Yoona 6:32 - A̠lyiat A̠gwaza na di̠n Tyap: A̠li̠ka̠uli A̠fai

³² A̱jawa Yesu si̱ nyia̱ ma̱ng a̱mba a̱ni, “A̱tsatsak a̱lyiat wa za̱m, n na hyia̱ ma̱ng a̱nyin, Musa wa ku nwuak nyin kyayak hu, ku neet Ma A̱gwaza tswazwa ka a̱ni bah. A̱tyia̱ nung wu wa ma̱ a̱pyia̱ nggu; nggu wa nwuat nyin a̱tsatsak kyayak a̱ neet tswazwa ka a̱ni.

Yoona 6:32 Iomraidhean Croise

Yoona 1:9

Sai huni hwa ku yet a̱tsatsak wu. Ku na bai mi̱ swanta hu, ku sai tazwa a̱mgba̱m á̱nietbishyi ba.

Yoona 15:1

“Nung gwa ngyet a̱tsatsak a̱kwon a̱na̱p wu. A̱wot A̱tyia̱ nung wa si̱ yet a̱tyu khap wu.

Yoona 6:31

A̱yaatyia̱ a̱khwop nzi̱t ba ku ya kyayak nang á̱ ngyei ‘mana’ a̱ni, mi̱ tswa a̱yit; ma̱nang á̱ ku ndyuut a̱ni, ‘A̱gwaza ku nwuak ba kyayak neet tswazwa, ba̱ si̱ ya.’ ”

Yoona 6:33

Mat kyayak A̱gwaza hu ku neet tswazwa kya a̱ni; huhwa nwuat á̱niet mi̱ swanta ba swuan ji.”

Yoona 6:35

Yesu si̱ nyia̱ ma̱ng a̱mba a̱ni, “Nung gwa ngyet kyayak nwuat swuan a̱hwa. A̱tyu a̱ bai da̱ a̱vwuo nung a̱ni, a̱ bu na mak fa̱k zong bah. A̱tyu a̱ nwuak fwuo da̱ nung a̱ni, a̱ bu si̱ mi̱n fa̱k mashyi bah.

Yoona 6:41

Huhwa a̱cha̱chet A̱yahudawa ba si̱ ta̱bat ya fwuang ma̱ng Yesu, mat nang gu nnyia̱, “Nung gwa ngyet kyayak hu neet Ma A̱gwaza tswazwa ka a̱ni.”

Yoona 6:50

“A̱wot kyayak ku chyok a̱ neet Ma A̱gwaza tswazwa a̱ni; konyan wa ya kyayak a̱hwa, a̱ na khwu bah.

Yoona 6:55

“Nam vam nung hu yet a̱tsatsak kyayak wa. A̱sok nung na mameang, si̱ yet a̱tsatsak kyang swuo wa.

Yoona 6:58

“Nung gwa ngyet a̱tsatsak kyayak wu a̱ chyok a̱ neet Ma A̱gwaza tswazwa ka a̱ni. Ku vwuon ma̱ng kyayak hu nang a̱yaatyia̱ a̱khwop nyin ba ku ya mi̱ tswa a̱yit ji. A̱wot a̱mgba̱m ma̱ng ya kyayak a̱hwa, ba̱ si̱ kwi. A̱tyu a̱ ya kyayak nung hu a̱ni, a̱ na shya̱ swuan sang sangba̱p.”

A̱ga̱la̱tiyawa 4:4

A̱wot nang a̱tsatsak njen nang A̱gwaza la̱p a̱ sak nnyia̱ a̱ni, A̱gwaza si̱ ta̱m ma̱ng Nggwon nggu ka. Ka̱ ku byia̱ a̱yang byin, ka̱ si̱ swan ma̱ng á̱niet ba̱ khwi doka Musa ji a̱ni.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.