Yoona 5:16 - A̠lyiat A̠gwaza na di̠n Tyap: A̠li̠ka̠uli A̠fai

¹⁶ Huhwa si̱ mbyia̱ A̱yahudawa ba si̱ ka̱n ta̱bat nyia̱ Yesu a̱ka̱kpa̱t, mat nang a̱ nchoot a̱tyu nzwan a̱tuk Mam Fwung.

Yoona 5:16 Iomraidhean Croise

Matyu 12:13

A̱jawa Yesu si̱ nyia̱ ma̱ng a̱tyu nang bwak nggu hu khwu a̱ni, “Neap bwak ang hu.” A̱tyok a̱wa si̱ neap bwak nggu hu. A̱wot bwak hu si̱ kin tyia̱ ka̱nka̱ra̱ng nang nyiung hu a̱ni.

Ma̱rkut 3:6

Nang A̱fa̱risawa ba ndi a̱nia a̱ni, ba̱ si̱ ghwut á̱ nat ma a̱nggang á̱ si̱ myim ma̱ng sot á̱niet, ba̱ li̱n a̱ma a̱gwam Hiridut a̱ni. Ba̱ si̱ la̱p a̱nu di̱ si̱sak ji ba̱ na nhyat Yesu a̱ni.

Luka 6:11

Mat a̱nia, a̱yaagwak tyiet doká ma̱ng A̱fa̱risawa ba si̱ mwuat ndyen ba̱t. Ba̱ si̱ nwuo vwuoi kyang hu nang ba̱ na nyia̱ ma̱ng Yesu a̱ni.

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 10:39

A̱wot ba̱ si̱ bu chat ta̱bat Yesu, a̱ si̱ bu ghyuai a̱ ghwut.

Yoona 15:20

Nyi jhyung nkyang na nang n ku hyia̱ ma̱ng a̱nyin a̱ni; nyi yok bwung bah. N ku nyia̱, ‘A̱khwo si̱ mi̱n shya̱ shi a̱ swak a̱tyoli nggu bah.’ Ka̱ ba̱ lak li nung, ba̱ si̱ ya̱shuk nung; nyin mameang, ba̱ na lak li nyin, ba̱ ya̱shuk nyin. Ka̱ ba̱ wa ku khwi á̱lyiat nung na, si̱ ba̱ na khwi á̱lyiat nyin na mameang.

Yoona 5:10

Huhwa ku mbyia̱ a̱cha̱chet A̱yahudawa ba, si̱ nyia̱ ma̱ng a̱tyu nzwan wu nang á̱ choot a̱ni, “Mam huni yet a̱tuk Mam Fwung kya; hu myim di̱ khwi doka nzi̱t ji a kyiak a̱kpang ang wu a̱fwun bah!”

Yoona 5:13

Nggu a̱tyu nang á̱ ku choot a̱ni, a̱ ku lyen a̱tyu a̱ choot gu a̱ni bah; mat nang Yesu wa ka̱n tyia̱ ghyuai a̱ doot a̱ja mat á̱kpa á̱niet ka.

Yoona 5:15

A̱jawa a̱tyu nang á̱ choot a̱ni, si̱ kan doot, a̱ si̱ hyia̱ ma̱ng a̱cha̱chet a̱yaakwak a̱son A̱yahudawa ba nang Yesu wa nchoot guu.

Yoona 5:17

A̱wot Yesu si̱ nyia̱, “A̱tyia̱ nung nyia̱ nta̱m kuzang jen. A̱wot nung mameang, ku yet ta hwa n nyia̱ ta̱m.”

Yoona 5:18

Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Yoona 7:21

Yesu si̱ nyia̱, “N nyia̱ kyang a̱ga̱de nyiung hwa ma̱nyin hu. A̱wot a̱mgba̱m nyin, nyi ku fa̱k a̱ga̱de.

Yoona 7:25

Á̱ghyang á̱niet ba̱ neet mi̱ Urusha̱lima a̱ni, ba̱ si̱ nyia̱, “A̱tyu wuni wa nang ba̱ chat hyat hu baa?