Yoona 5:25 - A̠lyiat A̠gwaza na di̠n Tyap: A̠li̠ka̠uli A̠fai

²⁵ “N tak nyin a̱tsatsak a̱lyiat; jen na bai, a̱wot ma̱ninika ji̱ wa ka̱n nyia̱, nang á̱niet ba̱ ka̱n kwi a̱ni na nfa̱k a̱nwuat Nggwon A̱gwaza. A̱wot á̱niet ba̱ fa̱k a̱ni, ba̱ na shya̱ swuan.

Yoona 5:25 Iomraidhean Croise

Luka 15:24

Mat nggwon a̱sam nung ka li nang a̱tyu a̱ khwu wa a̱ni. A̱wot a̱ si̱ bu doot ma̱ng swuan a̱ni! Ku li nang gu bwuk wa. A̱wot á̱ si̱ bu shya̱ nggu a̱ni!’ A̱jawa ba̱ si̱ ta̱bat song.

Luka 15:32

A̱gya̱ra̱p ma̱ng a̱gwai nzi̱t wu myim za̱m! Mat ku li nang a̱na̱nyiuk ang wu ka̱n khwu wa a̱ni, a̱wot a̱ si̱ bu doot ma̱ng swuan! Ku li nang gu bwuk wa a̱ni, a̱wot á̱ si̱ bu shya̱ nggu!’ ”

Luka 9:60

Yesu si̱ nyia̱ ma̱ng a̱nggu, “Yok á̱niet ba̱ nwai khwi A̱gwaza a̱ni, ba̱ niat nkwom mba na! Nwan, ta̱m ang huhwa yet; a naat a shei A̱sham Nkhang tazwa Tyok A̱gwaza hu.”

Yoona 13:1

Neet nang jen song A̱yet Ghwut Mman Isi̱rela mi̱ Khwo ji ka̱ mbai bah, Yesu ku mi̱ ndyen nang jen gu na nghwon swanta huni gu bwuok a̱ nat da̱ a̱vwuo A̱tyia̱ nggu. Mat nang Yesu nchat á̱niet nggu ba, ba̱ shya̱ mi̱ swanta hu a̱ni. A̱wot a̱ si̱ bu tak mba tangka̱i a̱jhyem chat nang gu byia̱ da̱nian mba a̱ni.

Yoona 17:1

Nang Yesu ntyak á̱lyiat nani a̱ni, huhwa gu si̱ gba̱t á̱ghyi, a̱ si̱ nwuan Ma A̱gwaza tswazwa. A̱ si̱ naai nyia̱, “A̱tyia̱ nung, jen nyia̱. Nwuak nggwon ang ka shi; nka mameang, ka̱ ma nwuak ang shi.

Yoona 4:21

A̱wot Yesu si̱ nyia̱ ma̱ng a̱nap wu a̱ni, “A̱yang a̱li, nwuak a̱chuchuk di̱ kyang nang n hyia̱ ma̱ng a̱nwan a̱ni. Jen chobai da̱nang á̱niet bye nkwok ntong a̱zaghyi A̱tyia̱ tswazwa da̱ a̱fang kani a̱ni bah. A̱wot da̱ mba ba̱ bu na kwok ntong mi̱ Urusha̱lima bah.

Yoona 4:23

“Jen chobai, ku di̱ yong huni ji̱ wa ka̱n nyia̱, nang á̱niet ba̱ kwok ntong mami a̱chuchuk na nkwok ntong a̱zaghyi A̱tyia̱ ma̱ng A̱za̱za̱rak Ntswa ma̱ng a̱chuchuk a̱ni. Bibya yet tangka̱i á̱niet ba̱ kwok ntong nang A̱tyia̱ wu chat a̱ni.

Yoona 5:21

“Ma̱nang A̱tyia̱ wu ni̱ nta̱ngam á̱niet ba̱ ka̱n kwi, a̱wot a̱ bu nwuat ba swuan a̱ni; ma a̱nia wa nang Nggwon ka nnwuat swuan da̱ a̱tyu nang ka̱ shim nwuak a̱ni.

Yoona 5:28

“Nyi yok ghwon si̱ huni ku tyia̱ nyi fa̱k a̱ga̱de bah! Jen chobai nang a̱mgba̱m á̱niet ba̱ ka̱n kwi, a̱wot ba̱ shya̱ ma̱ a̱ka̱bi a̱ni; ba̱ bye fa̱k a̱nwuat Nggwon A̱gwaza ka.

Yoona 6:60

Nang mman nta̱m Yesu ma̱ a̱di̱di̱t nfa̱k tyiet gu hu a̱ni, ba̱ si̱ nyia̱, “Tyiet ang hu vwuo a̱khwu ba̱t! A̱nyan wa na san huu?”

