Yoona 5:6 - A̠lyiat A̠gwaza na di̠n Tyap: A̠li̠ka̠uli A̠fai

⁶ Nang Yesu ndi gu nang gu myian a̱ja a̱ni, Yesu si̱ lyen nang nggu ka̱n dabeang ma̱ng zwan ji. A̱jawa Yesu nyia̱ ma̱ng a̱nggu a̱ni, “A chat á̱ choot ang a?”

Yoona 5:6 Iomraidhean Croise

Luka 18:41

“Yihwa a chat n nyia̱ ang dyo?” A̱tyu a̱fi̱fan wu si̱ nyia̱, “A̱tyoli, ma̱sa̱kut, n chat n bu shya̱ nwuan a̱vwuo!”

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 5:5

A̱tyok a̱ghyang ku shya̱ a̱ja nang gu nyia̱ ma̱ng zwan a̱lyia̱ nswak ntat ma̱ a̱ni̱nai.

Yoona 5:7

A̱tyu nzwan wu si̱ nwuak Yesu shim nyia̱, “A̱tyoli, n byia̱ a̱tyu a̱ na tyia̱ nung ma̱ a̱sa̱khwot na di̱n jen nang á̱ ni̱ nkyiai na a̱ni bah. Ka̱ n doot na nwuo ma̱ a̱sa̱khwot na, a̱ghyang a̱niet ni̱ shya̱ a̱son nung di̱ nwuo hu!”

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.

Ibriniyawa 4:15

Mat zi̱ byia̱ A̱gba̱ndang Pris, a̱ fi̱k lat nzi̱t hu a̱ni za̱m. Mat á̱ ku mak gu ma̱nang á̱ mmai nzi̱t a̱ni. A̱mgba̱m ma̱ng a̱nia, á̱ si̱ shya̱ nggu ma̱ng a̱ka̱tuk nyia̱ bah.