Yoona 5:23 - A̠lyiat A̠gwaza na di̠n Tyap: A̠li̠ka̠uli A̠fai

²³ Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 5:23 Iomraidhean Croise

Matyu 10:37

Ka̱ a̱yin chat a̱tyia̱ ku a̱yang gu a̱ swak nung, a̱tyu a̱wa maai a̱ khwi nung bah. Ku ka̱ a̱nyuu chat nggwon a̱sam, ku nggwon a̱nap nggu ka a̱ swak nung, a̱ maai a̱ yet a̱si̱ nung bah.

Matyu 11:27

“A̱tyia̱ nung wu, tyia̱ nung kuzang kyang mbwak. Á̱ mbyia̱ a̱tyu a̱ lyen Nggwon ka a̱tsatsak lyen a̱ni bah, si̱ ma̱ A̱tyia̱ wu. A̱wot á̱ bu mbyia̱ a̱tyu a̱ lyen A̱tyia̱ wu a̱tsatsak lyen a̱ni bah, si̱ ma̱ Nggwon ka. Ma a̱nia wa, á̱niet nang Nggwon ka khai a̱ni, bibya ka̱ na tyai mba A̱tyia̱ wu kpa̱sai, ba̱ lyen gu.”

Matyu 12:21

A̱wot mami a̱lyoot nggu kya, a̱mgba̱m nnwap na mi̱ bibyin swanta na mba̱ng fwuo.”

Matyu 15:8

‘Á̱niet bani dyep nung ma̱ng nunu hwa. A̱wot nfwuo mba na shya̱ ma̱ zan ma̱ng a̱nung.

Matyu 28:19

Mat a̱nia, nyi nat nyi si̱ tyia̱ a̱mgba̱m á̱niet kuzang nwap mi̱ swanta hu ba̱ yet mman ta̱m ba̱ khwi nung. Nyi nyia̱ mba ba̱ptisman mami a̱lyoot A̱tyia̱, ma̱ng Nggwon, ma̱ng A̱za̱za̱rak Ntswa wu.

Luka 10:16

Yesu si̱ nyia̱ ma̱ng mman ta̱m nggu na, “Konyan wa san a̱lyiat nyin na mbwak nfeang, nung gwa nang gu san. A̱wot konyan wa lak san a̱lyiat nyin na mbwak nfeang, a̱ lak nung wa mameang. A̱wot konyan wa lak nung, a̱ lak A̱gwaza wa a̱ ta̱m nung a̱ni.”

Yoona 14:1

“Nfwuo nyin na na̱ yok byian bah. Nyi nwuak fwuo da̱ A̱gwaza. A̱wot nyi bu nwuak fwuo da̱ nung.

Yoona 16:14

A̱ bye nnwuak nung shi, da̱nian á̱lyiat nung nia gu bye hyia̱ ma̱ng a̱nyin.

Yoona 17:10

A̱mgba̱m á̱niet ba ba̱ yet á̱si̱ nung a̱ni, á̱si̱ nwan bya. A̱wot a̱mgba̱m á̱niet ba nang a byia̱ a̱ni, á̱si̱ nung bya. A̱wot bibya shei a̱kyenkyai shi nung wu.

A̱romawa 1:7

N dyuut nyin wusika jini a̱mgba̱m nyin nyi shya̱ Rom a̱ni. Nyin bya nang A̱gwaza wu chat ba̱t, a̱wot a̱ si̱ yorong nyin nyi yet á̱za̱za̱rak á̱niet ngguu. Yok A̱gwaza a̱ yet A̱tyia̱ nzi̱t a̱ni, ma̱ng A̱tyoli Yesu Kristi, a̱ fa̱k shok nyin, a̱wot a̱ nang nyin swat nyinyang.

