Yoona 6:27 - A̠lyiat A̠gwaza na di̠n Tyap: A̠li̠ka̠uli A̠fai

²⁷ “Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”

Yoona 6:27 Iomraidhean Croise

Matyu 17:5

Neet nang Bitut ni̱ shya̱ da̱ a̱lyiat na, a̱kyenkyai á̱ni̱nian a̱ghyang si̱ kin neet ma̱ vwuu, a̱ ba̱ kup baa! A̱wot a̱nwuat si̱ kin ghwut a̱ neet ma̱ á̱ni̱nian ba nyia̱, “Nggwon nung kya ka nang nfa̱k da̱ nka ba̱t a̱ni! Kikya nyi na myiai a̱fufwuo, nyi fwuong!”

Matyu 25:46

“A̱jawa á̱ na khap á̱ka̱tuk á̱niet a̱bya, á̱ tyia̱ mba swuo a̱bung sang sangba̱p. A̱wot á̱tsotswat á̱niet ba na shya̱ swuan sang sangba̱p.”

Matyu 3:17

A̱nwuat si̱ kin ghwut a̱ neet Ma A̱gwaza tswazwa ka nyia̱, “Nggwon nung kya ka nang n chat a̱ni. N fwuong nyinyang ka ba̱t!”

Matyu 6:19

“Nyi yok tung á̱pyia̱ nyin zwá mi̱ swanta huni, a̱vwuo nang zwú na ngya nji, ku ji̱ kwa̱i ji̱ byian, a̱wot á̱tang ba̱ nwuo ba̱ nyiin nji a̱ni bah.

Matyu 8:20

Yesu si̱ nyia̱ ma̱ng a̱nggu a̱ni, “A̱ka̱kyong swuat ma̱ a̱bubwong, a̱ka̱man si̱ byia̱ a̱ka̱le. A̱wot nung, Nggwon A̱tyubishyi, mbyia̱ a̱vwuo kwai bah.”

Ma̱rkut 1:11

A̱nwuat si̱ kin ghwut neet Ma A̱gwaza tswazwa nyia̱, “Nwan wa yet Nggwon nung ka nang n chat n bu mba̱ng fwuo a̱ni. N fa̱k a̱lyia̱ sai da̱ nwan za̱m!”

Ma̱rkut 9:7

A̱jawa á̱ni̱nian si̱ kin neet ma̱ vwuu á̱ ba̱ kup baa! Ba̱ si̱ fa̱k a̱nwuat ghwut neet ma̱ á̱ni̱nian nyia̱, “Nggwon nung kya ka nang nfa̱k da̱ nka a̱ni ba̱t! Kikya nyi na myiai a̱fufwuo, nyi fwuong!”

Luka 3:22

A̱za̱za̱rak Ntswa wu si̱ chorop a̱ chobai nang a̱bwa a̱ni neet Ma A̱gwaza tswazwa, a̱ ba̱ swan da̱ nggu! A̱wot á̱ si̱ fa̱k a̱nwuat ka̱ neet Ma A̱gwaza tswazwa nyia̱, “Nwan wa yet nggwon nung ka nang n chat a̱ni ba̱t! A̱wot a bai ma̱ng a̱nung a̱gba̱ndang a̱lyia̱ sai!”

Luka 9:35

A̱jawa ba̱ si̱ kin fa̱k a̱nwuat a̱yin ka̱ ghwut ma̱ á̱ni̱nian ba nyia̱, “Nggwon nung kya lili huni nang n khai a̱ni! Kikya nang nyi na myiai a̱fufwuo, nyi fa̱k ka shansham!”

Yoona 10:28

N na nwuak mba swuan sang sangba̱p, a̱wot ba̱ na kwi bah. A̱yin si̱ mi̱n ta̱wap mba bwak nung bah.

Yoona 11:42

Neet gbangbang, n za ma ndyen kuzang jen a fwuong nung. A̱wot n hyia̱ á̱si̱ nani da̱nian á̱niet ba̱ yong a̱ji a̱ni, ba̱ ka nwuak a̱chuchuk nang nwan wa nta̱m nung mi̱ swanta hu.”

Yoona 14:6

Yesu si̱ nyia̱ ma̱ng Toma a̱ni, “Nung gwa ngyet vak hu. Nung gwa si̱ ngyet a̱chuchuk wu. Nung gwa si̱ bu ngyet swuan ji. Á̱ mbyia̱ a̱tyu a̱ na nat da̱ a̱vwuo A̱tyia̱ ka, ka̱nang a̱nyuu khwi nung a̱ni bah.

