Yoona 5:21 - A̠lyiat A̠gwaza na di̠n Tyap: A̠li̠ka̠uli A̠fai

²¹ “Ma̱nang A̱tyia̱ wu ni̱ nta̱ngam á̱niet ba̱ ka̱n kwi, a̱wot a̱ bu nwuat ba swuan a̱ni; ma a̱nia wa nang Nggwon ka nnwuat swuan da̱ a̱tyu nang ka̱ shim nwuak a̱ni.

Yoona 5:21 Iomraidhean Croise

Yoona 11:25

Yesu si̱ nyia̱ ma̱ng a̱nggu a̱ni, “Nung gwa ngyet a̱tyu ya̱ngam á̱niet ba̱ ka̱n kwi a̱ni ma̱ng swuan. Nung gwa si̱ bu ngyet swuan ji. A̱tyu a̱ nwuak fwuo da̱ nung a̱ni, a̱ na shya̱ swuan, ku nang gu khwu.

Yoona 17:2

A nwuak Nggwon ang ka tyok tazwa a̱mgba̱m á̱niet ba. Da̱nian ka̱ ka nnwuak á̱niet ba nang a nwuak nka a̱ni swuan sang sangba̱p.

Yoona 6:63

A̱za̱za̱rak Ntswa wa nwuat swuan ji. Chet vam a̱tyubishyi yet kyang bah. Swáng A̱lyiat nang n dyiat ma̱ng a̱nyin a̱ni, ji ja neet da̱ a̱vwuo A̱za̱za̱rak Ntswa ka. A̱wot ji̱ si̱ nwuat swuan.

Nta̱m A̱yaata̱m 26:8

Yihwa mbyia̱ nang nyin A̱yahudawa ndak nwuak a̱chuchuk, nyia̱ A̱gwaza na ta̱ngam á̱niet ba̱ ka̱n kwi a̱ni ma̱ng swuan?

A̱romawa 8:11

A̱wot A̱za̱za̱rak Ntswa A̱gwaza wu a̱ ku ta̱ngam Yesu ma̱ng swuan ma̱ á̱niet ba̱ ka̱n kwi a̱ni, nggu wa shya̱ mi̱ nfwuo nyin na. A̱wot ma̱nang A̱gwaza nta̱ngam Kristi Yesu ma̱ng swuan ma̱ á̱niet ba̱ ka̱n kwi a̱ni; ma a̱nia wa a̱ na nwuak nvam nyin na na̱ kwi a̱ni swuan sang sangba̱p, mat ma̱ nggu A̱za̱za̱rak Ntswa wuni a̱ shya̱ mi̱ fwuo nyin na a̱ni.

1 A̱korontiyawa 15:45

Ma̱nang á̱ ndyuut ma̱ A̱lyiat A̱gwaza na a̱ni, nyia̱, “A̱da̱mu wa nang á̱ ku tsa mat mi̱ swanta hu. A̱ ku yet a̱tyu swuan nang á̱ ku nyia̱ ma̱ng mbyin a̱ni.” A̱wot A̱da̱mu a̱ngaan wu meang, nggu wa yet Yesu Kristi, a̱ si̱ yet tswa ja, ji̱ nwuat swuan a̱ni.