A̱romawa 15:12

A̱wot Ishaya a̱ta̱m a̱kwonu A̱gwaza si̱ bu hyia̱ nyia̱, “A̱ka̱mbwon ka̱ na ya gado tyok a̱gwam Da̱wuda a̱ni, na bai. Ka̱ na nyia̱ tyok tazwa Nnwap na̱ nwai yet A̱yahudawa a̱ni. A̱wot na̱ na tyia̱ fwuo da̱ a̱ka̱mbwon a̱kya.”

A̱romawa 6:22

A̱wot ma̱ninika, nang á̱ nti̱n nyin mbwak tyok a̱ka̱tuk nyia̱, nyi si̱ shya̱ shot, nyi yet á̱sa̱t á̱niet a̱ni. Nyi bu yet á̱khwo A̱gwaza bya. Ma̱ninika, nyi nyia̱ nkyang na̱ na tyei nyin yet a̱za̱za̱rak á̱niet, a̱wot na̱ nwuak nyin swuan sang sangba̱p a̱ni.

A̱romawa 8:9

A̱wot nyin, za̱kwa a̱ka̱tuk nyia̱ ja nyia̱ tyok da̱ nyin bah. A̱za̱za̱rak Ntswa wa nyia̱ tyok hu da̱ nyin; ka̱nang a̱tsak a̱lyiat wa nang A̱za̱za̱rak Tswa A̱gwaza wu shya̱ mi̱ nfwuo nyin na. (A̱wot nyi yok bwung bah, a̱mgba̱m á̱niet nang A̱za̱za̱rak Ntswa Kristi wu nwai shya̱ mi̱ nfwuo mba na a̱ni, ba̱ yet á̱niet khwi Kristi bya bah, ku ma̱ chunchwiit.)

1 A̱korontiyawa 1:3

Yok A̱gwaza a̱ yet A̱tyia̱ nzi̱t wu a̱ni, ma̱ng A̱tyoli Yesu Kristi gu fa̱k shok nyin, gu tyia̱ nyi swan swat nyinyang ma̱ng á̱ghyang nyin.

1 A̱korontiyawa 10:31

Mat a̱nia, ku nyi ya ku nyi swuo wa, kuzang kyang nang nyi nyia̱ a̱ni, nyi ni̱ nyia̱ nhu da̱nian nyi ka nwuak A̱gwaza shi.

1 A̱korontiyawa 16:22

Konyan wa da̱ a̱ chat A̱tyoli Yesu a̱ni bah, yok á̱ shyi ngguu. Yok A̱tyoli nzi̱t wu, a̱ bai!

1 A̱korontiyawa 6:19

Nyi ka̱n fi̱k nang nvam nyin na ngyet a̱li A̱za̱za̱rak Ntswa kya baa? A̱za̱za̱rak Ntswa wu swan mami nyin, a̱wot A̱gwaza wa nang nyin nggu baa? A̱wot nyin bya, byia̱ á̱pyia̱ nyin bah,

2 A̱korontiyawa 1:9

A̱tsak a̱lyiat, zi̱ ku ngyei jen a̱khwu nzi̱t ja bai. A̱mgba̱m ma̱ng a̱nia, zi̱ si̱ ta̱yuk di̱n chet á̱pyia̱ nzi̱t bah. A̱wot zi̱ si̱ myiam zi̱ ta̱yuk da̱ A̱gwaza wa ma̱nyin nggu. Nggu wa ni̱ ta̱ngam á̱niet ba ba̱ ka nkwi a̱ni, ma̱ng swuan.

2 A̱korontiyawa 13:14

Yok shok A̱tyoli Yesu Kristi ji, ma̱ng chat A̱gwaza hu, ma̱ng mun á̱pyia̱ A̱za̱za̱rak Ntswa hu, ba̱ shya̱ dundung ma̱ng a̱nyin a̱mgba̱m.

