Yoona 5:41 - A̠lyiat A̠gwaza na di̠n Tyap: A̠li̠ka̠uli A̠fai

⁴¹ “N chat á̱niet bya ba̱ chyin nung bah.

Yoona 5:41 Iomraidhean Croise

Yoona 12:43

Mat ba̱ ku chat dyep da̱ a̱vwuo á̱nietbishyi a̱ swak si̱sak nang A̱gwaza na ndyep mba a̱ni.

Yoona 5:34

A̱mgba̱m ma̱ng a̱nia, n chat n ba̱ng fwuo di̱ kyang nang a̱tyubishyi tak kpa̱sai tazwa nung a̱ni bah. N tak a̱nia da̱nian nyi ka shya̱ swuan ja.

Yoona 5:40

A̱mgba̱m ma̱ng a̱nia, nyi lak bai da̱ a̱vwuo nung, nyi ka shya̱ swuan ji.

Yoona 5:42

A̱mgba̱m ma̱ng a̱nia, n dyen nang nyi nfa̱k da̱ A̱gwaza mi̱ fwuo nyin na bah.

Yoona 5:44

“Nyi na nyia̱ ni wa nyi nwuak a̱chuchuk, ka̱nang nyi chat dyep da̱ a̱vwuo á̱ghyang nyin; a̱wot da̱ nyin nyi chat chyin ku neet da̱ a̱vwuo A̱gwaza ma̱nyin nggu a̱ni bah?

Yoona 6:15

Nang Yesu ndyen nang ba̱ nchobai ba̱ ta̱bat guu, ba̱ ka kup gu tyok mi̱ chet; huhwa si̱ mbyia̱ a̱ si̱ tyia̱ ghyuai a̱ ghwut. A̱ si̱ nkat tazwa tsutsok ka nggu ma̱nyin nggu.

Yoona 7:18

Ka̱ a̱yin lyiat di̱ nkyang na̱ yet si̱ a̱pyia̱ nggu a̱ni, a̱ ni̱ chat a̱ nwuak a̱pyia̱ nggu shi hwa. A̱wot a̱tyu a̱ lyiat da̱ a̱kwonu a̱tyu a̱ ta̱m gu a̱ni, da̱nian a̱ chat a̱ ka nwuak a̱tyu a̱ ta̱m gu a̱ni wa shi hu; nggu wa byia̱ a̱chuchuk wu. A̱ yet a̱tyu bwoi a̱ka̱laa wa bah.

Yoona 8:50

N chat shi a̱pyia̱ nung bah. A̱yin nshya̱ a̱ chat nung ndyo a̱ni. A̱wot nggu wa yet a̱tyu nyia̱ shi̱ri̱ya wu da̱ a̱kwonu nung.

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

1 A̱ta̱solonikawa 2:6

Da̱ nzi̱t, zi̱ ku chat shya̱ dyep hwa da̱ a̱vwuo á̱niet, ku da̱ a̱vwuo nyin, ku da̱ a̱vwuo á̱ghyang á̱niet bah.

1 Bitut 2:21

Mat A̱gwaza yei nyin nyi nyia̱ a̱tan nta̱m, ku di̱ ta̱m hu na yet nyin si̱ swuo a̱bung hwa, ma̱nang Kristi ku nswuo a̱bung da̱nian nyin a̱ni. Nggu wa yet nyin kidee ji. A̱wot ku yet ta hwa nyi khwi ngguu.

2 Bitut 1:17

jen nang gu ku nsan a̱kyenkyai shi ma̱ng tyok da̱ a̱vwuo A̱gwaza a̱ yet A̱tyia̱ a̱ni. A̱nwuat a̱kyenkyai shi tyok nggu ka si̱ neet Ma A̱gwaza tswazwa, ka̱ si̱ nyia̱ ma̱ng a̱nzi̱t, “Di, nggwon nung kya ka nang n chat a̱ni! Ka̱ nwuat nung a̱gba̱ndang a̱lyia̱ sai!”