Yoona 5:43 - A̠lyiat A̠gwaza na di̠n Tyap: A̠li̠ka̠uli A̠fai

⁴³ Nung, n bai da̱ a̱lyoot A̱tyia̱ nung kya. Da̱ nyin, nyi san nung bah. A̱wot ka̱ a̱ghyang a̱niet bai da̱ a̱lyoot a̱pyia̱ nggu, nyi na san gu mbwak nfeang.

Yoona 5:43 Iomraidhean Croise

Matyu 24:24

Mat á̱niet bwoi a̱ka̱laa ba̱ kyiak nyia̱ bibya yet A̱tyoli Kristi, ma̱ng á̱ghyang á̱niet ba̱ kyiak nyia̱ bibya yet á̱tsak a̱yaata̱m a̱kwonu A̱gwaza, na ghwut kpa̱sai. Ba̱ na nyia̱ nkyang a̱ri̱bi̱di ma̱ng nkyang a̱ga̱de. A̱wot ka̱ ba̱ shya̱ a̱wat ka, ba̱ na laai ku á̱niet nang A̱gwaza khai a̱ni.

Matyu 24:5

Mat á̱niet ma̱ a̱di̱di̱t na bai da̱ a̱lyoot nung, di̱ bwoi a̱ka̱laa, ba̱ kyiak nyia̱ bibya yet ‘Kristi,’ a̱ yet A̱tyu nang A̱gwaza kup gu tyok a̱ni. A̱wot ba̱ na laai á̱niet ma̱ a̱di̱di̱t.

Yoona 10:25

Yesu si̱ nwuak ba shim nyia̱, “N wa ka̱n tak ma̱ng a̱nyin. A̱mgba̱m ma̱ng a̱nia, nyi si̱ lak nwuak fwuo hu da̱ nung. Nkyang a̱ga̱de na nang n nyia̱ da̱ a̱lyoot A̱tyia̱ nung ka a̱ni, ni̱nia lyiat a̱kwonu nung ka, na̱ si̱ bu shei kyang hu nang n gyet a̱ni.

Yoona 12:28

A̱tyia̱, nwuak a̱lyoot ang ka shi!” A̱nwuat si̱ kin ghwut a̱ neet Ma A̱gwaza tswazwa nyia̱, “N mi̱ nkai nwuak a̱lyoot nung ka shi. A̱wot n bu na nwuak ka shi hu mbeang!”

Yoona 3:16

“Mat A̱gwaza ku fa̱k da̱ á̱niet mi̱ swanta ba ba̱t. Huhwa si̱ tyia̱ a̱ si̱ neap Nggwon nang gu byia̱ ma̱nyin ka a̱ni; da̱nian konyan wa nwuak fwuo da̱ nka a̱ni, a̱ na khwu bah, a̱wot a̱ na shya̱ swuan sang sangba̱p ja.

Yoona 5:42

A̱mgba̱m ma̱ng a̱nia, n dyen nang nyi nfa̱k da̱ A̱gwaza mi̱ fwuo nyin na bah.

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

Nta̱m A̱yaata̱m 21:38

N nyia̱ a̱ni oo, nwan wa yet a̱tyu Ma̱sa̱r wu a̱ ku kwak a̱son á̱niet ba̱ ku tyia̱ zat mi̱ njen swak ji, a̱wot a si̱ nat ma̱ng á̱niet hyaai á̱niet chyikwop nyaai (4,000) mi̱ ntswa a̱yit ji a̱ni a?”