Yoona 4:9 - A̠lyiat A̠gwaza na di̠n Tyap: A̠li̠ka̠uli A̠fai

⁹ A̱jawa a̱nap wu si̱ nyia̱ ma̱ng a̱nggu a̱ni, “A yet a̱tyu A̱yahudawa, a̱wot nung n si̱ ngyet a̱nap A̱sa̱mariya. A na nyia̱ a̱ni, a naai a̱sa̱khwot swuo da̱ a̱vwuo nung?” (A̱ hyia̱ a̱nia, mat A̱yahudawa byia̱ a̱meang ma̱ng A̱sa̱mariyawa bah).

Yoona 4:9 Iomraidhean Croise

Matyu 10:5

Yesu si̱ ta̱m a̱yaata̱m swak ma̱ a̱feang bani, a̱ si̱ tak ma̱ng a̱mba nyia̱, “Nyi yok nat da̱ a̱vwuo Nnwap na̱ nwai yet A̱yahudawa ku a̱ka̱keang A̱sa̱mariyawa bah.

Luka 10:33

“A̱jawa a̱tyu A̱sa̱mariyawa a̱ghyang, á̱niet nang A̱yahudawa ba jhyuai a̱ni, si̱ kai vak hu a̱ neet. Nang gu ndi a̱tyu nang á̱niet á̱tsaai ba tsot a̱ni, a̱ si̱ fa̱k kunak gu.

Yoona 4:27

Da̱ a̱chak a̱kya mman ta̱m Yesu na si̱ kin bwuok á̱ neet ma̱ a̱keang ka. A̱wot ba̱ si̱ fa̱k a̱ga̱de nang ba̱ nshya̱ Yesu nang gu lyiat ma̱ng a̱nap hu a̱ni! A̱mgba̱m ma̱ng a̱nia, á̱ byia̱ a̱yin ma̱ a̱mba a̱ lyip a̱nap wu, “Yihwa nang a chat a̱ji?” Ke a̱ ma ndyip Yesu, “Yihwa mbyia̱ nang a ndyiat ma̱ng a̱nap wuni?” a̱ni bah.

Yoona 8:48

A̱cha̱chet A̱yahudawa ba si̱ nyia̱. “Zi̱ ku bwuo la nang zi̱ ku nhyia̱ ma̱ng a̱nwan nyia̱ a yet a̱tyu Sa̱mariya, a̱wot a si̱ byia̱ a̱ka̱tuk ntswa a̱ni a?”

Nta̱m A̱yaata̱m 1:8

A̱wot nyi na shya̱ chet di̱n jen nang A̱za̱za̱rak Ntswa wu na ntyei nyin chet a̱ni. A̱wot nyi na yet á̱niet shei nkhang nung bya mi̱ Urusha̱lima, ma̱ng a̱mgba̱m á̱kum fam a̱byin Yahudiya ka, ma̱ng fam a̱byin Sa̱mariya, ba̱ng si̱ nat kuzang a̱byin mi̱ swanta hu!”

Nta̱m A̱yaata̱m 10:28

Bitut si̱ tak ma̱ng a̱mba, nyia̱, “Nyin, nyi lyen nang ku ndi kang mi̱ doká nzi̱t ji, a̱tyu A̱yahudawa a̱ nwuo a̱mali a̱tyu nwai yet A̱yahudawa nang a̱si̱ ka a̱ni; ku a̱ mun a̱pyia̱ ma̱ng a̱nyin. A̱wot a̱mgba̱m ma̱ng a̱nia, A̱gwaza tak nung, di̱ n gyok kyiak a̱yin a̱ yet a̱shi̱shi̱k, ku a̱ byia̱ a̱na̱ndyung bah.

Nta̱m A̱yaata̱m 10:32

Ma̱ninika, ta̱m a̱yaata̱m ba̱ nat a̱keang Yafa, ba̱ si̱ yorong a̱tyu nang á̱ ngyei Siman Bitut a̱ni. A̱ yet a̱nietchen wa di yong huni a̱mali a̱ghyang a̱niet nang á̱ bu ngyei Siman mameang, a̱ yet a̱tyu luk á̱kukwa wa a̱ni. A̱li nggu ka shya̱ da̱ a̱beam kyai a̱sa̱khwot.’