Yoona 5:15 - A̠lyiat A̠gwaza na di̠n Tyap: A̠li̠ka̠uli A̠fai

¹⁵ A̱jawa a̱tyu nang á̱ choot a̱ni, si̱ kan doot, a̱ si̱ hyia̱ ma̱ng a̱cha̱chet a̱yaakwak a̱son A̱yahudawa ba nang Yesu wa nchoot guu.

Yoona 5:15 Iomraidhean Croise

Ma̱rkut 1:45

A̱mgba̱m ma̱ng a̱nia, a̱tyu gbap wu si̱ ghwut a̱ si̱ ta̱bat shei nkhang ma̱ sa̱t, a̱ kwok si̱sak nang á̱ nchoot gu a̱ni. Nkhang na si̱ kai kuzang a̱vwuo, ku si̱ tyia̱ Yesu si̱ bu maai a̱ nwuo ma̱ a̱keang kpa̱sai bah. A̱ si̱ ghwut, a̱ si̱ swuat nta da̱ a̱vwuo da̱nang á̱niet nshya̱ a̱ni bah. Ma̱ng a̱nia, á̱niet ba si̱ ka ghwut da̱ a̱ka̱vwuo ma̱ a̱di̱di̱t á̱ chong á̱ ba̱ shyat guu.

Yoona 1:19

Á̱lyiat nani nia yet á̱si̱ nang Yoona ku tak kpa̱sai di̱n jen nang a̱cha̱chet A̱yahudawa Urusha̱lima ba ku nta̱m a̱yaapris ba mbeang A̱li̱viyawa ba, nyia̱ ba̱ lyip Yoona, “Nwan wa yet a̱nyan?”

Yoona 4:29

“Nyi bai nyi li a̱tyu a̱ tyai nung a̱mgba̱m kyang nang n ka̱n nyia̱ a̱ni! Ke nggu wa yet Kristi wu la?!”

Yoona 5:10

Huhwa ku mbyia̱ a̱cha̱chet A̱yahudawa ba, si̱ nyia̱ ma̱ng a̱tyu nzwan wu nang á̱ choot a̱ni, “Mam huni yet a̱tuk Mam Fwung kya; hu myim di̱ khwi doka nzi̱t ji a kyiak a̱kpang ang wu a̱fwun bah!”

Yoona 5:12

A̱yahudawa ba si̱ lyip a̱tyu nang á̱ choot a̱ni nyia̱, “Nggu a̱tyu wuni wa yet a̱nyan, gu nyia̱ ma̱ng a̱nwan a kyiak a̱kpang ang wu a nkat a̱ni?”

Yoona 5:16

Huhwa si̱ mbyia̱ A̱yahudawa ba si̱ ka̱n ta̱bat nyia̱ Yesu a̱ka̱kpa̱t, mat nang a̱ nchoot a̱tyu nzwan a̱tuk Mam Fwung.

Yoona 5:18

Mat kyang nang gu hyia̱ hyia̱ huni a̱ni, A̱yahudawa ba, si̱ mbeang chat vak nang ba̱ na nhyat gu a̱ni; nyia̱ da̱ziya nang gu mbyian mba a̱tuk Mam Fwung, a̱wot a̱ si̱ bu nyia̱ A̱gwaza wa yet A̱tyia̱ nggu, nyia̱ a̱ kyiak a̱pyia̱ nggu cha̱chaat ma̱ng A̱gwaza.

Yoona 9:15

Mat a̱nia, A̱fa̱risawa ba si̱ bu lyip a̱tyu a̱ ku byia̱ a̱fi̱fan ba a̱ni, si̱sak ji nang á̱ nkhwuk gu á̱ghyi ba a̱ni. A̱ si̱ nyia̱ ma̱ng a̱mba a̱ni, “A̱ ku nu mbyin, a̱ si̱ nkwon nung ndyo ma̱ á̱ghyi ba. A̱wot n si̱ nkwi á̱ghyi ba. Huhwa mbyia̱ nang n nwuan a̱vwuo na ma̱nini.”

Yoona 9:25

A̱ si̱ nyia̱ ma̱ng a̱mba a̱ni, “Ke a̱ yet a̱tyu a̱ka̱tuk wa wo, nung n dyen bah. Kyang nyiung hwa nang n dyen. N ku ngyet a̱tyu a̱fi̱fan gbangbang. A̱wot di̱ yong huni, n nwuan a̱vwuo!”

Yoona 9:30

A̱tyu a̱ ku byia̱ a̱fi̱fan ba a̱ni, si̱ nyia̱, “N fa̱k a̱ga̱de da̱ a̱lyiat nyin na! Nyi lyen a̱vwuo ka nang gu neet a̱ni bah. A̱mgba̱m ma̱ng a̱nia, nggu wa khwuk nung á̱ghyi ba!

Yoona 9:34

A̱cha̱chet A̱yahudawa ba si̱ nyia̱, “Nwan a̱tyu nang á̱ byin mami a̱ka̱tuk nyia̱, a̱wot a si̱ shi mami a̱ka̱tuk a̱ni; nwan wa chat tyiet zi̱t a?!” Huhwa ba̱ si̱ vwuong nggu, á̱ ghwut ndyo mi̱ tutu a̱tung A̱yahudawa hu.