Yoona 5:30 - A̠lyiat A̠gwaza na di̠n Tyap: A̠li̠ka̠uli A̠fai

³⁰ N si̱ mi̱n nyia̱ kyang ma̱nyin nung bah. N nyia̱ shi̱ri̱ya di̱ si̱sak nang A̱gwaza ntak ma̱ng a̱nung a̱ni. Huhwa mbyia̱, nyia̱ shi̱ri̱ya nung hu naat cha̱chaat. Mat, n kwan n nyia̱ kyang hu nang n chat wa a̱ni bah. Kyang hu nang a̱tyu a̱ ta̱m nung chat a̱ni; huhwa n nyia̱.

Yoona 5:30 Iomraidhean Croise

Matyu 26:39

A̱ si̱ doot mba a̱ ghwon. A̱ si̱ laai neap ti̱taa, a̱ si̱ kpaat a̱khwukhwut a̱ta̱gurup a̱ghyi ba a̱byin, a̱ si̱ naai A̱gwaza nyia̱, “A̱tyia̱ nung wu! Ka̱ ku myim ang, ti̱n nung a̱kashyi swuo a̱bung wuni! A̱mgba̱m ma̱ng a̱nia, yok nyia̱ kyang hu nang n chat wa a̱ni bah. Nyia̱ kyang hu ku myim ang wa a̱ni!”

Yoona 14:10

A nwuak a̱chuchuk nyia̱ n shya̱ mami A̱tyia̱ nung wu, A̱tyia̱ nung wu mameang, si̱ shya̱ mami nung baa? A̱lyiat nang n ndyiat ma̱ng a̱nyin a̱ni, n ndyiat naa mi̱ tyok a̱pyia̱ nung hwa bah. A̱tyia̱ nung wa a̱ swan mami nung ka a̱ni; nggu wa ma̱ a̱pyia̱ nggu nyia̱ nta̱m gu.

Yoona 17:4

“N wa ka̱n nwuak ang shi mi̱ swanta hu, mat si̱sak ji nang n ku ntyak ta̱m hu nang á̱ ku nwuak nung n nyia̱ a̱ni.

Yoona 18:11

Huhwa Yesu si̱ nyia̱ ma̱ng Bitut a̱ni, “Bwuok ma̱ng tswat ang ji, a tyia̱ mi̱n kwa nji hu! A fa n na swuo ma̱ a̱kashyi swuo a̱bung wu nang A̱tyia̱ wu nang nung a̱ni baa?”

Yoona 4:34

Yesu si̱ nyia̱ ma̱ng a̱mba a̱ni, “Kyayak nung huhwa yet; n khwi kyang nang a̱tyu a̱ ta̱m nung chat a̱ni, a̱wot n bu nyia̱ ta̱m nang gu nwuak nung a̱ni, n tyak hu.

Yoona 5:19

A̱jawa Yesu si̱ wa̱i a̱lyiat nyia̱, “N na hyia̱ ma̱ng a̱nyin a̱chuchuk; Nggwon A̱gwaza ka nyian kuzang kyang ma̱nyin ka bah; a̱ ni̱ nyia̱ kuzang nkyang nang gu li nang A̱tyia̱ wu nyia̱ wa a̱ni. Mat kuzang kyang nang A̱tyia̱ wu nyia̱ a̱ni; huhwa nang Nggwon ka nyia̱ mameang.

Yoona 6:38

N chyok neet Ma A̱gwaza tswazwa, n ka nyia̱ ta̱m a̱pyia̱ nung hwa bah. Ta̱m a̱tyu a̱ ta̱m nung wa a̱ni; huhwa nang n nyia̱.

Yoona 8:28

Yesu si̱ nyia̱ ma̱ng a̱mba a̱ni, “Jen nang nyi bye nta̱ngam Nggwon A̱tyubishyi tswazwa a̱ni; jen a̱ja ja nang nyi bye ndyen nang nung gwa ngyet a̱tyu nang n tak ngyet a̱ni. N nyia̱ kyang ma̱nyin nung bah. N nyia̱ di̱ si̱sak ji nang A̱tyia̱ nung wu ntyiet nung a̱ni; a̱nia wa nang n dyiat.

Yoona 8:42

Yesu si̱ nyia̱ ma̱ng a̱mba a̱ni, “Ka̱ a̱tsatsak a̱lyiat wa nang A̱gwaza wa yet A̱tyia̱ nyin wu; si̱ nyi fa̱k da̱ nung. Mat, n ghwut neet da̱ a̱vwuo A̱gwaza kya; n shya̱ a̱ji ma̱ninika. N bai a̱ji da̱nian a̱pyia̱ nung bah, A̱gwaza wa ta̱m nung.

Yoona 8:50

N chat shi a̱pyia̱ nung bah. A̱yin nshya̱ a̱ chat nung ndyo a̱ni. A̱wot nggu wa yet a̱tyu nyia̱ shi̱ri̱ya wu da̱ a̱kwonu nung.

A̱romawa 15:3

Mat ku nggu Kristi ma̱ a̱pyia̱ nggu, a̱ ku nyia̱ kyang ku myim nggu wa a̱ni bah. Á̱ lyuut ma̱ A̱lyiat A̱gwaza kyang nang gu hyia̱ ma̱ng A̱gwaza a̱ni, nyia̱, “Ma̱nang á̱ nfwoi ang a̱ni, ma a̱nia wa nang fwoi nang á̱ fwoi ang a̱ni, ku kwa da̱ nung mameang.”

A̱romawa 2:2

A̱wot zi̱ lyen, A̱gwaza nyia̱ shi̱ri̱ya nggu ji tsotswat, a̱ khai a̱yin da̱ á̱ghyi bah. A̱ na nyiak kuzang a̱yin ma̱ cha̱chaat ma̱ng kyang nang gu nyia̱ a̱ni.

A̱romawa 2:5

A̱wot mat gba̱p a̱pyia̱ ang hu, ma̱ng fufwuo nchet ang hu, a si̱ lak ghwon a̱ka̱tuk nyia̱ ang wu. A̱nia wa a mban a̱pyia̱ ang kya si̱sak nang A̱gwaza na nnyia̱ ang shi̱ri̱ya ji byia̱ chet a̱ni. Mat a̱tuk mwai lyen A̱gwaza ka chobai, nang gu na nnyia̱ a̱tsotswat shi̱ri̱ya tazwa á̱niet ka kpa̱sai a̱ni.