Yoona 5:5 - A̠lyiat A̠gwaza na di̠n Tyap: A̠li̠ka̠uli A̠fai

⁵ A̱tyok a̱ghyang ku shya̱ a̱ja nang gu nyia̱ ma̱ng zwan a̱lyia̱ nswak ntat ma̱ a̱ni̱nai.

Yoona 5:5 Iomraidhean Croise

Ma̱rkut 9:21

Yesu si̱ lyip a̱tyia̱ nggwon wu, nyia̱ “Neet zang jen kya nang nggwon ka nswuo a̱bung ma̱ng a̱ka̱tuk ntswa wuni?” A̱tyia̱ wu si̱ nwuak gu shim nyia̱, “Neet nang ka̱ yet a̱da̱dei nggwon.

Luka 13:16

Di a̱yang a̱li wuni, a̱ yet a̱ka̱mbwon Ibrahim kya. A̱wot A̱ta̱nyeang ka la̱p gu a̱lyia̱ swak ma̱ a̱ni̱nai kya ka. Ku myim á̱ byii̱k guu á̱ kai ghwon a̱tuk Mam Fwung ka baa?”

Luka 8:43

A̱byii̱k a̱ghyang ku shya̱ mami á̱kpa á̱niet ka, nang gu ka̱n nyia̱ a̱lyia̱ swak ma̱ a̱feang nang gu tyong a̱sok kuzang jen. A̱wot da̱ nggu, a̱ shya̱ a̱tyu a̱ na choot gu a̱ni bah.

Yoona 5:14

Á̱ si̱ labeang bah, Yesu si̱ myim ma̱ng a̱tyu nang gu ku choot mami didyaat A̱li Nwuat Za̱nang A̱gwaza hu. A̱ si̱ nyia̱ ma̱ng a̱nggu a̱ni, “Di, a choot ma̱ninika! Mat a̱nia, ghwon a̱ka̱tuk nyia̱ ang wu. Kalak a̱bombwuon kyang a̱ swak zwan jini ma̱ng shi a̱ni, na shya̱ ang!”

Yoona 5:6

Nang Yesu ndi gu nang gu myian a̱ja a̱ni, Yesu si̱ lyen nang nggu ka̱n dabeang ma̱ng zwan ji. A̱jawa Yesu nyia̱ ma̱ng a̱nggu a̱ni, “A chat á̱ choot ang a?”

Yoona 9:1

Nang Yesu sweap, a̱ si̱ kin di a̱tyok nang á̱ ku byin ma̱ng a̱fi̱fan a̱ni.

Yoona 9:21

A̱mgba̱m ma̱ng a̱nia, zi̱ lyen si̱sak nang gu nnyia̱ á̱ghyi gu ba si̱ nkhwuk a̱ni bah. Da̱ nzi̱t, zi̱ lyen a̱tyu a̱ khwuk gu á̱ghyi ba a̱ni bah. Nyi lyip gu, a̱ yet nggwon bah. A̱ maai a̱yin, a̱ na nwuak shim hu ma̱ a̱pyia̱ nggu!”

Nta̱m A̱yaata̱m 14:8

Jen nang Bulut ma̱ng Ba̱nabat nshya̱ ma̱ a̱keang Listra ka a̱ni, ba̱ si̱ myim ma̱ng a̱yin nang gu swan a̱byin. A̱ si̱ mi̱n chong bah. Mat a̱ti̱tak ba ta̱luk neet di̱ mbyin.

Nta̱m A̱yaata̱m 3:2

nang ba̱ si̱ ntat a̱zanunwuai didyaat A̱li Nwuat Za̱nang A̱gwaza ka a̱ni, ba̱ si̱ shya̱ a̱yin a̱ja, á̱ byin nggu ma̱ng ta̱luk a̱ti̱tak hu! Á̱ ni̱ kyiak guu, á̱ si̱ sak kuzang a̱tuk a̱zanson a̱na̱nwuai nang á̱ ku ngyei “A̱sham A̱zanunwuai ka” a̱ni. Da̱nian gu ka shweang kurum da̱ a̱vwuo á̱niet ba, ba̱ ni̱ nwuai didyaat A̱li Nwuat Za̱nang A̱gwaza hu a̱ni.

Nta̱m A̱yaata̱m 4:22

da̱nian a̱yaata̱m ba ku shei a̱gba̱ndang a̱lama a̱ tyei á̱niet ba ba̱ fa̱k a̱ga̱de; di̱ si̱sak nang ba̱ ku nchoot a̱ta̱luk a̱ti̱tak a̱ ku nyia̱ a̱lyia̱ swak naai ma̱ng kyang a̱ni.

Nta̱m A̱yaata̱m 9:33

A̱jawa gu si̱ nshya̱ a̱tyok nang á̱ ngyei Iniyat a̱ni; nang gu ka̱n nyia̱ a̱lyia̱ a̱ni̱nai nang gu myian da̱ a̱gbaat mat ta̱luk a̱ti̱tak.