Yoona 4:7 - A̠lyiat A̠gwaza na di̠n Tyap: A̠li̠ka̠uli A̠fai

⁷ A̱jawa a̱nap A̱sa̱mariya a̱ghyang si̱ kin bai bwuo a̱sa̱khwot. Yesu si̱ nyia̱ ma̱ng a̱nggu a̱ni, “Nang nung a̱sa̱khwot na, n swuo.”

Yoona 4:7 Iomraidhean Croise

Matyu 10:42

A̱wot ka̱ a̱yin nang a̱tyu a̱ yet a̱tsak a̱da̱dei mi̱ mman ta̱m nung na a̱ni, ku a̱kashyi a̱sa̱khwot swuo na̱ shi̱ri̱m a̱ni, mat a̱ yet nggwon nta̱m nung kya, a̱tsak a̱lyiat á̱ na nang gu zang nggu ji.”

Yoona 19:28

Yesu lyen nang di̱ yong huni, kuzang kyang mbai tyak. A̱wot da̱nian kuzang kyang hu ka nat cha̱chaat nang á̱ ku ndyuut mami A̱lyiat A̱gwaza na a̱ni; huhwa si̱ mbyia̱, a̱ si̱ nyia̱, “N fwuong mashyi.”

Yoona 4:10

Yesu si̱ nwuak gu shim nyia̱, “Ka a wa lyen za̱nang A̱gwaza, a̱wot a si̱ bu lyen a̱tyu a̱ nyia̱ a nang gu a̱sa̱khwot na gu swuo a̱ni; si̱ a na lyip gu, a̱wot gu nang ang a̱sa̱khwot nswuan.”

Yoona 4:6

Ri̱jiya Yakubu hu ku shya̱ a̱ja. A̱wot nang Yesu ka̱n van ma̱ng a̱chyet, a̱ si̱ swan a̱ fwung a̱ja da̱ a̱nu ri̱jiya ka. Jen a̱ja nang mam hu shim bai di̱di̱r.

Yoona 4:8

(Di̱n jen a̱ja nang mman ta̱m nggu na nat san kyayak mami a̱keang).