Yoona 5:14 - A̠lyiat A̠gwaza na di̠n Tyap: A̠li̠ka̠uli A̠fai

¹⁴ Á̱ si̱ labeang bah, Yesu si̱ myim ma̱ng a̱tyu nang gu ku choot mami didyaat A̱li Nwuat Za̱nang A̱gwaza hu. A̱ si̱ nyia̱ ma̱ng a̱nggu a̱ni, “Di, a choot ma̱ninika! Mat a̱nia, ghwon a̱ka̱tuk nyia̱ ang wu. Kalak a̱bombwuon kyang a̱ swak zwan jini ma̱ng shi a̱ni, na shya̱ ang!”

Yoona 5:14 Iomraidhean Croise

Matyu 12:45

A̱jawa a̱ka̱tuk ntswa wu na chat a̱ shya̱ á̱ka̱tuk ntswá a̱natat á̱ghyang ba̱ swak ji ma̱ng a̱ka̱kpa̱t a̱ni, ba̱ ka nwuo mi̱ vam a̱tyu a̱hwa ba̱ swan a̱ja. A̱wot a̱ni wa, a̱tyu a̱wa na mbeang byian hu a̱ swak jen nang a̱ka̱tuk ntswa a̱nyiung wu ku nshya̱ ma̱ a̱nggu a̱ni. A̱nia wa ku na ndi ma̱ng a̱ka̱tuk nche wuni.”

Ma̱rkut 2:5

Nang Yesu ndi si̱sak ji ba̱ nnwuak nfwuo mba na da̱ a̱nggu a̱ni, a̱ si̱ nyia̱ ma̱ng a̱tyu nzwan wu, “Nggwon nung, á̱ chi a̱ka̱tuk nyia̱ ang wu.”

Yoona 5:13

Nggu a̱tyu nang á̱ ku choot a̱ni, a̱ ku lyen a̱tyu a̱ choot gu a̱ni bah; mat nang Yesu wa ka̱n tyia̱ ghyuai a̱ doot a̱ja mat á̱kpa á̱niet ka.

Yoona 5:5

A̱tyok a̱ghyang ku shya̱ a̱ja nang gu nyia̱ ma̱ng zwan a̱lyia̱ nswak ntat ma̱ a̱ni̱nai.

Yoona 8:11

A̱byii̱k wu si̱ nyia̱, “Kaai, A̱tyoli.” A̱jawa Yesu si̱ nyia̱ ma̱ng a̱nggu a̱ni, “Nung mameang, n tyia̱ ang a̱bun bah. Nkat kyang ang. A̱wot, bu yok nyia̱ a̱ka̱tuk nyia̱ bah.”]]

1 Bitut 4:3

Nyi ka̱n byian jen ba̱t mi̱ jen ji̱ swak, di̱ nyia̱ a̱ka̱tuk nang nnwap na̱ chyi A̱gwaza ku nnyia̱ a̱ni. Nkyang nani nia yet; a̱shi̱shi̱k nyia̱ nang a̱ka̱la̱m a̱ni, shyuo vam, ya tsa nswuo nkyang hyeng, tsot wun, ma̱ng a̱ka̱tuk khwi nghwughwu a̱yaagwaza sang swuan.