2 A̱korontiyawa 5:14

Ku di̱ kuzang vak hwa, chat hu nang Kristi nchat zi̱t a̱ni, huhwa tyia̱ zi̱t gba̱gbak, zi̱ ya a̱son. Mat ma̱nang zi̱ nnwuak a̱chuchuk nang Kristi nkhwu da̱nian a̱mgba̱m á̱niet ba a̱ni; ma a̱nia wa, zi̱ si̱ bu nwuak a̱chuchuk nang a̱mgba̱m nzi̱t ka̱n kwi, zi̱ si̱ ghwon a̱khwukhwop za̱kwa a̱ka̱tuk nyia̱ nzi̱t wu.

2 A̱korontiyawa 5:19

Si̱ huni fa, A̱gwaza wa ka̱n jhyi á̱niet swanta ba ba̱ nyia̱ kpa̱ndang ma̱ng a̱nggu di̱n vak Yesu Kristi. A̱ bu ba̱ng a̱ka̱tuk nyia̱ mba wu mi̱ fwuo bah. A̱wot a̱ si̱ nwuak nzi̱t ta̱m ji, nang zi̱ na njhyi á̱niet swanta ba, ba̱ ka nyia̱ kpa̱ndang ma̱ng nggu a̱ni.

A̱fisawa 6:24

Yok A̱gwaza a̱ fa̱k shok a̱mgba̱m á̱niet ba̱ chat A̱tyoli nzi̱t wu Yesu Kristi a̱ni, ba̱ng si̱ nat sang sangba̱p.

2 Timoti 1:12

Huhwa mbyia̱ nang n swuo a̱bung kani. A̱mgba̱m ma̱ng a̱nia, n fa̱k nsum bah. Mat n dyen a̱tyu nang n nwuak fwuo da̱ nggu a̱ni. A̱wot n bu ngbang a̱lyia̱ a̱ maai a̱ chok A̱sham Nkhang ka nang nggu tyia̱ nung ndyo mbwak a̱ni, si̱ nat mam hu nang gu na mbwuok a̱ bai a̱ni.

Ibriniyawa 1:6

Ma a̱nia wa, jen ji nang A̱gwaza na nta̱m Nggwon nggu ka ka̱ byia̱ shi a̱ swak kuzang kyang mi̱ swanta hu a̱ni, a̱ si̱ nyia̱, “Yok a̱mgba̱m a̱yaata̱m tswá A̱gwaza ba, ba̱ kyuak ntong a̱zaghyi nggu!”

2 Bitut 1:1

Nung, Siman Bitut, a̱khwo ma̱ng a̱ta̱m Yesu Kristi, n dyuut nyin wusika jini, nyin á̱niet ba nyi san a̱tsatsak nwuak a̱chuchuk cha̱chaat ma̱ng a̱nzi̱t a̱ni. Á̱ ku nang nyin nwuak a̱chuchuk huni, mat a̱chuchuk ma̱ng tsotswat Yesu Kristi a̱ yet A̱gwaza ma̱ng A̱tyusan nzi̱t wu a̱ni.

2 Bitut 3:18

Da̱ a̱kwonu a̱kya, nyi ya a̱son ma̱ng mban hwa mami shok ma̱ng lyen A̱tyoli Yesu Kristi A̱tyusan nzi̱t wu. Yok a̱kyenkyai shi a̱ yet si̱ nggu ma̱nini, ba̱ng si̱ nat sang sangba̱p! Samba̱rka!

1 Yoona 2:23

Konyan wa fwuo Nggwon ka, a̱ fwuo A̱tyia̱ wu wa. A̱wot konyan wa san Nggwon ka, a̱ mun a̱ san A̱tyia̱ wu wa a̱wa.

2 Yoona 1:9

Konyan wa mbeang a̱ si̱ shyak tyiet Kristi hu, a̱wot a̱ si̱ bwuok lilyim di̱ khwi tyiet a̱hwa, a̱tyu a̱wa byia̱ a̱meang ma̱ng A̱gwaza bah. A̱wot a̱tyu a̱ ya a̱son di̱ khwi tyiet Kristi hu a̱ni, a̱ byia̱ a̱meang ma̱ng A̱tyia̱ wu bi̱ri̱ng ma̱ng Nggwon nggu ka.