Yoona 4:48 - A̠lyiat A̠gwaza na di̠n Tyap: A̠li̠ka̠uli A̠fai

⁴⁸ Yesu si̱ nyia̱ ma̱ng a̱nggu a̱ni, “Ka̱ nyi li kyang a̱ri̱bi̱di ma̱ng a̱ga̱de bah, nyi si̱ mi̱n nwuak fwuo da̱ nung bah.”

Yoona 4:48 Iomraidhean Croise

Matyu 16:1

Á̱ghyang á̱tuk A̱fa̱risawa ma̱ng A̱sa̱ndukiyawa si̱ bai ba̱ mak Yesu. Ba̱ si̱ chat gu tak mba kyang a̱ga̱de ku yet a̱lama ku neet Ma A̱gwaza tswazwa, ku na tak tyok nggu hu kpa̱sai a̱ni.

Matyu 24:24

Mat á̱niet bwoi a̱ka̱laa ba̱ kyiak nyia̱ bibya yet A̱tyoli Kristi, ma̱ng á̱ghyang á̱niet ba̱ kyiak nyia̱ bibya yet á̱tsak a̱yaata̱m a̱kwonu A̱gwaza, na ghwut kpa̱sai. Ba̱ na nyia̱ nkyang a̱ri̱bi̱di ma̱ng nkyang a̱ga̱de. A̱wot ka̱ ba̱ shya̱ a̱wat ka, ba̱ na laai ku á̱niet nang A̱gwaza khai a̱ni.

Matyu 27:42

“A̱ san á̱ghyang á̱niet, a̱wot a̱ si̱ mi̱n san a̱pyia̱ nggu bah! Ma̱ninika, yok A̱gwam Isi̱rela wuni gu chyok da̱ a̱team a̱khwu wu zi̱ ka li, zi̱ sii nwuak fwuo da̱ nggu!

Ma̱rkut 13:22

Mat á̱niet bwoi a̱ka̱laa ba̱ kyiak nyia̱ ba̱ yet A̱gwam Kristi; ma̱ng á̱niet ba̱ kyiak nyia̱ bibya yet á̱tsak a̱yaata̱m a̱kwonu A̱gwaza, na ghwut kpa̱sai. Ba̱ nyia̱ nkyang a̱ri̱bi̱di ma̱ng a̱ga̱de, ba̱ ka laai á̱niet nang A̱gwaza khai a̱ni, ka̱ ba̱ shya̱ a̱wat ka.

Luka 10:18

Yesu si̱ nwuak ba shim nyia̱, “A̱tsak a̱lyiat, n di nyi swuo chet A̱ta̱nyeang ka, a̱wot ka̱ si̱ neet Ma A̱gwaza tswazwa a̱ ba̱ kwa ma a̱nggang nang a̱mya̱ra̱m nza a̱ni!

Luka 16:31

“Ibrahim si̱ nyia̱, ‘Kaai, ka̱ ba̱ lak myiai a̱fufwuo, ba̱ si̱ nyia̱ ta̱m ma̱ng doka Musa ji ma̱ng a̱lyiat a̱yaata̱m a̱kwonu A̱gwaza a̱nia; ku nang a̱yin doot ma̱ng swuan ma̱ á̱niet ba̱ ka̱n kwi a̱ni, a̱ si̱ nat da̱ a̱vwuo mba; ba̱ na myiai a̱fufwuo ba̱ nyia̱ ta̱m ma̱ng a̱lyiat nggu na bah!’ ”

Yoona 12:37

A̱mgba̱m ma̱ng a̱cha̱chet nkyang a̱ga̱de ma̱ a̱di̱di̱t nang Yesu ku nyia̱ a̱zaghyi A̱yahudawa ba a̱ni, ba̱ si̱ nwuak fwuo da̱ nggu bah.

Yoona 15:24

“N ku nyia̱ nkyang a̱ga̱de ma̱ a̱di̱di̱t a̱zaghyi mba. Mami mba, á̱ mbyia̱ a̱tyu a̱ ka̱ mak nyia̱ na a̱ni bah. Ka̱ á̱ wa nyia̱, di̱ n wa nyia̱ nkyang a̱ga̱de a̱nia a̱zaghyi mba bah; si̱ ba̱ byia̱ a̱bun bah. A̱wot ma̱ninika, ba̱ li kyang hu nang n nyia̱ a̱ni. A̱mgba̱m ma̱ng a̱nia, ba̱ si̱ lak li nung, á̱ tsa bu ndak li A̱tyia̱ nung wu.

