “A̱tyu wuni mun a̱pyia̱ ma̱ng á̱niet á̱ka̱tuk nyia̱, a̱ tsa bu ngya nkyayak dundung ma̱ng a̱mba!”

Luka 19:7

A̱wot á̱niet ba si̱ fa̱k a̱lyia̱ ya. Ba̱ si̱ kwop a̱dyii̱ng nyia̱, “Yesu nat a̱ yet a̱nietchen a̱mali a̱tyu nang á̱ lyen gu yet a̱tyu a̱ka̱tuk nyia̱ ba̱t a̱ni!”

Luka 5:30

A̱wot A̱fa̱risawa ba ma̱ng a̱yaagwak tyiet doka A̱gwaza ba si̱ kwop a̱dyii̱ng ma̱ng byian fwuo da̱ a̱vwuo mman ta̱m Yesu na nyia̱, “Yihwa mbyia̱ nyi ngya tsa nswuo ma̱ng á̱niet saai kurum ga̱ndu, mbeang á̱niet a̱ka̱tuk nyia̱ á̱ghyang?”

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 6:33

Mat kyayak A̱gwaza hu ku neet tswazwa kya a̱ni; huhwa nwuat á̱niet mi̱ swanta ba swuan ji.”

Yoona 6:43

Yesu si̱ nwuak ba shim nyia̱, “Nyi yok ya fwuang tsi̱tsak nyin bah.

Yoona 6:48

A̱tsak a̱lyiat, nung gwa ngyet kyayak ku nwuat swuan a̱ni.

Yoona 6:58

“Nung gwa ngyet a̱tsatsak kyayak wu a̱ chyok a̱ neet Ma A̱gwaza tswazwa ka a̱ni. Ku vwuon ma̱ng kyayak hu nang a̱yaatyia̱ a̱khwop nyin ba ku ya mi̱ tswa a̱yit ji. A̱wot a̱mgba̱m ma̱ng ya kyayak a̱hwa, ba̱ si̱ kwi. A̱tyu a̱ ya kyayak nung hu a̱ni, a̱ na shya̱ swuan sang sangba̱p.”

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

Yoona 6:66

Mat a̱nia wa á̱niet ma̱ a̱di̱di̱t ba̱ ku khwi Yesu a̱ni, ba̱ si̱ bwuok lilyim. Ba̱ si̱ lak khwi nggu hu.

Yoona 7:12

A̱wot mami á̱kpa á̱niet ba̱ ku shya̱ ma̱ a̱yet wu a̱ni, ba̱ si̱ chyuang tazwa Yesu nyia̱, “A̱tyu a̱wa yet a̱tan a̱yin!” A̱wot á̱ghyang á̱niet si̱ nyia̱, “Kaai, a̱tyu a̱wa laai á̱niet bibya!”

1 A̱korontiyawa 10:10

A̱wot zi̱ yok kwop a̱dyii̱ng, ma̱nang á̱ghyang á̱niet ma̱ a̱mba ku nnyia̱ a̱ni bah. A̱wot a̱ta̱m tswa hyaai á̱niet, si̱ hyaai mbaa.

Yahuda 1:16

Tangka̱i á̱niet tyiet a̱ka̱laa bani yet á̱niet kwop a̱dyii̱ng bya ma̱ng tyei á̱ghyang á̱niet a̱bun. Ba̱ ni̱ swan swat khwi di̱dang shyuo vam nang nfwuo mba na chat wa a̱ni. Ba̱ ni̱ tam tazwa á̱pyia̱ mba. Ba̱ ni̱ laai á̱ghyang á̱niet ma̱ng lyen a̱nu, da̱nian ba̱ ka shya̱ kyang ba̱ chat a̱ni.