Yoona 5:18 - A̠lyiat A̠gwaza na di̠n Tyap: A̠li̠ka̠uli A̠fai

¹⁸ Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Yoona 5:18 Iomraidhean Croise

Matyu 12:5

“Ma a̱nia wa, nyi ka̱n fang mami doka Musa ji meang, nyia̱ a̱yaapris ba̱ byia̱ ta̱m mami A̱li Nwuat Za̱nang A̱gwaza ka a̱ni, ni̱ nyia̱ ta̱m a̱tuk Mam Fwung ka di̱ mi̱n tyat doka ji baa?

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 10:30

Nung ma̱ng A̱tyia̱ nung wu, zi̱ yet kyang nyiung hwa.”

Yoona 10:33

A̱yahudawa ba si̱ nwuak Yesu shim nyia̱, “Zi̱ na mang ang mat a̱tan nta̱m nang a nyia̱ a̱ni bah. A̱wot mat lihyat nang a nyia̱ A̱gwaza ndyo wa a̱ni! Nwan a yet a̱tyubishyi a̱ni, a kyiak a̱pyia̱ ang cha̱chaat ma̱ng A̱gwaza!”

Yoona 14:23

Yesu si̱ ma nwuak gu shim nyia̱, “Konyan wa chat nung a̱ni, a̱ na khwi á̱lyiat nung na. A̱wot A̱tyia̱ nung wu na chat gu. Nung ma̱ng A̱tyia̱ nung wu, zi̱ na bai da̱ a̱vwuo nggu, zi̱ swan dundung ma̱ng a̱nggu.

Yoona 14:9

Yesu si̱ nwuak Filibut shim hu nyia̱, “N dabeang ma̱ng a̱nyin ba̱t a̱ni. A̱mgba̱m ma̱ng a̱nia, nyi lyen nung baa? Konyan wa li nung, a̱ wa ka̱n di A̱tyia̱ nung wu za̱m! Yihwa mbyia̱ nang a nyia̱, ‘Tak zi̱t A̱tyia̱ wu’?

Yoona 19:7

A̱yahudawa ba si̱ yong chi̱k nyia̱, “Nzi̱t zi̱ byia̱ doka, a̱wot kyang hu nang doka nzi̱t ji hyia̱ a̱ni, huhwa yet; ku myim á̱ hyat gu. Mat a̱ kyiak a̱pyia̱ nggu nang Nggwon A̱gwaza a̱ni!”

Yoona 5:15

A̱jawa a̱tyu nang á̱ choot a̱ni, si̱ kan doot, a̱ si̱ hyia̱ ma̱ng a̱cha̱chet a̱yaakwak a̱son A̱yahudawa ba nang Yesu wa nchoot guu.

Yoona 5:16

Huhwa si̱ mbyia̱ A̱yahudawa ba si̱ ka̱n ta̱bat nyia̱ Yesu a̱ka̱kpa̱t, mat nang a̱ nchoot a̱tyu nzwan a̱tuk Mam Fwung.

Yoona 5:17

A̱wot Yesu si̱ nyia̱, “A̱tyia̱ nung nyia̱ nta̱m kuzang jen. A̱wot nung mameang, ku yet ta hwa n nyia̱ ta̱m.”

Yoona 5:23

Da̱nian a̱mgba̱m á̱niet ba ba̱ ka nwuak Nggwon ka shi, ma̱ cha̱chaat nang ba̱ nnwuat A̱tyia̱ wu a̱ ta̱m ma̱ng a̱nka a̱ni.

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.

Yoona 7:19

“Musa wa ku nwuak nyin doka A̱gwaza ji baa? A̱mgba̱m ma̱ng a̱nia, á̱ mbyia̱ a̱tyo nyiung ma̱ nyin a̱ khwi doka A̱gwaza ji a̱ni bah. Yihwa mbyia̱ nyi nchat nyi hyat nung?”

Yoona 8:54

Yesu si̱ nwuak mba shim nyia̱, “Ki̱ n nwuak a̱pyia̱ nung shi, shi nung hu na tyak kyang bah. A̱tyia̱ nung wu, nggu wa nwuat nung shi hu; a̱tyu nang nyi nyia̱ nggu wa yet A̱gwaza nyin wu a̱ni.

Yoona 8:58

Yesu mameang si̱ nwuak ba shim nyia̱, “N na ntak ma̱ng a̱nyin a̱tsatsak a̱lyiat; kyiak neet nang á̱ ka̱n byin Ibrahim bah, nung gwa ngyet A̱gwaza wu!”

A̱filibiyawa 2:6

Ku nang Kristi ma̱ a̱pyia̱ nggu ngyet A̱gwaza a̱ni, a̱mgba̱m ma̱ng a̱nia, a̱ du kyiak a̱pyia̱ nggu cha̱chaat ma̱ng A̱gwaza bah. A̱ si̱ kyiak yet A̱gwaza nggu hu ku yet gu a̱wat nang gu na mba̱ng gi̱ngi̱ng a̱ni bah.

Tyai Á̱zanson 22:1

A̱jawa a̱ta̱m tswa A̱gwaza wu si̱ tak ma̱ng a̱nung a̱ghyui ka̱ byia̱ a̱sa̱khwot nswuan a̱ni. A̱sa̱khwot na li ma̱ wowot nang ma̱dubi a̱ni, na̱ tyong á̱ neet da̱ a̱gba̱ndang chuk Tyok A̱gwaza ma̱ng a̱si̱ Fi̱ng A̱nfwuk hu!

Tyai Á̱zanson 22:3

Á̱ na mbyia̱ kyang nang A̱gwaza ka̱n shyi a̱ni ma̱ a̱keang ka bah. Mat a̱gba̱ndang chuk Tyok A̱gwaza hu, ma̱ng a̱si̱ Fi̱ng A̱nfwuk hu, na shya̱ ma̱ a̱keang ka. A̱wot á̱khwo A̱gwaza ba na kwok gu ntong.