Yoona 6:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ A̱jawa á̱niet ba si̱ nyia̱ ma̱ng Yesu a̱ni, “Zang tangka̱i kyang a̱ga̱de hwa ku yet a̱lama nang a na nyia̱ nzi̱t ndyo zi̱ li, zi̱ ka nnwuak fwuo da̱ nwan? Yihwa a na nyia̱?

Yoona 6:30 Iomraidhean Croise

Ma̱rkut 15:32

Yok Kristi wuni, A̱gwam Isi̱rela, ma̱ninika gu chyok da̱ a̱team a̱khwu wu; da̱nian zi̱ ka li zi̱ sii nwuak fwuo da̱ a̱nggu!” A̱wot á̱niet nang á̱ kpang mba ndung ma̱ng a̱nggu a̱ni, mba meang, ba̱ si̱ mun á̱ lyiat gu lihyat hu.

Ma̱rkut 8:11

Nang A̱fa̱risawa á̱ghyang nfa̱k nkhang nyia̱ Yesu bai a̱ni, ba̱ si̱ bai da̱ a̱vwuo Yesu. Ba̱ si̱ ta̱bat fwuang ma̱ng a̱nggu. Ba̱ chat mak gu. A̱wot ba̱ si̱ nyia̱ ma̱ng a̱nggu, gu nyia̱ mba kyang a̱ga̱de ku neet Ma A̱gwaza tswazwa ku yet a̱lama a̱ tak tyok nggu hu a̱ni.

Yoona 10:38

A̱wot ki̱ nta̱m A̱tyia̱ nung nia nang n nyia̱, ku da̱ nyi nwuak fwuo da̱ nung bah; ku myim nyi nwuak a̱chuchuk di̱ nta̱m a̱ga̱de na; nyi ka lyen, nyi bu fi̱k nang A̱tyia̱ wu nshya̱ dundung ma̱ng a̱nung; nung mameang n si̱ shya̱ dundung ma̱ng a̱nggu.”

Yoona 12:37

A̱mgba̱m ma̱ng a̱cha̱chet nkyang a̱ga̱de ma̱ a̱di̱di̱t nang Yesu ku nyia̱ a̱zaghyi A̱yahudawa ba a̱ni, ba̱ si̱ nwuak fwuo da̱ nggu bah.

Yoona 2:18

A̱cha̱chet A̱yahudawa ba si̱ bwuok á̱ bai da̱ a̱vwuo nggu. Ba̱ si̱ lyip gu nyia̱, “Zang kyang a̱ga̱de hwa nang a na nyia̱ nzi̱t ndyo ku yet a̱lama a̱ tak a byia̱ tyok a nyia̱ tangka̱i kyang huni?”

Yoona 4:8

(Di̱n jen a̱ja nang mman ta̱m nggu na nat san kyayak mami a̱keang).

Yoona 6:14

Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 6:2

Á̱kpa á̱niet si̱ khwi nggu, mat ba̱ ku li a̱cha̱chet nkyang a̱ga̱de nang gu ku nyia̱ di̱ choot á̱niet nzwán ba a̱ni.

Yoona 6:36

“A̱wot ma̱nang n ka̱n hyia̱ ma̱ng a̱nyin a̱ni; nyi li nung, a̱mgba̱m ma̱ng a̱nia, da̱ nyin nyi nwuak fwuo da̱ nung bah.

Nta̱m A̱yaata̱m 4:30

Tak a̱gba̱ndang chet ang wu a tyia̱ zi̱ choot á̱niet nzwán, zi̱ bu nyia̱ nkyang a̱ga̱de ma̱ng a̱ri̱bi̱di mami chet a̱lyoot Yesu, a̱ yet A̱za̱za̱rak A̱khwo ang wu a̱ni!”

1 A̱korontiyawa 1:22

A̱lyiat a̱team a̱khwu Yesu na yet bwuon hwa da̱ a̱vwuo A̱yahudawa ba̱ chat li nkyang a̱ga̱de na̱ neet Ma A̱gwaza tswazwa a̱ni. A̱wot na̱ si̱ yet bwuon hwa da̱ a̱vwuo A̱helenawa, ba̱ chat mumwang a̱tyubishyi a̱ni.

Ibriniyawa 2:4

A̱wot A̱gwaza ku tak nang ta̱m ji ngyet a̱tsatsak wa mat nkyang a̱ri̱bi̱di, nkyang a̱ga̱de, ma̱ng a̱lama a̱ tak a̱chuchuk A̱gwaza wu, ma̱ng ka̱u za̱náng chet A̱za̱za̱rak Ntswa da̱ á̱niet kuzang jen nang gu khai a̱ni.