Yoona 6:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ Nang á̱niet ba a̱ja ndi a̱gba̱ndang kyang a̱ga̱de nang Yesu nyia̱ a̱ni, ba̱ si̱ nyia̱, “A̱tsak a̱lyiat wa za̱m; a̱tyu wuni yet A̱ta̱m a̱kwonu A̱gwaza wa a̱ na bai mi̱ swanta hu a̱ni!”

Yoona 6:14 Iomraidhean Croise

Matyu 11:3

“Nwan wa yet Kristi wu nang zi̱ fwuong chobai gu hu a̱ni a; ke zi̱ fwuong a̱ghyang á̱niet wa?”

Matyu 21:11

A̱wot susot á̱kpa á̱niet ji si̱ nwuak shim nyia̱, “A̱tyu wuni wa yet Yesu, a̱ta̱m a̱kwonu A̱gwaza, a̱ neet Na̱za̱ra̱t mi̱ fam a̱byin Ga̱lili a̱ni!”

Luka 24:19

Yesu si̱ bu lyip ba, nyia̱ “Zang ntangka̱i nkyang nia?” Ba̱ si̱ bu nyia̱ ma̱ng a̱nggu, “Nkyang na na̱ shya̱ Yesu a̱ neet ma̱ a̱keang Na̱za̱ra̱t ka a̱ni. A̱ ku yet a̱tsak a̱ta̱m a̱kwonu A̱gwaza wa. A̱ si̱ nyia̱ nkyang a̱ri̱bi̱di na̱ byia̱ chet a̱ni. A̱wot a̱ si̱ yet a̱gba̱ndang a̱tyu tyiet wa a̱zaghyi A̱gwaza mbeang a̱mgba̱m á̱nietbishyi ba.

Luka 7:16

Á̱kpa á̱niet ka si̱ fa̱k a̱wun ba̱t! Ba̱ si̱ dyep A̱gwaza nyia̱, “A̱gba̱ndang a̱ta̱m a̱kwonu A̱gwaza bai da̱ a̱vwuo nzi̱t! A̱wot A̱gwaza bai a̱ san á̱niet nggu ba a̱fwun!”

Yoona 1:21

A̱jawa ba̱ si̱ bu lyip gu nyia̱, “Nwan wa yet Iliya a̱ta̱m a̱kwonu A̱gwaza wu a?” Yoona si̱ nwuak ba shim nyia̱, “Kaai, nung gwa bah.” Ba̱ si̱ bu lyip gu, nyia̱ “Nwan wa yet a̱ta̱m a̱kwonu A̱gwaza wu nang á̱ nyia̱ a̱ na ta̱m ndyo a̱ni a?” A̱ si̱ nyia̱ ma̱ng a̱mba, “Kaai.”

Yoona 11:27

A̱jawa Ma̱rta si̱ nwuak Yesu shim nyia̱, “Ii, A̱tyoli, n nwuak a̱chuchuk nwan wa yet Kristi a̱tyu nang A̱gwaza kup gu tyok nang zi̱ fwuong a̱ni; Nggwon A̱gwaza ka nang á̱ ku sak ka̱ na bai mi̱ swanta hu a̱ni.”

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 4:19

A̱nap wu si̱ nyia̱ ma̱ng Yesu a̱ni, “A̱tyoli, n fi̱k nang a ngyet a̱ta̱m a̱kwonu A̱gwaza wa!

Yoona 4:25

A̱nap wu si̱ nyia̱ ma̱ng Yesu a̱ni, “N dyen nang a̱ta̱m a̱kwonu A̱gwaza nang á̱ ngyei ‘Kristi’ a̱ni chobai. Ka̱ a̱ ba̱ bai, a̱ na tak ma̱ng a̱nzi̱t kuzang kyang.”

Yoona 4:42

A̱jawa ba̱ si̱ nyia̱ ma̱ng a̱nap wu a̱ni, “Nzi̱t mameang, zi̱ nwuak fwuo di̱ Yesu ma̱nini, mat kyang nang a hyia̱ wa a̱ni bah. A̱wot nzi̱t ma̱ á̱pyia̱ nzi̱t mameang, zi̱ fa̱k a̱lyiat nggu na. A̱wot zi̱ lyen za̱m nang nggu wa ngyet A̱tyusan á̱niet mi̱ swanta ba!”

Yoona 6:2

Á̱kpa á̱niet si̱ khwi nggu, mat ba̱ ku li a̱cha̱chet nkyang a̱ga̱de nang gu ku nyia̱ di̱ choot á̱niet nzwán ba a̱ni.

Yoona 6:26

Yesu si̱ nwuak mba shim nyia̱, “N na ntak nyin a̱tsatsak a̱lyiat; nyi chat nung, mat nyi ku ya burodi wu nyi si̱ swa̱i; da̱ nyia̱ nyi fi̱k nkyang a̱ga̱de nang n nyia̱ wa a̱ni bah.

Yoona 6:30

A̱jawa á̱niet ba si̱ nyia̱ ma̱ng Yesu a̱ni, “Zang tangka̱i kyang a̱ga̱de hwa ku yet a̱lama nang a na nyia̱ nzi̱t ndyo zi̱ li, zi̱ ka nnwuak fwuo da̱ nwan? Yihwa a na nyia̱?

Yoona 7:40

Nang á̱kpa á̱niet ka nfa̱k á̱lyiat Yesu na a̱ni, ba̱ si̱ nyia̱, “A̱tsatsak a̱lyiat wa za̱m; a̱tyu wuni yet a̱ta̱m a̱kwonu A̱gwaza wa nang zi̱ fwuong a̱ni!”

Nta̱m A̱yaata̱m 7:37

“Musa ma̱ a̱pyia̱ nggu ku nyia̱ ma̱ng á̱niet Isi̱rela ba, ‘A̱gwaza na khai, a̱ bu ta̱m a̱yin ma̱ nyin a̱ yet A̱ta̱m a̱kwonu nggu; ma̱nang gu nkhai nung a̱ni. A̱ na yet a̱tyo nyiung mami nyin.’