Yoona 8:43

Yihwa mbyia̱ nang nyi nnwai fi̱k kyang hu nang n dyiat a̱ni? Mat, nyi chat nyi myiai a̱fufwuo, nyi fa̱k á̱lyiat nung na bah.

Yoona 8:47

A̱tyu a̱ yet a̱si̱ A̱gwaza a̱ni, a̱ ni̱ myiai a̱fufwuo a̱ fa̱k a̱lyiat A̱gwaza na. Nyin, nyi yet á̱niet A̱gwaza bah. Huhwa mbyia̱ nyi si̱ mi̱n myiai a̱fufwuo nyi fa̱k a̱lyiat A̱gwaza na bah.”

Yoona 9:27

A̱tyu a̱ ku byia̱ a̱fi̱fan ba a̱ni si̱ nyia̱ ma̱ng a̱mba a̱ni, “N wa ka̱n hyia̱ ma̱ng a̱nyin. A̱wot nyi si̱ lak fa̱k hu. Yihwa mbyia̱ nang nyi nchat nyi bu fa̱k? Ke nyin mameang, nyi chat nyi yet mman ta̱m gu nia?”

A̱romawa 6:4

A̱wot ku li a ngyei zi̱ ku khwu, á̱ si̱ niat nzi̱t ndung ma̱ng Kristi mi̱ Ba̱ptisman ji. A̱wot ma̱nang á̱ ku nta̱ngam Kristi ma̱ng swuan ma̱ á̱niet ba̱ ka̱n kwi a̱ni, mat chet A̱gwaza a̱ yet A̱tyia̱ a̱ byia̱ a̱kyenkyai shi a̱ni, ma a̱nia wa ma̱ninika nzi̱t meang, zi̱ na swan swat swuan swai.

A̱fisawa 2:1

Di̱n jen ji ji̱ swak a̱ni, nyi ku li nang nkwom a̱ni da̱ a̱vwuo A̱gwaza. Mat si̱sak nang nyi ku ndak khwi A̱gwaza, nyi si̱ nyia̱ a̱ka̱tuk nyia̱ a̱ni.

A̱fisawa 2:5

ku nang zi̱ ku ndi nang nkwom a̱ni da̱ a̱vwuo nggu mat a̱ka̱tuk nyia̱ nzi̱t wu a̱ni. A̱ si̱ tyia̱ zi̱ swan swat fai ma̱ A̱za̱za̱rak Ntswa, di̱n jen nang gu ku nta̱ngam Kristi ma̱ng swuan ma̱ á̱niet ba̱ ka̱n kwi a̱ni. (Mat shok A̱gwaza ja ma̱nyin ji, mbyia̱ nang nyi nshya̱ san!)

A̱fisawa 5:14

Mat sai hu ni̱ tyia̱ á̱ li kuzang kyang kpa̱sai. Huhwa mbyia̱ á̱ nnyia̱, “Nwan a̱tyu a̱ khat nda a̱ni, shyip! Doot ma̱ng swuan ma̱ á̱niet ba̱ ka̱n kwi a̱ni! A̱wot Kristi na tyia̱ sai ku teak tazwa ang!”

A̱kolosiyawa 2:13

Di̱n jen ji ji̱ swak a̱ni, nyin Nnwap na̱ nwai yet A̱yahudawa a̱ni, nyi ku li nang nkwom a̱ni ma̱ a̱ka̱tuk za̱kwa nyin wu, ma̱ng a̱ka̱tuk nyia̱ nyin wu, neet nang á̱ ka̱n faat á̱ si̱ tyat za̱kwa a̱ka̱tuk nyia̱ nyin ji á̱ ji̱p bah. A̱wot ma̱ninika, A̱gwaza si̱ ta̱ngam nyin ma̱ng swuan dundung ma̱ng Kristi, mat A̱gwaza chi a̱mgba̱m a̱ka̱tuk nyia̱ nzi̱t wu.

Tyai Á̱zanson 3:1

“Lyuut a̱ta̱m tswa A̱gwaza wusika jini, gu nwuak sot á̱niet khwi ji shya̱ Sa̱disu a̱ni: Ta̱m jini neet da̱ a̱vwuo a̱tyu a̱ byia̱ tswá A̱gwaza a̱natat ma̱ng á̱ta̱ngwat a̱natat a̱ni: N ndyen nta̱m nang nyi nyia̱ a̱ni; á̱ nwuan nyin ta̱usa nang á̱tsotswat á̱niet khwi a̱ni. A̱wot nyi yet nkwom nia mami!