Yoona 5:35 - A̠lyiat A̠gwaza na di̠n Tyap: A̠li̠ka̠uli A̠fai

³⁵ Yoona ku li nang long fi̱tila hu sai a̱vwuo a̱ni. A̱wot nyi si̱ khai da̱ a̱banjen ma̱ a̱da̱dei, nyi ka gwai mami sai nggu hu.

Yoona 5:35 Iomraidhean Croise

Matyu 11:11

“N tak nyin a̱tsak a̱lyiat, ma̱ á̱niet nang á̱nyiuk tyei a̱ni, á̱ ka̱n shya̱ a̱tyu a̱ swak Yoona a̱tyu ba̱ptisman ma̱ng shi a̱ni bah. A̱mgba̱m ma̱ng a̱nia, a̱tyu a̱ yet a̱da̱dei wu mi̱ Tyok Ma A̱gwaza tswazwa hu a̱ni, a̱ shi a̱ swak Yoona.

Matyu 21:26

A̱wot di̱n vak ghyang, ka̱ zi̱ nyia̱ tyok ba̱ptisman nggu hu neet da̱ a̱vwuo a̱tyubishyi kya, shimba a̱mgba̱m á̱niet ba na doot jhya̱. Mat á̱niet ba wa ka̱n kyiak nang Yoona ngyet a̱tsak a̱ta̱m a̱kwonu A̱gwaza wa.”

Ma̱rkut 1:5

Á̱niet ma̱ a̱di̱di̱t mi̱ fam a̱byin Yahudiya ma̱ng a̱keang Urusha̱lima, ba̱ si̱ chong da̱ a̱vwuo Yoona, á̱ tyai a̱ka̱tuk nyia̱ mba wu, nang gu nyia̱ mba ba̱ptisman ma̱ a̱ghyui Urdun.

Ma̱rkut 6:20

Mat a̱gwam Hiridut ku tyong Yoona ba̱t, a̱ si̱ nwuat gu shi. A̱ si̱ chok gu, mat a̱ ku lyen nang gu ngyet a̱tsotswat ma̱ng a̱za̱za̱rak a̱yin wa. Kuzang jen nang a̱gwam Hiridut nfa̱k a̱lyiat Yoona na, fwuo nggu hu ni̱ tyia̱ ma̱ tai za̱m. A̱mgba̱m ma̱ng a̱nia, a̱ ni̱ chat a̱ fwuong a̱lyiat nggu na ma̱ng a̱lyia̱ sai.

Luka 7:28

“N tak ma̱ng a̱nyin, ma̱ á̱niet nang á̱nyiuk tyei a̱ni; á̱ mbyia̱ a̱tyu a̱ swak Yoona a̱tyu nyia̱ ba̱ptisman ma̱ng shi a̱ni bah. A̱mgba̱m ma̱ng a̱nia, a̱tyu a̱ yet a̱bada̱dei ka mi̱ Tyok A̱gwaza hu a̱ni; a̱ swak Yoona ma̱ng shi hu!”

Yoona 6:66

Mat a̱nia wa á̱niet ma̱ a̱di̱di̱t ba̱ ku khwi Yesu a̱ni, ba̱ si̱ bwuok lilyim. Ba̱ si̱ lak khwi nggu hu.

2 Bitut 1:19

Mat kyang a̱nia nang zi̱ ku li a̱ni, zi̱ gbang a̱lyia̱ ba̱t nang a̱yaata̱m a̱kwonu A̱gwaza ba ndyiat a̱tsak a̱lyiat wa. Ku yet ta hwa nyi myiai a̱fufwuo da̱ a̱lyiat nang ba̱ lyuut a̱ni. Mat á̱lyiat mba na tyai nkyang nang long sang ku sai da̱ a̱vwuo ka̱ yet lyin a̱ni, si̱ nang shong a̱tson bai, a̱wot Kristi A̱ yet A̱na̱ndan Tsotson a̱ni, a̱ sai mi̱ fwuo nyin na.