Yoona 5:34 - A̠lyiat A̠gwaza na di̠n Tyap: A̠li̠ka̠uli A̠fai

³⁴ A̱mgba̱m ma̱ng a̱nia, n chat n ba̱ng fwuo di̱ kyang nang a̱tyubishyi tak kpa̱sai tazwa nung a̱ni bah. N tak a̱nia da̱nian nyi ka shya̱ swuan ja.

Yoona 5:34 Iomraidhean Croise

Luka 13:34

‘Urusha̱lima! Ka̱a̱t nyin á̱niet Urusha̱lima! Nyi ni̱ hyaai a̱yaata̱m a̱kwonu A̱gwaza ba. Nyi bu mang a̱yaata̱m A̱gwaza ba ma̱ng nfang! A̱ka̱mang kya n ka̱n kwan n tung á̱niet ang ba dundung; ma̱nang a̱yang nywan ni̱ nkup mman gu a̱tafa nfeap nggu a̱ni. A̱wot nyi si̱ lak nung ndyo!

Luka 19:10

Mat Nggwon A̱tyubishyi bai ka̱ kup á̱ghyi di̱ chat, a̱wot ka̱ san á̱niet ba̱ bwuk mat a̱ka̱tuk nyia̱ a̱ni.”

Luka 24:47

“A̱wot á̱ na shei A̱sham Nkhang kani, mami tyok a̱lyoot nung, mi̱ kuzang nwap mi̱ bibyin swanta hu. Á̱ na tsa shei A̱sham Nkhang kani neet mi̱ Urusha̱lima, nyia̱: A̱mgba̱m á̱niet ba ba̱ ghwon a̱ka̱tuk nyia̱, ba̱ si̱ khwi A̱gwaza a̱ni, á̱ na chi a̱ka̱tuk nyia̱ mba wu!

Yoona 20:31

A̱mgba̱m ma̱ng a̱nia, á̱ lyuut nkyang nani da̱nian nyi ka nwuak a̱chuchuk nang Yesu wa ngyet Kristi, A̱tyu nang A̱gwaza kup gu tyok a̱ni, ma̱ng Nggwon A̱gwaza; a̱wot mami nwuak fwuo nyin hu da̱ nggu, nyi ka shya̱ swuan mami a̱lyoot gu.

Yoona 5:32

A̱wot, a̱tyu a̱ shei kpa̱sai a̱lyiat a̱kwonu nung a̱ni, nshya̱. A̱wot n dyen kyang nang gu tak kpa̱sai tazwa nung a̱ni, a̱tsatsak a̱lyiat wa za̱m.

Yoona 5:41

“N chat á̱niet bya ba̱ chyin nung bah.

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

A̱romawa 10:1

Mat a̱nia, á̱na̱nyiuk nung ba ba̱ yet á̱niet khwi Yesu ba nang n chat a̱ni, kyang nyiung hwa nang n chat mi̱ fwuo nung. A̱wot n bu naai A̱gwaza da̱nian huu; huhwa yet á̱niet Isi̱rela ba, ba̱ yet kwai nung ji a̱ni, ba̱ shya̱ san.

A̱romawa 10:21

A̱wot tazwa á̱niet Isi̱rela ba, A̱gwaza si̱ bu nyia̱, “N ni̱ kwa mam nang n chat n san mba mbwak nfeang. A̱wot ba̱ ni̱ lak khwi nung hu, ba̱ tyia̱ zat.”

A̱romawa 12:21

Nyi yok ghwon a̱ka̱tuk a̱ swuo chet nyin bah. Da̱ a̱kwonu a̱kya, nyi kwan nyi swuo chet a̱ka̱tuk di̱ nyia̱ a̱tan nta̱m.

A̱romawa 3:3

A̱wot mami a̱tsak a̱lyiat, A̱yahudawa á̱ghyang si̱ lak khwi a̱lyiat A̱gwaza na tsotswat hu. A̱wot ma̱nang ba nwai khwi a̱lyiat A̱gwaza na tsotswat a̱ni, ku fa A̱gwaza mun a̱ nwai yet a̱tsotswat waa?

1 A̱korontiyawa 9:22

Jen nang n shya̱ ma̱ng á̱niet ba̱ ni̱ but mi̱ fwuo di̱ nkyang nang á̱ shim ba ndyo a̱ni, nung meang, n ni̱ ta̱bam n ba̱ng baa nang á̱niet ba̱ but mi̱ fwuo di̱ nkyang nang á̱ shim ba ndyo a̱ni. Mat n chat n khwat ba mbai ndyo da̱ a̱vwuo Kristi. A̱tsak a̱lyiat, n ni̱ kwan n tai kuzang tangka̱i á̱niet, a̱wot n si̱ nyia̱ kuzang tangka̱i nkyang, da̱nian n ka nsan á̱ghyang á̱niet.

1 Timoti 4:16

Chok a̱pyia̱ ang shansham ma̱ng tyiet ang hu. Gbang a̱lyia̱ a nyia̱ nkyang nani, da̱nian ka̱ a nyia̱ na a na san a̱pyia̱ ang, a̱wot a bu san á̱niet ba̱ fwuong a̱lyiat ang na a̱ni.

1 Yoona 5:9

Mat nang zi̱ nwuak a̱chuchuk di̱ sheda nang a̱tyubishyi tak zi̱t a̱ni, a̱tsak a̱lyiat zi̱ na nwuak a̱chuchuk di̱ a̱gba̱ndang sheda nang A̱gwaza tak zi̱t a̱ni a̱ swaak. A̱wot A̱gwaza nwuak sheda tazwa Nggwon nggu ka.