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 3:15

Da̱nian konyan wa nwuak fwuo da̱ nggu a̱ni, a̱ na shya̱ swuan sang sangba̱p ji.

Yoona 3:33

Konyan wa san a̱lyiat nang gu tak kpa̱sai a̱ni, a̱ si̱ nwuak a̱chuchuk; a̱ tak, nang A̱gwaza ngyet a̱tyu a̱tsatsak a̱lyiat wa.

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

Yoona 6:47

“A̱chuchuk wa za̱m n chat n tak ma̱ng nyin; a̱tyu a̱ nwuak fwuo da̱ nung a̱ni, a̱ byia̱ swuan sang sangba̱p.

Yoona 6:51

Nung gwa ngyet kyayak swuan ku chyok neet Ma A̱gwaza tswazwa ka a̱ni. Konyan wa ya kyayak a̱hwa a̱ na shya̱ swuan sang sangba̱p. Kyayak a̱hwa nang n na nwuak a̱nyuu a̱ni; ku na yet nam vam nung hu hwa, nang n na neap da̱nian a̱mgba̱m á̱niet mi̱ swanta ba, ba̱ ka shya̱ swuan ji.”

Yoona 6:53

Yesu si̱ nyia̱ ma̱ng a̱mba a̱ni, “A̱chuchuk wa n na tak nyin; ka̱ nyi ya nam vam Nggwon A̱tyubishyi, a̱wot nyi si̱ swuo a̱sok nka na bah, nyi si̱ mi̱n shya̱ swuan ji bah.

Yoona 6:54

Konyan wa ya nam vam nung hu, a̱wot a̱ si̱ swuo a̱sok nung na; a̱ na shya̱ swuan sang sangba̱p. A̱wot n na ta̱ngam gu ma̱ng swuan ma̱ á̱niet ba̱ ka̱n kwi a̱ni a̱tuk doot mam swanta ka.

Yoona 6:58

“Nung gwa ngyet a̱tsatsak kyayak wu a̱ chyok a̱ neet Ma A̱gwaza tswazwa ka a̱ni. Ku vwuon ma̱ng kyayak hu nang a̱yaatyia̱ a̱khwop nyin ba ku ya mi̱ tswa a̱yit ji. A̱wot a̱mgba̱m ma̱ng ya kyayak a̱hwa, ba̱ si̱ kwi. A̱tyu a̱ ya kyayak nung hu a̱ni, a̱ na shya̱ swuan sang sangba̱p.”

Yoona 6:62

Ka̱ a̱nia wa, yihwa nang nyi na dam ka̱ nyi li Nggwon A̱tyubishyi ka̱ bwuot a̱ naat a̱ nyeak da̱ a̱vwuo ka ka̱ ku nshya̱ gbangbang a̱ni?

Yoona 6:68

Bitut si̱ nwuak gu shim nyia̱, “A̱tyoli, da̱ a̱vwuo a̱nyan kya zi̱ na nnat? Nwan wa byia̱ á̱lyiat na̱ nwuat swuan sang sangba̱p a̱ni.

Yoona 8:18

Nung, n nwuak sheda tazwa a̱pyia̱ nung. A̱wot A̱tyia̱ wu a̱ ta̱m nung a̱ni; nggu wa mameang, a̱ nwuak sheda tazwa nung.”

Nta̱m A̱yaata̱m 10:38

A̱wot nyi bu lyen nang A̱gwaza nkup Yesu a̱tyu Na̱za̱ra̱t tyok, a̱ si̱ bu nang nggu chet A̱za̱za̱rak Ntswa. A̱jawa Yesu si̱ chong a̱ kat a̱ nyia̱ a̱tan nta̱m ma̱ng choot a̱mgba̱m á̱niet nang á̱ka̱tuk ntswá nyia̱ tyok A̱ta̱nyeang da̱ mba a̱ni. Mat A̱gwaza ku shya̱ ndung ma̱ng a̱nggu.

