Yoona 5:17 - A̠lyiat A̠gwaza na di̠n Tyap: A̠li̠ka̠uli A̠fai

¹⁷ A̱wot Yesu si̱ nyia̱, “A̱tyia̱ nung nyia̱ nta̱m kuzang jen. A̱wot nung mameang, ku yet ta hwa n nyia̱ ta̱m.”

Yoona 5:17 Iomraidhean Croise

Matyu 10:29

“Yihwa yet zang a̱bachyuang a̱ka̱man a̱feang ji; a̱byi kurum kya ma̱ a̱da̱dei baa? A̱wot a̱bada̱dei a̱man a̱nyiung si̱ mi̱n khwu di̱ mi̱ lyen A̱tyia̱ nyin wu bah.

Yoona 10:36

to, ka̱ nung nang A̱tyia̱ wu ja̱u, a̱wot a̱ si̱ bu ta̱m ndyo mi̱ swanta hu a̱ni, lihyat hwa nang n dyiat A̱gwaza wu ndyo nang n nyia̱, ‘N gyet Nggwon A̱gwaza kya’ a̱ni a?

Yoona 14:10

A nwuak a̱chuchuk nyia̱ n shya̱ mami A̱tyia̱ nung wu, A̱tyia̱ nung wu mameang, si̱ shya̱ mami nung baa? A̱lyiat nang n ndyiat ma̱ng a̱nyin a̱ni, n ndyiat naa mi̱ tyok a̱pyia̱ nung hwa bah. A̱tyia̱ nung wa a̱ swan mami nung ka a̱ni; nggu wa ma̱ a̱pyia̱ nggu nyia̱ nta̱m gu.

Yoona 5:16

Huhwa si̱ mbyia̱ A̱yahudawa ba si̱ ka̱n ta̱bat nyia̱ Yesu a̱ka̱kpa̱t, mat nang a̱ nchoot a̱tyu nzwan a̱tuk Mam Fwung.

Yoona 5:18

Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Yoona 9:4

“Ku yet ta hwa zi̱ nyia̱ ta̱m a̱tyu a̱ ta̱m nung a̱ni, neet nang mam ni̱ sai. A̱tyetuk na khwat, da̱nang a̱yin si̱ mi̱n nyia̱ ta̱m a̱ni bah.

Nta̱m A̱yaata̱m 14:17

A̱wot A̱gwaza ka̱n mak ghwon á̱niet mi̱ swanta ba di̱ mi̱n sheda tazwa a̱pyia̱ nggu, ma̱ng a̱tan nkyang nang gu nyia̱ a̱ni bah. Kidee, a̱ nwuat nyin za. A̱ ni̱ tyia̱ yak hu ku yet, nyi ka shya̱ kyayak gba̱mgbam ma̱ng a̱lyia̱ sai.”

Nta̱m A̱yaata̱m 17:28

Mat A̱gwaza wa mbyia̱ nang zi̱ nswuan, nnyia̱ a̱guguut, zi̱ si̱ bu yet a̱chet. Ma̱nang a̱yaashya̱bwom nyin ba nhyia̱ a̱ni, ‘Nzi̱t bya yet mman nggu na.’

1 A̱korontiyawa 12:6

A̱gwaza nyia̱ nta̱m di̱ nvak ma̱ a̱di̱di̱t. A̱wot ma̱ A̱gwaza a̱nyiung wa nyia̱ kuzang tangka̱i nta̱m mi̱ konyan ma̱ nzi̱t.

A̱kolosiyawa 1:16

Mat nggu wa yet vak hu nang A̱gwaza mmat kuzang kyang ku shya̱ tswazwa ma̱ng a̱byin a̱ni. Nggu wa nyia̱ nkyang nang zi̱ nwuan a̱ni, ma̱ng si̱ nang zi̱ nwai nwuan a̱ni; kidee: a̱cha̱chet chuchuk tyok, lyulyoot ntyok, a̱yaakwak a̱son, ma̱ng ntyok; bibya yet a̱yaata̱m tswá nang á̱ nwai nwuan a̱ni. A̱mgba̱m nkyang nang á̱ mat mi̱ swanta hu a̱ni, A̱gwaza wa tyia̱ Kristi si̱ nyia̱ na; a̱wot kuzang kyang nshya̱, da̱nian ku ka nwuak gu shi.

1 A̱ta̱solonikawa 2:13

Mat a̱nia, zi̱ ni̱ gwai A̱gwaza kuzang jen. Mat nang nyi ku nsan A̱lyiat A̱gwaza na ma̱ng a̱nzi̱t a̱ni, nyi ku san naa nang a̱si̱ a̱tyubishyi nia a̱ni bah. A̱wot nyi si̱ san naa na̱ yet á̱si̱ A̱gwaza nia, mami a̱chuchuk a̱nia wa na̱ ndi. Ni̱nia nyia̱ nta̱m na mi̱ nfwuo nyin na, nyin á̱niet ba ba̱ nwuak a̱chuchuk a̱ni.

Ibriniyawa 1:3

Nggwon kikya tyai a̱kyenkyai shi A̱gwaza wu. A̱wot ka̱ si̱ bu tyai za̱kwa A̱gwaza ji ma̱ cha̱chaat. Kikya ba̱ng a̱mgba̱m kuzang kyang mi̱ swanta hu, mat chet a̱lyiat nka hu. Nang nggwon ka ntyak chi a̱ka̱tuk nyia̱ ka̱ si̱ jaat zi̱t a̱ni, ka̱ si̱ swan di̱n chuk tyok a̱zayak A̱gwaza Tswazwa, A̱ byia̱ A̱tsatsak A̱gba̱ndang Tyok a̱ni.