Yoona 5:28 - A̠lyiat A̠gwaza na di̠n Tyap: A̠li̠ka̠uli A̠fai

²⁸ “Nyi yok ghwon si̱ huni ku tyia̱ nyi fa̱k a̱ga̱de bah! Jen chobai nang a̱mgba̱m á̱niet ba̱ ka̱n kwi, a̱wot ba̱ shya̱ ma̱ a̱ka̱bi a̱ni; ba̱ bye fa̱k a̱nwuat Nggwon A̱gwaza ka.

Yoona 5:28 Iomraidhean Croise

Yoona 3:7

Ku yok yet ang kyang a̱ga̱de bah, nang n nyia̱ ma̱ng a̱nwan, ‘Ku yet ta hwa á̱ bu byin a̱yin a̱ka̱feang a̱ni.’

Yoona 4:21

A̱wot Yesu si̱ nyia̱ ma̱ng a̱nap wu a̱ni, “A̱yang a̱li, nwuak a̱chuchuk di̱ kyang nang n hyia̱ ma̱ng a̱nwan a̱ni. Jen chobai da̱nang á̱niet bye nkwok ntong a̱zaghyi A̱tyia̱ tswazwa da̱ a̱fang kani a̱ni bah. A̱wot da̱ mba ba̱ bu na kwok ntong mi̱ Urusha̱lima bah.

Yoona 4:23

“Jen chobai, ku di̱ yong huni ji̱ wa ka̱n nyia̱, nang á̱niet ba̱ kwok ntong mami a̱chuchuk na nkwok ntong a̱zaghyi A̱tyia̱ ma̱ng A̱za̱za̱rak Ntswa ma̱ng a̱chuchuk a̱ni. Bibya yet tangka̱i á̱niet ba̱ kwok ntong nang A̱tyia̱ wu chat a̱ni.

Yoona 5:20

Mat A̱tyia̱ wu fa̱k di̱ nggwon ka ba̱t. Huhwa mbyia̱ gu si̱ nshei ma̱ng Nggwon ka a̱mgba̱m nkyang nang gu nyia̱ a̱ni. A̱tyia̱ wu na hyia̱ ma̱ng Nggwon ka a̱cha̱chet nkyang na̱ lan á̱si̱ nani a̱ni, ka̱ nyia̱. A̱wot nyi na fa̱k a̱ga̱de.

Yoona 5:25

“N tak nyin a̱tsatsak a̱lyiat; jen na bai, a̱wot ma̱ninika ji̱ wa ka̱n nyia̱, nang á̱niet ba̱ ka̱n kwi a̱ni na nfa̱k a̱nwuat Nggwon A̱gwaza. A̱wot á̱niet ba̱ fa̱k a̱ni, ba̱ na shya̱ swuan.

Nta̱m A̱yaata̱m 24:15

N tyia̱ fwuo da̱ A̱gwaza, ma̱nang á̱niet bani ntyia̱ fwuo a̱ni, nyia̱ A̱gwaza na ta̱ngam á̱tsotswat á̱niet ba ma̱ng a̱si̱ ba̱ nwai yet á̱tsotswat a̱ni, ma̱ng swuan ma̱ á̱niet ba̱ ka̱n kwi a̱ni.

Nta̱m A̱yaata̱m 3:12

Nang Bitut nfi̱k nang gu nshya̱ a̱wat a̱ lyiat a̱ni, a̱ si̱ nyia̱ ma̱ng á̱niet ba, “Á̱tyok Isi̱rela, yihwa mbyia̱ nang choot a̱tyu huni ngyet nyin kyang a̱ga̱de hu? Yihwa mbyia̱ nang nyi nsak zi̱t á̱ghyi a̱nia? Nyi ngyei chet á̱pyia̱ nzi̱t hwa ku khwi A̱gwaza nzi̱t hwa mbyia̱ nang a̱ta̱luk a̱ti̱tak wuni nchong a?

1 A̱korontiyawa 15:22

Ma̱nang konyan nkwi mat a̱mgba̱m nzi̱t zi̱ mun á̱pyia̱ ma̱ng A̱da̱mu a̱ni; ma a̱nia wa, konyan wa mun á̱pyia̱ ma̱ng Kristi, á̱ na nang nggu swuan swai.

A̱filibiyawa 3:21

Kristi na shyak á̱bobwot nvam nzi̱t nani na̱ tyiai a̱ni, a̱ tyia̱ na na̱ tai vam a̱kyenkyai shi nggu hu. A̱ na nyia̱ si̱ huni mat chet nang gu byia̱ a̱ nnyia̱ tyok tazwa a̱mgba̱m kuzang kyang a̱ni.

Tyai Á̱zanson 20:12

N si̱ ndi á̱niet ba̱ ka̱n kwi a̱ni; a̱cha̱chet ma̱ng a̱chyuang nang ba̱ yong a̱zaghyi a̱gba̱ndang chuk Tyok A̱gwaza! Á̱ si̱ khwuk nta̱ka̱da na, mbeang Ta̱ka̱da Nswuan hu. A̱wot á̱ si̱ faat á̱niet ba̱ ka̱n kwi a̱ni shi̱ri̱ya ma̱ cha̱chaat ma̱ng nta̱m ba̱ nyia̱ a̱ni, ma̱nang á̱ ndyuut mami ta̱ka̱da na a̱ni.