Yoona 6:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ Nang Yesu ndyen nang ba̱ nchobai ba̱ ta̱bat guu, ba̱ ka kup gu tyok mi̱ chet; huhwa si̱ mbyia̱ a̱ si̱ tyia̱ ghyuai a̱ ghwut. A̱ si̱ nkat tazwa tsutsok ka nggu ma̱nyin nggu.

Yoona 6:15 Iomraidhean Croise

Matyu 5:1

Á̱ghyang á̱tuk, nang Yesu ndi á̱kpa á̱niet ma̱ a̱di̱di̱t ntung a̱ni, a̱ si̱ nyeak tazwa ntsok, a̱ si̱ swan a̱ja. Mman ta̱m nggu na si̱ bai, á̱ ba̱ swan á̱ tyong gu á̱ keang.

Ma̱rkut 11:9

Á̱niet ba̱ kwak a̱son Yesu ma̱ng á̱si̱ ba̱ khwi gu lilyim a̱ni, si̱ koot a̱gugong nyia̱, “Hosana, Hosana! Zi̱ dyep A̱gwaza! Shok yet si̱ a̱tyu, a̱ chobai ma̱ng Tyok A̱gwaza A̱tyoli a̱ni!

Luka 19:38

“A̱gwam a̱ chobai da̱ a̱lyoot A̱gwaza a̱ni, a̱ yet a̱tyu a̱li̱ba̱rka wa! Swat nyinyang shya̱ Ma A̱gwaza tswazwa! A̱wot yok á̱ nwuak A̱gwaza a̱ shya̱ a̱ja a̱ni shi!”

Yoona 18:36

Yesu si̱ ma nwuak Bilatut shim hu nyia̱, “Tyok nung hu yet si̱ mi̱ swanta huni hwa bah. Ka̱ tyok nung hu wa yet si̱ mi̱ swanta huni hwa, si̱ á̱niet ba̱ nyia̱ nung nta̱m a̱ni, na nyia̱ zwang da̱nian nung, ba̱ nvwuong á̱ tyia̱ nung bwak a̱cha̱chet A̱yahudawa ba.”

Yoona 5:41

“N chat á̱niet bya ba̱ chyin nung bah.

Yoona 6:22

Da̱ a̱tsotson tat ka, á̱kpa á̱niet ka ba̱ ku shya̱ da̱ ma̱nyii a̱gba̱ndang jok ka a̱ni, ku nwuan ba̱ si̱ li nang kukwon a̱wak nyiung hwa bwat a̱ja. Ba̱ si̱ lyen nang Yesu nnwuo kukwon a̱wak hu dundung ma̱ng mman ta̱m nggu na bah; nang mman ta̱m nggu na ka̱n nkat ma̱nyin mba.

Yoona 6:3

Yesu si̱ nyeak a̱ nat tazwa a̱fan, a̱ si̱si̱ swan a̱ja dundung ma̱ng mman ta̱m nggu na.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.