Yoona 5:40 - A̠lyiat A̠gwaza na di̠n Tyap: A̠li̠ka̠uli A̠fai

⁴⁰ A̱mgba̱m ma̱ng a̱nia, nyi lak bai da̱ a̱vwuo nung, nyi ka shya̱ swuan ji.

Yoona 5:40 Iomraidhean Croise

Matyu 22:3

Jen nang á̱ nda̱p kuzang kyang á̱ sak a̱ni, a̱ si̱ ta̱m á̱khwo nggu ba, ba̱ si̱ yei á̱niet ba, á̱ shei mba nyeang hu a̱ni. A̱wot a̱mgba̱m á̱niet ba si̱ lak bai hu!

Matyu 23:37

“Urusha̱lima, ka̱a̱t nyin á̱niet Urusha̱lima! A̱keang ka̱ hyaai a̱yaata̱m a̱kwonu A̱gwaza ba. A̱wot ka̱ si̱ mang a̱yaata̱m A̱gwaza ba ma̱ng nfang a̱ni! A̱ka̱mang kya n ka̱n chat tung mman ang na dundung, ma̱nang a̱yang nywan ni̱ nkup mman nggu na tafa nfeap gu a̱ni. A̱wot nyi si̱ lak nung dyo.

Yoona 1:11

A̱ ku bai da̱ a̱vwuo á̱niet guu. A̱wot á̱niet nggu ba si̱ lak san gu hu!

Yoona 10:10

A̱tang wu ni̱ bai da̱nian gu ka nyiin, gu hyaat. Nung, n bai n nwuak á̱niet ba a̱jhyem swuan, ba̱ shya̱ nji gba̱mgbam!

Yoona 3:19

“Faat shi̱ri̱ya hu na li a̱ni wa; sai A̱gwaza hu ku bai mi̱ swanta hu. A̱mgba̱m ma̱ng a̱nia, á̱niet mi̱ swanta ba ku chat lyin hu a̱ lan sai A̱gwaza hu. Mat, ba̱ nyia̱ a̱ka̱tuk nyia̱.

Yoona 5:39

“Nyi zop A̱lyiat A̱gwaza na, mat nyi fa nyi na shya̱ swuan sang sangba̱p ja. A̱wot A̱lyiat A̱gwaza na; ni̱nia tyai nyin a̱tyu nang ngyet a̱ni!

Yoona 5:41

“N chat á̱niet bya ba̱ chyin nung bah.

Yoona 5:44

“Nyi na nyia̱ ni wa nyi nwuak a̱chuchuk, ka̱nang nyi chat dyep da̱ a̱vwuo á̱ghyang nyin; a̱wot da̱ nyin nyi chat chyin ku neet da̱ a̱vwuo A̱gwaza ma̱nyin nggu a̱ni bah?

Yoona 6:27

“Nyi yok veang chat nkyayak na̱ na byian a̱ni bah. Da̱ a̱kwonu a̱kya, nyi nyia̱ ta̱m da̱nian kyayak hu na nwai byian a̱ni; ma̱ng si̱ hu ku na nwuak nyin swuan sang sangba̱p ji a̱ni. Huhwa yet kyayak nang Nggwon A̱tyubishyi ka na nwuak nyin a̱ni. Mat Nggwon A̱tyubishyi kya nang A̱tyia̱ wu ka̱n shim nka ndyo.”

Yoona 6:37

“A̱mgba̱m á̱niet ba nang A̱tyia̱ nung wu nwuak nung a̱ni, ba̱ na bai da̱ a̱vwuo nung. A̱wot a̱tyu a̱ bai da̱ a̱vwuo nung a̱ni, n si̱ mi̱n dak gu bah, ku ma̱ chunchwiit!

Yoona 6:40

“Mat ta̱m hu nang A̱tyia̱ nung wu chat a̱ni, huhwa yet; konyan wa li Nggwon nggu ka, a̱ si̱ nwuak fwuo da̱ nka a̱ni, a̱ na shya̱ ma̱ng swuan sang sangba̱p. Nung meang, n ma nta̱ngam nggu ma̱ng swuan ma̱ á̱niet ba̱ ka̱n kwi a̱ni a̱tuk mam doot swanta ka.”

A̱romawa 6:23

Mat záng a̱ka̱tuk nyia̱ ji yet a̱khwu kya, a̱wot za̱nang nang A̱gwaza nang zi̱t a̱ni, ji̱ si̱ yet swuan sang sangba̱p ja, nang á̱ shyat di̱ mun á̱pyia̱ ma̱ng Kristi Yesu A̱tyoli nzi̱t wu a̱ni.

Tyai Á̱zanson 22:17

A̱za̱za̱rak Ntswa wu ma̱ng Nggwon neam naat nyeang ka si̱ nyia̱, “Yesu bai!” Konyan wa fa̱k a̱ni, yok gu nyia̱, “Yesu bai!” Yok a̱mgba̱m á̱niet ba̱ fwuong mashyi a̱sa̱khwot a̱ni, ba̱ bai! Yok á̱niet ba̱ chat swuo a̱sa̱khwot nswuan a̱ni, ba̱ bai ba̱ swuo di̱ mi̱n tan zang!