Yoona 5:46 - A̠lyiat A̠gwaza na di̠n Tyap: A̠li̠ka̠uli A̠fai

⁴⁶ Ka̱ nyi wa nwuak a̱chuchuk di̱ Musa za̱m, si̱ nyi nwuak a̱chuchuk da̱ nung. Mat Musa ku lyuut nkhang nung nia!

Yoona 5:46 Iomraidhean Croise

Luka 24:27

A̱wot Yesu si̱ wa̱i mba a̱mgba̱m A̱lyiat A̱gwaza na, kyiak neet di̱ doka Musa ji, ba̱ng ba̱ tat shei á̱zanson nang a̱mgba̱m a̱yaata̱m a̱kwonu A̱gwaza á̱ghyang ku lyuut a̱ni.

Yoona 1:45

Filibut mameang si̱ nat a̱ si̱ shya̱ Nataniyel. A̱ si̱ nyia̱ ma̱ng a̱nggu a̱ni, “Zi̱ shya̱ a̱tyu nang Musa ku lyuut nkhang nggu na mami ta̱ka̱da doka ji a̱ni! A̱yaata̱m a̱kwonu A̱gwaza si̱ bu lyuut nkhang nggu na! Nggu wa yet Yesu A̱tyu Na̱za̱ra̱t, nggwon Isuu!”

Yoona 5:47

A̱wot ka̱ nyi nwuak a̱chuchuk di̱ kyang nang Musa ku lyuut a̱ni bah; nyi na nyia̱ ni wa nyi nwuak a̱chuchuk da̱ lyiat nung na?”

Nta̱m A̱yaata̱m 26:22

“A̱mgba̱m ma̱ng a̱nia, A̱gwaza si̱ chok nung ba̱ng ba̱ tat a̱fwun, mat n ka nwuak sheda a̱zaghyi konyan, neet da̱ a̱chyuang wu si̱ nat a̱cha̱chet ba. N tyiet á̱lyiat A̱gwaza á̱ghyang nia ma̱ zan bah, si̱ mi̱ tyiet nang a̱yaata̱m a̱kwonu A̱gwaza, mbeang Musa, ku nyia̱ ku na bai da̱ a̱nu ka a̱ni.

A̱romawa 10:4

Mat Kristi wa tyia̱ doka ji si̱ ntyak ta̱m tyei á̱niet tsotswat hu. Mat a̱nia, konyan wa nwuak fwuo di̱ Kristi, A̱gwaza na tak kpa̱sai nang gu nkyiak gu a̱tsotswat ma̱ng sang a̱bun a̱zaghyi nggu.

A̱ga̱la̱tiyawa 2:19

Mat jen nang n kwan khwi doka ji, a̱wot n si̱ ndat a̱ni, ji̱ ni̱ tak nang n gyet a̱tyu a̱ka̱tuk nyia̱ wa. Mat a̱nia, n kyiak a̱pyia̱ nung nang kwom a̱ni da̱ a̱vwuo doka ji. N ghwon kwan khwi kyang hu nang doka ji chat a̱ni, da̱nian n ka swan swat ku myim A̱gwaza a̱ni.

A̱ga̱la̱tiyawa 3:10

A̱wot á̱niet ba ba̱ tyia̱ fwuo di̱ doka Musa ji, ji̱ tyia̱ mba ba̱ yet a̱tsotswat a̱zaghyi A̱gwaza a̱ni, A̱gwaza na shyi mbaa. Á̱ nyia̱ mba shi̱ri̱ya a̱khwu. Mat, á̱ lyuut ma̱ A̱lyiat A̱gwaza na nyia̱, “Konyan wa lak khwi a̱mgba̱m doká nang á̱ lyuut mami Ta̱ka̱da doká Musa hu kuzang jen a̱ni, á̱ na shyi nggu, á̱ nyia̱ nggu shi̱ri̱ya a̱khwu!”

A̱ga̱la̱tiyawa 3:13

A̱wot Kristi wa tyia̱ zi̱ si̱ shot shyishyi a̱khwu nang doka ji shei a̱ni. Di̱n jen nang á̱ ku kpang Yesu á̱ si̱ lya̱u nggu da̱ a̱team a̱khwu wu a̱ni; a̱ si̱ kyiak shyishyi a̱khwu a̱ka̱tuk nyia̱ nzi̱t wu a̱ sak a̱pyia̱ nggu. Ma̱nang á̱ ndyuut ma̱ A̱lyiat A̱gwaza na a̱ni, nyia̱, “Konyan wa nang á̱ lya̱u ka̱tsak da̱ a̱kwon, ku tak nang shyishyi a̱khwu A̱gwaza ja ya nggu a̱ni.”

A̱ga̱la̱tiyawa 3:24

Mat a̱nia, doka ji ja nang á̱ ku tyia̱ ji̱ si̱ kwak nzi̱t a̱son, si̱ nang Kristi mbai. A̱wot ji̱ si̱ chok zi̱t si̱ nang A̱gwaza na nkyiak zi̱t zi̱ yet á̱tsotswat á̱niet ba̱ sang a̱bun a̱zaghyi nggu a̱ni, mat nang zi̱ nnwuak fwuo di̱ Yesu a̱ni.