Yoona 5:42 - A̠lyiat A̠gwaza na di̠n Tyap: A̠li̠ka̠uli A̠fai

⁴² A̱mgba̱m ma̱ng a̱nia, n dyen nang nyi nfa̱k da̱ A̱gwaza mi̱ fwuo nyin na bah.

Yoona 5:42 Iomraidhean Croise

Luka 16:15

Huhwa Yesu si̱ nyia̱ ma̱ng a̱mba a̱ni, “Nyin, nyi bya yet tangka̱i á̱niet ba̱ chat nyia̱ nkyang kpa̱sai da̱nian á̱niet ba̱ ka kwok nyin nang á̱tsotswat á̱niet a̱ni. A̱wot A̱gwaza wa za̱m lyen nkyang nang nyi nyia̱ a̱di̱dam mi̱ nfwuo nyin na a̱ni. A̱wot kyang nang á̱niet mi̱ swanta chyin nyia̱ ku yet a̱ni, da̱ a̱vwuo A̱gwaza ku yet a̱shi̱shi̱k kyang wa za̱m!”

Yoona 2:25

Da̱ mba, ba̱ byia̱ a̱yin a̱ na hyia̱ ma̱ng a̱nggu kyang tazwa a̱tyubishyi a̱ni bah. Mat, a̱ ku lyen kyang hu ku shya̱ mi̱ nfwuo mba na a̱ni.

Yoona 21:17

Yesu si̱ bu lyip gu da̱ a̱ka̱tat ka, nyia̱, “Siman, a̱fai Yoona, a chat nung a?” Bitut si̱ fa̱k a̱lyia̱ ya di̱ si̱sak nang Yesu bu ndyip gu da̱ a̱ka̱tat ka, nyia̱, “A chat nung a?” A̱ si̱ nyia̱ “A̱tyoli, a lyen kuzang kyang, a lyen nang n chat ang!” Yesu si̱ nyia̱ ma̱ng a̱nggu, “Ka̱u zón seap nung ji kyayak.

Yoona 5:41

“N chat á̱niet bya ba̱ chyin nung bah.

Yoona 5:43

Nung, n bai da̱ a̱lyoot A̱tyia̱ nung kya. Da̱ nyin, nyi san nung bah. A̱wot ka̱ a̱ghyang a̱niet bai da̱ a̱lyoot a̱pyia̱ nggu, nyi na san gu mbwak nfeang.

Yoona 5:44

“Nyi na nyia̱ ni wa nyi nwuak a̱chuchuk, ka̱nang nyi chat dyep da̱ a̱vwuo á̱ghyang nyin; a̱wot da̱ nyin nyi chat chyin ku neet da̱ a̱vwuo A̱gwaza ma̱nyin nggu a̱ni bah?

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Yoona 8:47

A̱tyu a̱ yet a̱si̱ A̱gwaza a̱ni, a̱ ni̱ myiai a̱fufwuo a̱ fa̱k a̱lyiat A̱gwaza na. Nyin, nyi yet á̱niet A̱gwaza bah. Huhwa mbyia̱ nyi si̱ mi̱n myiai a̱fufwuo nyi fa̱k a̱lyiat A̱gwaza na bah.”

Yoona 8:55

“Nyin, nyi lyen gu bah. A̱wot nung, n dyen nggu. Ki̱ n nyia̱ di̱ n dyen gu bah, n na ngyet a̱tyu bwoi a̱ka̱laa cha̱chaat ma̱ng a̱nyin. A̱wot n dyen nggu za̱m, a̱wot n si̱ khwi a̱lyiat nggu na.

A̱romawa 8:7

Za̱kwa a̱ka̱tuk nyia̱ ji ni̱ lak li A̱gwaza nchi̱ri̱ng. A̱wot za̱kwa a̱ka̱tuk nyia̱ si̱ mi̱n mak khwi doka A̱gwaza ji bah. A̱tsak a̱lyiat, ji̱ si̱ mi̱n mak mi̱ mak ji̱ khwi doka ji bah.

1 Yoona 2:15

Mat a̱nia, nyi yok chat nkyang na na̱ shya̱ mi̱ swanta huni a̱ni bah. Ka̱ a̱yin chat swanta hu, ku fa a̱ chat A̱tyia̱ wu bah.

1 Yoona 3:17

Ka̱ a̱yin byia̱ zwá a̱pyia̱ nggu, a̱ si̱ li a̱ghyang a̱niet nang gu shya̱ mi̱ kunak, a̱wot a̱ si̱ lak fa̱k kunak gu; á̱ na nyia̱ ni á̱ ndyen nang chat A̱gwaza hu nshya̱ ma̱ a̱nggu?

1 Yoona 4:20

Konyan wa tak nyia̱, “N chat A̱gwaza,” a̱wot a̱ si̱ lak li á̱niet khwi á̱ghyang, a̱tyu a̱wa bwoi a̱ka̱laa nia. Mat ka̱ zi̱ lak chat á̱niet nang zi̱ nwuan a̱ni, zi̱ na nyia̱ ni zi̱ nchat A̱gwaza da̱nang zi̱ ka̱n di a̱ni bah?

Tyai Á̱zanson 2:23

N na hyaai á̱niet ba̱ khwi tyiet gu hu a̱ni. A̱wot a̱mgba̱m á̱niet khwi ba na lyen, nang nung gwa ngyet a̱tyu a̱ zop fwuo ma̱ng a̱di̱dam konyan a̱ni! Mat a̱nia, n na ntan konyan zang ma̱ cha̱chaat ma̱ng ta̱m hu nang gu nyia̱ a̱ni.