Yoona 6:19 - A̠lyiat A̠gwaza na di̠n Tyap: A̠li̠ka̠uli A̠fai

¹⁹ Nang mman ta̱m Yesu na ka̱n duk kukwon a̱wak hu a̱ nyia̱ a̱ka̱tyong a̱tat si̱ nat a̱naai; ba̱ si̱ kin ndi Yesu gu chong tazwa a̱sa̱khwot ka, a̱ chobai kpa̱mkpaan ma̱ng kukwon a̱wak mba hu! A̱wun si̱ ta̱bat baa, ba̱ si̱ ya̱dyuut!

Yoona 6:19 Iomraidhean Croise

Luka 24:13

Ma̱ a̱tuk Ladi a̱kya, nang Yesu ku ndoot ma̱ng swuan ma̱ á̱niet ba̱ ka̱n kwi a̱ni; á̱niet a̱feang mami á̱niet khwi Yesu ba ku doot Urusha̱lima, á̱ naat a̱bakeang a̱ghyang nang á̱ ngyei Imuwasu a̱ni. Doot Urusha̱lima nat a̱bakeang a̱kya yet met a̱natat wa.

Luka 9:42

Nang nggwon seam ka nnwuo chobai da̱ a̱vwuo Yesu a̱ni, a̱ka̱tuk ntswa wu si̱ bu kyiak ka a̱ lwi a̱byin! Ka̱ si̱ nwuo tyi̱ri̱m vam, a̱ vak ja̱fi̱k a̱ta̱mpyia̱. A̱wot Yesu si̱ kam a̱ka̱tuk ntswa wu a̱ si̱ ghwut. A̱ si̱ choot nggwon seam ka, a̱ si̱ neap a̱tyia̱ wu.

Yoona 11:18

(A̱keang Ba̱ta̱ni ka shya̱ kpa̱mkpaan ma̱ng Urusha̱lima, ku tat met a̱tat bah).

Yoona 14:18

“N na ghwon nyin ma̱nyin nyin nang á̱kunak a̱ni bah. N na mbwuok mbai da̱ a̱vwuo nyin.

Yoona 6:18

A̱jawa a̱ka̱tuk ngwun si̱ kin nwuo hyap. A̱sa̱khwot na si̱ ta̱bat chi̱p, mat wun hu ku hyap a̱ni.

Yoona 6:20

A̱jawa Yesu si̱ nyia̱ ma̱ng a̱mba a̱ni, “Nyi yok fa̱k a̱wun bah; nung gwa!”

Tyai Á̱zanson 14:20

Á̱ si̱ shai sum a̱na̱p hu da̱ a̱vwuo shyui a̱na̱p ka, ma̱nta a̱keang Urusha̱lima ka. A̱sok a̱na̱p na da̱ a̱vwuo shyui sum a̱na̱p hu si̱ hyat chen, ku shi a̱ swap a̱ tat met chyi jhyung ma̱ng swak a̱ni̱nai (180) a̱ni. A̱wot a̱sok na si̱ nyeak a̱ tat a̱za a̱li̱nzami ntsaai!

Tyai Á̱zanson 21:16

Nang a̱ta̱m tswa wu mmak a̱keang ka a̱ni, a̱ si̱ shya̱ kuzang fam, swap hu, ma̱ng a̱kpai ka shya̱ cha̱chaat. Mami a̱chuchuk, swap, a̱kpai, ma̱ng a̱za a̱keang ka yet met chyikwop jhyung ma̱ng chyi nyaai ja (1,400) cha̱chaat.