Yoona 5:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ Mi̱ di̱ yong a̱hwa, a̱tyu nzwan wu si̱ kin choot! A̱ si̱ kyiak a̱kpang nggu wu, a̱ si̱ nkat. A̱wot a̱tuk a̱kya ku yet Mam Fwung A̱yahudawa hwa.

Yoona 5:9 Iomraidhean Croise

Ma̱rkut 1:31

Yesu si̱ nat da̱ a̱vwuo myian nggu ka. A̱ si̱ ta̱bat gu di̱ mbwak a̱ si̱ ta̱ngam gu. A̱kwang wu si̱ choot, a̱wot a̱ si̱ doot, a̱ si̱ wan ba kyayak.

Ma̱rkut 1:42

Ma̱nang but á̱ghyi a̱ni, a̱tyu gbap wu si̱ kin choot, a̱ si̱ tyia̱ za̱za̱rak!

Ma̱rkut 10:52

Yesu si̱ nyia̱ ma̱ng a̱nggu, “Nkat, nwuak fwuo ang hu da̱ nung choot ang!” Mi̱ di̱ yong a̱hwa, a̱ si̱ kin ta̱bat nwuan a̱vwuo! A̱wot a̱ si̱ khwi Yesu.

Ma̱rkut 5:29

Nang gu si̱ mbyiam a̱junjung a̱toot Yesu wu a̱ni, ma̱nang but á̱ghyi a̱ni, tyong a̱sok hu si̱ kin gyong! A̱ si̱ fa̱k mi̱ vam nggu hu si̱sak ji nang Yesu nchoot gu a̱ni.

Yoona 5:14

Á̱ si̱ labeang bah, Yesu si̱ myim ma̱ng a̱tyu nang gu ku choot mami didyaat A̱li Nwuat Za̱nang A̱gwaza hu. A̱ si̱ nyia̱ ma̱ng a̱nggu a̱ni, “Di, a choot ma̱ninika! Mat a̱nia, ghwon a̱ka̱tuk nyia̱ ang wu. Kalak a̱bombwuon kyang a̱ swak zwan jini ma̱ng shi a̱ni, na shya̱ ang!”

Yoona 7:23

Ka̱ á̱ ni̱ sak nggwon a̱sam mi̱ chen a̱tuk Mam Fwung ka kalak á̱ du tyat doka Musa ji; ka̱ doot nyi mwai lyen ma̱ng a̱nung da̱ziya nang n choot a̱yin a̱tuk Mam Fwung ka a?

Yoona 9:14

A̱tuk Mam Fwung kya nang Yesu ku nnu mbyin na a̱ si̱ nkhwuk a̱tyu a̱fi̱fan wu á̱ghyi ba.