Yoona 6:39 - A̠lyiat A̠gwaza na di̠n Tyap: A̠li̠ka̠uli A̠fai

³⁹ “Ta̱m A̱tyu a̱ ta̱m nung a̱ni, huhwa yet; ki̱ di̱ a̱tyo nyiung gu di̱ bwuk mami á̱niet nang gu nwuak nung a̱ni. A̱wot n ba̱ nta̱ngam mba ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Yoona 6:39 Iomraidhean Croise

Matyu 10:15

N tak nyin a̱tsak a̱lyiat, a̱tuk mam shi̱ri̱ya A̱gwaza ka, a̱bung nang á̱niet ma̱ a̱keang a̱bya na swuo a̱ni, na swak a̱bung nang a̱ka̱tuk a̱ka̱keang Sodom ma̱ng Goma̱ra ku swuo a̱ni za̱m.”

Matyu 18:14

Ma a̱nia wa, A̱tyia̱ nyin wu a̱ shya̱ tswazwa ka a̱ni, a̱ chat nggwon a̱nyiung mi̱ mman nani ka̱ bwuk bah.

Luka 12:32

“Mat a̱nia, nyin a̱bachunchwiit a̱sorong zón seap, nyi yok fa̱k a̱wun bah. Mat A̱tyia̱ nyin wu a̱ shya̱ tswazwa ka a̱ni, shya̱ ma̱ng a̱gba̱ndang a̱gwai a̱ na nwuak nyin Tyok nggu hu.

Yoona 12:48

“A̱tyu a̱ lak nung, a̱wot a̱ si̱ lak san a̱lyiat nung na a̱ni; a̱tyu a̱wa byia̱ a̱tyu á̱ na nyia̱ gu shi̱ri̱ya a̱ni. A̱lyiat na nang n dyiat a̱ni, ni̱nia na faat gu shi̱ri̱ya ji a̱tuk mam ngaan ka.

Yoona 17:12

Nang n ku nshya̱ dundung ma̱ng a̱mba a̱ni, n ku nchok ba mi̱ chet a̱lyoot ang hu; a̱lyoot ka nang a ku tyia̱ nung a̱ni. N si̱ nkeang mba ntyia̱, á̱ si̱ byia̱ a̱tyu a̱ bwuk a̱ni bah; a̱tyo nyiung wa ma̱nyin nggu ku bwuk. A̱ ku bwuk wa ma̱nang á̱ ku ndyuut mami A̱lyiat A̱gwaza na a̱ni, ku si̱ bai ma̱ cha̱chaat da̱ a̱nu ka.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 17:24

“A̱tyia̱ nung, n chat á̱niet bani nang a nwuak nung a̱ni, ba̱ swan dundung ma̱ng a̱nung di̱n tyan nang a nshya̱ a̱ni, da̱nian ba̱ ka li a̱kyenkyai shi ang wu, nang a ku nwuak nung a̱ni. A ku chat nung neet nang a ka mat swanta hu bah.

Yoona 17:6

“N wa ka̱n tyai za̱kwa ang ji da̱ a̱vwuo á̱niet nang a nwuak nung mi̱ swanta hu a̱ni. Neet a̱fwun bah, ba̱ yet á̱niet ang bya. Mat a̱nia, a si̱ nwuak nung mbaa. Mba mameang, ba̱ si̱ khwi a̱lyiat ang na.

Yoona 17:9

“N naai ang da̱nian mbaa. N naai da̱nian á̱niet ba̱ yet á̱niet swanta bya a̱ni bah. A̱wot n naai da̱nian á̱niet nang a nwuak nung, mat ba̱ bu tsa á̱ ngyet á̱si̱ nwan bya a̱ni.

Yoona 18:9

Yesu ku hyia̱ a̱lyiat nani, da̱nian na̱ ka nat cha̱chaat ma̱ng a̱lyiat na nang gu ku mi̱ nhyia̱ ma̱ng a̱mba nyia̱, “A̱tyia̱, mami á̱niet ba nang a nwuak nung a̱ni; a̱tyo nyiung ma̱ng a̱mba, na bwuk bah.”

