Yoona 5:3 - A̠lyiat A̠gwaza na di̠n Tyap: A̠li̠ka̠uli A̠fai

³ Mami ndidyaat a̱nia nia nang á̱niet nzwán ma̱ a̱di̱di̱t ni̱ mmyian a̱ni; á̱ si̱ byia̱ á̱niet a̱fi̱fan, á̱niet kwang a̱byin, ma̱ng á̱niet ta̱luk nkap ba.

Yoona 5:3 Iomraidhean Croise

Matyu 15:30

Á̱kpa á̱niet ma̱ a̱di̱di̱t si̱ bai ma̱ng a̱nggu á̱niet nang a̱ti̱tak ba ta̱luk a̱ni, á̱niet a̱fi̱fan, á̱niet ba̱ chong á̱ kyiat a̱ni, a̱yaama̱ma̱m, ma̱ng á̱niet nzwán ma̱ a̱di̱di̱t. Á̱ si̱ myiai mbaa a̱zaghyi Yesu, a̱ si̱ choot a̱mgba̱m ba.

Matyu 4:24

Nkhang Yesu na si̱ ba̱ng a̱ nat ma̱ gbang, a̱ si̱ tat fam a̱byin Suriya! Á̱ si̱ labeang bah, á̱ si̱ bai ma̱ng a̱nggu a̱mgba̱m á̱niet ba̱ nyia̱ ma̱ng nzwan a̱ni. A̱wot kuzang tangka̱i nzwan ku nyia̱ mba a̱ni, ku ba̱ byia̱ a̱ka̱tuk ntswa, ku á̱niet kwi long chen, ku á̱niet ta̱luk nkap; a̱mgba̱m ba, Yesu si̱ choot baa.

Luka 7:22

Yesu si̱ nwuak mman ta̱m Yoona a̱nia shim nyia̱, “Nyi bwuok nat, nyi si̱ tak ma̱ng Yoona nta̱m nung na nang nyi fa̱k nyi si̱ bu li a̱ni: Á̱ teak á̱niet a̱fi̱fan á̱ghyi. Á̱niet nang a̱ti̱tak ba kwi a̱ni, si̱ nwuo a̱chyet. Á̱ si̱ choot á̱niet gbap, ba̱ si̱ tyia̱ za̱za̱rak. A̱yaashi̱lan si̱ nwuo fwuong á̱vwuo. Á̱niet ba̱ ka̱n kwi a̱ni, si̱ doot ma̱ng swuan. A̱wot á̱ si̱ bu shei á̱kunak na A̱sham Nkhang ka.

Yoona 5:2

A̱ja mi̱ Urusha̱lima hu, kpa̱mkpaan ma̱ng a̱zanunwuai ka nang á̱ ngyei “A̱zanunwuai Zón Seap” a̱ni. Á̱ ku byia̱ jok a̱sa̱khwot, á̱ si̱ ngyei ji “Ba̱ta̱si̱da” da̱ a̱lyem Ibriniyawa. A̱wot á̱ si̱ bu tyong ji á̱ kaat ma̱ng ndidyaat nfwuon.

A̱romawa 8:25

A̱wot ka̱ zi̱ tyia̱ fwuo di̱ kyang á̱zanson nang zi̱ ka̱n shya̱ a̱ni bah, ku yet ta hwa, zi̱ gbang a̱lyia̱ zi̱ nyap fwuo zi̱ fwuong.)

Yakubu 5:7

Nyin á̱niet khwi Yesu ba nang n chat a̱ni, nyi nyap nfwuo, nyi fwuong a̱tuk mam bwuok bai A̱tyoli Yesu ka. Nyi nwuan á̱niet khap ba. Nyi li si̱sak nang ba̱ ni̱ nnyap fwuo ba̱ fwuong za a̱vwuo shyim ji ma̱ng si̱ seam ji a̱ni. Ba̱ ni̱ swan ma̱ng di̱dang á̱ fwuong yak hu ku byang, ba̱ chak ba̱ ka shya̱ kpangti̱n.