Nta̱m A̱yaata̱m 2:22

“Nyin á̱niet Isi̱rela, nyi myiai a̱fufwuo, nyi fa̱a̱k! Yesu a̱tyu Na̱za̱ra̱t wa nang A̱gwaza tak nyin kpa̱sai, a̱ si̱ ta̱m ma̱ng a̱nggu. A̱gwaza tak si̱ huni, di̱ tyia̱ Yesu a̱ nyia̱ kuzang tangka̱i a̱ri̱bi̱di, nkyang a̱ga̱de, ma̱ng a̱lama; ma̱nang nyin ma̱ á̱pyia̱ nyin ndyen a̱ni.

A̱romawa 4:11

Tyia̱ mi̱ chen hu ku yet a̱lama wa a̱ tak nang Ibrahim wa ka̱n nwuak fwuo da̱ A̱gwaza. Ku si̱ bu fa nang A̱gwaza nsan ngguu. A̱wot ku tak kpa̱sai nang A̱gwaza nkyiak Ibrahim a̱tsotswat ma̱ng sang a̱bun a̱zaghyi nggu, neet nang á̱ ka̱n tyia̱ nggu mi̱ chen hu bah. Mat a̱nia, Ibrahim wa yet a̱tyia̱ á̱niet ba̱ nwuak fwuo da̱ A̱gwaza. A̱wot da̱ mba á̱ tyia̱ mba mi̱ chen a̱ni bah. Á̱ tak kpa̱sai nang á̱ nkyiak ba á̱tsotswat á̱niet ma̱ng sang a̱bun a̱zaghyi A̱gwaza mat nang ba̱ nnwuak fwuo hwa da̱ nggu a̱ni.

A̱romawa 6:23

Mat záng a̱ka̱tuk nyia̱ ji yet a̱khwu kya, a̱wot za̱nang nang A̱gwaza nang zi̱t a̱ni, ji̱ si̱ yet swuan sang sangba̱p ja, nang á̱ shyat di̱ mun á̱pyia̱ ma̱ng Kristi Yesu A̱tyoli nzi̱t wu a̱ni.

1 A̱korontiyawa 6:13

Á̱ ni̱ nyia̱, “Á̱ nyia̱ kyayak da̱nian a̱fa kya. A̱fa ka meang, á̱ nyia̱ nka da̱nian kyayak hwa.” (Si̱ huni yet a̱tsak a̱lyiat wa. A̱mgba̱m ma̱ng a̱nia, A̱gwaza na bwuk ma̱ng kyayak hu ma̱ng a̱fa ka). A̱wot nyi si̱ mi̱n fa nyia̱, A̱gwaza nyia̱ nvam nzi̱t na da̱nian a̱shi̱shi̱k nyia̱ bah. Nvam nzi̱t na á̱ nyia̱ naa da̱nian zi̱ ka nwuak A̱gwaza shi hwa. A̱wot A̱gwaza wa chok nvam nzi̱t na.

1 A̱korontiyawa 9:2

Ku nang á̱ghyang á̱niet nfa, n ngyet a̱ta̱m Yesu wa a̱ni bah, a̱tsatsak a̱lyiat n gyet a̱ta̱m Yesu wa da̱ a̱vwuo nyin. Nyin bya tak kpa̱sai nang n gyet a̱ta̱m A̱tyoli Yesu wu.

2 A̱korontiyawa 4:18

Mat a̱nia, zi̱ yok dam ma̱ng a̱bung ka nang zi̱ swuo ma̱nini a̱ni bah. Da̱ a̱kwonu a̱kya, zi̱ tyia̱ fwuo di̱ nkyang Ma A̱gwaza tswazwa nang zi̱ nwai nwuan a̱ni. Mat nkyang swanta na nang zi̱ nwuan ma̱nini a̱ni, na̱ na tyak ma a̱nggang. A̱wot nkyang Ma A̱gwaza tswazwa nang á̱ nwai nwuan a̱ni, na swan si̱ nat sang sangba̱p.

A̱ga̱la̱tiyawa 5:6

Mat, jen nang zi̱ nnwuak fwuo di̱ Yesu Kristi a̱ni, tyia̱ mi̱ chen ku nwai tyia̱ mi̱ chen, ku byia̱ nzi̱t kpangti̱n bah. Kyang ku yet a̱ swak a̱ni, huhwa yet; nwuak fwuo nzi̱t hu di̱ Kristi. Ku tyei nzi̱t zi̱ chat A̱gwaza ma̱ng á̱ghyang á̱niet.

