Yoona 5:2 - A̠lyiat A̠gwaza na di̠n Tyap: A̠li̠ka̠uli A̠fai

² A̱ja mi̱ Urusha̱lima hu, kpa̱mkpaan ma̱ng a̱zanunwuai ka nang á̱ ngyei “A̱zanunwuai Zón Seap” a̱ni. Á̱ ku byia̱ jok a̱sa̱khwot, á̱ si̱ ngyei ji “Ba̱ta̱si̱da” da̱ a̱lyem Ibriniyawa. A̱wot á̱ si̱ bu tyong ji á̱ kaat ma̱ng ndidyaat nfwuon.

Yoona 5:2 Iomraidhean Croise

Yoona 19:13

Nang gwomna Bilatut nfa̱k a̱lyiat a̱nia a̱ni, a̱ si̱ ghwut ma̱ng Yesu a̱ bai ndyo a̱ta̱usa. A̱ si̱ swan di̱n chuk tyok nyia̱ shi̱ri̱ya tazwa a̱tyii nang á̱ ku nok ma̱ng nfang a̱ni. Da̱ a̱lyem A̱yahudawa ka, á̱ ngyei a̱tyii wu “Ga̱bata.”

Yoona 19:17

Yesu si̱ ghwut ma̱ a̱keang ka, a̱ fan a̱team a̱khwu wu ma̱ a̱pyia̱ nggu. A̱ si̱ nat ndyo da̱ a̱vwuo nang á̱ ngyei, “A̱vwuo A̱ghyighyak A̱pyia̱.” (Da̱ a̱lyem A̱yahudawa ka, á̱ ngyei, a̱vwuo ka “Goli̱gota”).

Yoona 19:20

A̱yahudawa ma̱ a̱di̱di̱t si̱ fang a̱lyiat nani. Kyang ku mbyia̱ a̱ni, a̱vwuo ka nang á̱ ku nkpang Yesu da̱ a̱team a̱khwu wu a̱ni, ka̱ ku shya̱ kpa̱mkpaan ma̱ng a̱gba̱ndang a̱keang wu. Á̱ ku lyuut a̱lyiat nani da̱ a̱lyem A̱yahudawa, A̱romawa, ma̱ng A̱helenawa.

Yoona 20:16

Yesu si̱ nyia̱ ma̱ng a̱nggu, “Ma̱ryamu!” A̱ si̱ bwuak a̱ nat ma̱ng Yesu. A̱ si̱ kaat da̱ a̱lyem A̱yahudawa, nyia̱ “Raboni!” Huhwa yet “A̱tyu tyiet.”

Yoona 5:3

Mami ndidyaat a̱nia nia nang á̱niet nzwán ma̱ a̱di̱di̱t ni̱ mmyian a̱ni; á̱ si̱ byia̱ á̱niet a̱fi̱fan, á̱niet kwang a̱byin, ma̱ng á̱niet ta̱luk nkap ba.

Yoona 7:21

Yesu si̱ nyia̱, “N nyia̱ kyang a̱ga̱de nyiung hwa ma̱nyin hu. A̱wot a̱mgba̱m nyin, nyi ku fa̱k a̱ga̱de.

Nta̱m A̱yaata̱m 21:40

Nang a̱gba̱ndang a̱kwak a̱son á̱niet nzwang A̱romawa wu nshim Bulut a̱ lyiat a̱ni; a̱ si̱ doot á̱ yong da̱ a̱vwuo saai a̱ti̱tak nang á̱ mban á̱ chorop mi̱ nok hu a̱ni. A̱ si̱ ta̱ngam bwak tazwa. A̱ si̱ kam á̱niet ba, ba̱ tyia̱ nywang. Nang ba̱ ntyia̱ nywang a̱ni, Bulut si̱ lyiat ma̱ng a̱mba da̱ a̱lyem A̱yahudawa ka.

Tyai Á̱zanson 16:16

A̱jawa á̱ka̱tuk ntswá A̱ta̱nyeang ba̱ na laai a̱mgba̱m á̱gwam ba ma̱ng á̱niet nzwang mba ba, ba̱ tung mbaa da̱ a̱vwuo nang á̱ ngyei A̱magidon da̱ a̱lyem Ibriniyawa a̱ni.

Tyai Á̱zanson 9:11

A̱gwam á̱gankwon wu yet a̱ta̱m tswa a̱ neet ma̱ a̱tsuung bwong sang sangba̱p a̱ni. Á̱ ngyei nggu da̱ a̱lyem A̱yahudawa ka; “A̱badon,” da̱ a̱lyem A̱helenawa; “A̱poliyon.” Huhwa yet; “A̱tyu hyaai.”