Yoona 5:28

“Nyi yok ghwon si̱ huni ku tyia̱ nyi fa̱k a̱ga̱de bah! Jen chobai nang a̱mgba̱m á̱niet ba̱ ka̱n kwi, a̱wot ba̱ shya̱ ma̱ a̱ka̱bi a̱ni; ba̱ bye fa̱k a̱nwuat Nggwon A̱gwaza ka.

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

Yoona 6:44

Á̱ mbyia̱ a̱tyu a̱ si̱ mi̱n bai da̱ a̱vwuo nung, ka̱nang A̱tyia̱ nung wu a̱ ta̱m nung a̱ni, khwat gu a̱ bai ndyo bah. A̱wot nung mameang, n na nta̱ngam gu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.

Yoona 6:54

Konyan wa ya nam vam nung hu, a̱wot a̱ si̱ swuo a̱sok nung na; a̱ na shya̱ swuan sang sangba̱p. A̱wot n na ta̱ngam gu ma̱ng swuan ma̱ á̱niet ba̱ ka̱n kwi a̱ni a̱tuk doot mam swanta ka.

A̱romawa 8:11

A̱wot A̱za̱za̱rak Ntswa A̱gwaza wu a̱ ku ta̱ngam Yesu ma̱ng swuan ma̱ á̱niet ba̱ ka̱n kwi a̱ni, nggu wa shya̱ mi̱ nfwuo nyin na. A̱wot ma̱nang A̱gwaza nta̱ngam Kristi Yesu ma̱ng swuan ma̱ á̱niet ba̱ ka̱n kwi a̱ni; ma a̱nia wa a̱ na nwuak nvam nyin na na̱ kwi a̱ni swuan sang sangba̱p, mat ma̱ nggu A̱za̱za̱rak Ntswa wuni a̱ shya̱ mi̱ fwuo nyin na a̱ni.

1 A̱korontiyawa 6:14

A̱wot A̱gwaza na ta̱ngam nvam nzi̱t na ma̱ng swuan ma̱ á̱niet ba̱ ka̱n kwi a̱ni, ma̱nang gu ku nta̱ngam A̱tyoli nzi̱t wu Yesu ma̱ng swuan ma̱ á̱niet ba̱ ka̱n kwi a̱ni.

2 Timoti 2:19

A̱mgba̱m ma̱ng a̱nia, á̱niet khwi nggu ba li nang a̱fang tsa a̱tyin kuntyin nok nang A̱gwaza wu kpaat a̱ni. Á̱ si̱ mi̱n zwun ka bah. A̱wot a̱lyiat nani nia nang á̱ lyuut tazwa nka nyia̱, “A̱gwaza wu lyen á̱si̱ ba̱ yet á̱si̱ nggu a̱ni,” a̱wot, “Konyan wa nyia̱ a̱ khwi A̱gwaza a̱ni, ku yet ta hwa gu ghwon a̱ka̱tuk nyia̱.”

Yakubu 5:15

Tangka̱i naai á̱niet ba̱ nwuak fwuo da̱ A̱gwaza a̱ni, byia̱ chet ku tyia̱ á̱ choot a̱tyu zwan wu. A̱wot ka̱ a̱ nyia̱ a̱ka̱tuk nyia̱, A̱gwaza na chi nggu ndyo.

1 Bitut 1:5

A̱wot mat si̱sak nang zi̱ nnwuak fwuo da̱ A̱gwaza a̱ni, a̱ si̱ chok zi̱t ma̱ng chet nggu hu, si̱ nang zi̱ nsan swuan sang sangba̱p ngaan ji, nang gu sak a̱ na tyai kpa̱sai, konyan a̱ ka lii da̱ ngaan jen wu a̱ni.

Yahuda 1:1

Nung Yahuda, a̱khwo Yesu Kristi, n gyet a̱na̱nyiuk Yakubu. Nung gwa n dyuut nyin wusika jini. N dyuut nyin, a̱mgba̱m á̱niet ba nang A̱gwaza a̱ yet A̱tyia̱ yei a̱ni; á̱si̱ ba ba̱ bu mun á̱pyia̱ ma̱ng a̱nggu A̱gwaza, a̱ yet A̱tyia̱ wu a̱ chat ba ba̱t, a̱ si̱ bu tyia̱ mba mbwak Yesu Kristi gu ka chok ba a̱ni.