A̱filibiyawa 2:13

Mat A̱gwaza wa nyia̱ nta̱m na mi̱ nfwuo nyin na. Nggu wa nwuat nyin di̱dang ma̱ng chet nyia̱ nta̱m ku myim a̱tan la̱p sak nggu wu a̱ni.

A̱kolosiyawa 1:29

Huhwa mbyia̱, n si̱ nta̱yuk da̱ a̱gba̱ndang chet Kristi wu, a̱ nyia̱ ta̱m ma̱ nung a̱ni. N si̱ nkwan n si̱ nyia̱ ta̱m shei A̱sham Nkhang hu ba̱t.

A̱kolosiyawa 2:22

A̱mgba̱m tangka̱i doká huni yet taada a̱tyubishyi ja tazwa nkyang na̱ na tyak; da̱ na, na̱ byia̱ kpangti̱n a̱ni bah.

A̱kolosiyawa 3:2

Nyi ni̱ nyia̱ a̱di̱dam da̱ á̱za̱za̱rak nkyang na̱ shya̱ Ma A̱gwaza tswazwa a̱ni, kang ma̱ng á̱si̱ mi̱ swanta na.

1 A̱ta̱solonikawa 1:3

Kuzang jen zi̱ ni̱ jhyung nta̱m nang nyi nyia̱ mat nwuak a̱chuchuk a̱ni, ma̱ng chat á̱ghyang ku tyia̱ beang á̱ghyang a̱ni, ma̱ng gbang a̱lyia̱ mat tyia̱ fwuo mami Yesu Kristi a̱ yet A̱tyoli nzi̱t a̱ni.

2 Timoti 2:19

A̱mgba̱m ma̱ng a̱nia, á̱niet khwi nggu ba li nang a̱fang tsa a̱tyin kuntyin nok nang A̱gwaza wu kpaat a̱ni. Á̱ si̱ mi̱n zwun ka bah. A̱wot a̱lyiat nani nia nang á̱ lyuut tazwa nka nyia̱, “A̱gwaza wu lyen á̱si̱ ba̱ yet á̱si̱ nggu a̱ni,” a̱wot, “Konyan wa nyia̱ a̱ khwi A̱gwaza a̱ni, ku yet ta hwa gu ghwon a̱ka̱tuk nyia̱.”

Ibriniyawa 12:16

Nyi ta̱bam, kalak á̱ ba̱ shya̱ a̱yin ma̱ nyin nang gu yet a̱tyu a̱shi̱shi̱k nyia̱, ma̱ng a̱tyu nwai fwuong a̱wun A̱gwaza nang Isuwa a̱ni. Nggu wa ku lyap gado yet a̱niet khwop nggwon nggu hu, mat kham kyayak jhyung ma̱nyin ji!

Ibriniyawa 4:11

Mat a̱nia, si̱ zi̱ kwan ba̱t zi̱ ka nwuo fwung a̱hwa! A̱wot ki̱ zi̱ lak khwi a̱lyiat A̱gwaza na, ma̱nang á̱niet Isi̱rela ba ku nnyia̱ a̱ni, zi̱ na kwa mut!

Yakubu 1:11

Jen nang mam ntat jenjai a̱ni, nkywat na ni̱ shyuk na̱ ta̱kut, shisham ji ji̱ tyak. A̱nia wa a̱tyu nzwa wu na khwu a̱ ghwon zwá ji nang gu swuo a̱bung a̱ tung da̱ a̱bwuang wu a̱ni.

1 Bitut 1:24

Nang A̱lyiat A̱gwaza na nhyia̱ a̱ni, nyia̱ “Á̱nietbishyi li nang a̱shyim á̱kwop a̱ni. A̱wot shisham mba ji li nang shisham nkywat a̱ka̱kwon a̱ni. Á̱kwop ba ni̱ shyuk. A̱wot nkywat a̱ka̱kwon na na̱ ta̱kut.

2 Bitut 1:17

jen nang gu ku nsan a̱kyenkyai shi ma̱ng tyok da̱ a̱vwuo A̱gwaza a̱ yet A̱tyia̱ a̱ni. A̱nwuat a̱kyenkyai shi tyok nggu ka si̱ neet Ma A̱gwaza tswazwa, ka̱ si̱ nyia̱ ma̱ng a̱nzi̱t, “Di, nggwon nung kya ka nang n chat a̱ni! Ka̱ nwuat nung a̱gba̱ndang a̱lyia̱ sai!”