Yoona 6:23 - A̠lyiat A̠gwaza na di̠n Tyap: A̠li̠ka̠uli A̠fai

²³ A̱wot a̱kukwon a̱wak á̱ghyang sii du neet Tiba̱riyat, ba̱ si̱ ba̱ yong kpa̱mkpaan ma̱ng a̱vwuo ka nang Yesu ku ngwai A̱gwaza di̱ burodi nang á̱kpa á̱niet ka ku ya a̱ni.

Yoona 6:23 Iomraidhean Croise

Matyu 15:36

Nang gu nkyiak burodi a̱natat ma̱ng fa̱n hu a̱ni, a̱ si̱ gwai A̱gwaza da̱nian naa. A̱ si̱ kpa̱ra̱m a̱ si̱ nwuat mman ta̱m na. Ba̱ si̱ ka̱u á̱kpa á̱niet ka.

Luka 7:13

Nang A̱tyoli Yesu ndi a̱byii̱k wu a̱ni, a̱ si̱ fa̱k kunak gu ba̱t, a̱ si̱ nyia̱, “Yok twei bah!”

Luka 7:19

A̱ si̱ ta̱m ba da̱ a̱vwuo A̱tyoli Yesu, ba̱ si̱ lyip gu nyia̱, “Nwan wa yet Kristi wu nang zi̱ swan fwuong chobai nggu hu a̱ni a? Ke zi̱ swan fwuong a̱ghyang a̱niet wa?”

Yoona 6:1

Nang Yesu ntyak nkyang nani a̱ni, a̱ si̱ bwuok a̱ nat. A̱ si̱si̱ byia̱k a̱ nat a̱ma̱nyi a̱gba̱ndang jok Ga̱lili (nang á̱ bu ngyei “Jok Tiba̱riyat ji” a̱ni.)