Yoona 2:18

A̱cha̱chet A̱yahudawa ba si̱ bwuok á̱ bai da̱ a̱vwuo nggu. Ba̱ si̱ lyip gu nyia̱, “Zang kyang a̱ga̱de hwa nang a na nyia̱ nzi̱t ndyo ku yet a̱lama a̱ tak a byia̱ tyok a nyia̱ tangka̱i kyang huni?”

Yoona 20:29

Yesu si̱ bu nyia̱ ma̱ng a̱nggu, “A nwuak fwuo mat nang a ndi nung wa a̱ni a? Á̱niet a̱li̱ba̱rka bya yet á̱si̱ ba̱ nwai li nung; a̱mgba̱m ma̱ng a̱nia ba̱ si̱ nwuak fwuo da̱ nung a̱ni.”

Yoona 4:49

A̱tyu nta̱m tyok wu si̱ nyia̱, “A̱tyoli, ma̱sa̱kut khwi nung a̱nggang, a bai; kalak nggwon nung ka na khwu!”

Nta̱m A̱yaata̱m 14:3

A̱mgba̱m ma̱ng a̱nia, a̱yaata̱m ba si̱ kyiak a̱junjung njen nang ba̱ swan Ikoniya. A̱wot ba̱ si̱ shei A̱sham Nkhang ka ma̱ng gbang a̱lyia̱ tazwa shok A̱gwaza ji. A̱wot A̱gwaza si̱ tak kpa̱sai nang á̱lyiat nggu na ba̱ shei a̱ni, na̱ yet a̱tsak a̱lyiat wa; mat si̱sak ji nang ba̱ ku nnyia̱ nkyang a̱ga̱de ma̱ng a̱ri̱bi̱di a̱ni.

Nta̱m A̱yaata̱m 15:12

A̱mgba̱m á̱niet ba̱ shya̱ ma̱ a̱tung ka a̱ni, ba̱ si̱ tyia̱ nywang. Ba̱ si̱ myiai a̱fufwuo á̱ fwuong Ba̱nabat ma̱ng Bulut, nang ba̱ shei nkyang a̱ga̱de ma̱ng a̱ri̱bi̱di nang A̱gwaza tyia̱ ba̱ si̱ nyia̱ mi̱ Nnwap na̱ nwai yet A̱yahudawa a̱ni.

Nta̱m A̱yaata̱m 2:19

N na nyia̱ nkyang a̱ga̱de mi̱ kyai tswazwa, ma̱ng a̱di̱di̱t a̱lama a̱ na ghwut a̱byin! Ni̱nia yet a̱sok, ma̱ng long, ma̱ng a̱dyundyung a̱kyi̱ri̱p a̱chunchung, a̱ li nang á̱ni̱nian a̱ni!

Nta̱m A̱yaata̱m 2:22

“Nyin á̱niet Isi̱rela, nyi myiai a̱fufwuo, nyi fa̱a̱k! Yesu a̱tyu Na̱za̱ra̱t wa nang A̱gwaza tak nyin kpa̱sai, a̱ si̱ ta̱m ma̱ng a̱nggu. A̱gwaza tak si̱ huni, di̱ tyia̱ Yesu a̱ nyia̱ kuzang tangka̱i a̱ri̱bi̱di, nkyang a̱ga̱de, ma̱ng a̱lama; ma̱nang nyin ma̱ á̱pyia̱ nyin ndyen a̱ni.

Nta̱m A̱yaata̱m 2:43

A̱yaata̱m Yesu ba ku nyia̱ nkyang a̱ga̱de ma̱ng a̱ri̱bi̱di. A̱wot na̱ si̱ tyia̱ konyan si̱ nwuak A̱gwaza ma̱ng a̱mba shi ba̱t.

Nta̱m A̱yaata̱m 4:30

Tak a̱gba̱ndang chet ang wu a tyia̱ zi̱ choot á̱niet nzwán, zi̱ bu nyia̱ nkyang a̱ga̱de ma̱ng a̱ri̱bi̱di mami chet a̱lyoot Yesu, a̱ yet A̱za̱za̱rak A̱khwo ang wu a̱ni!”

Nta̱m A̱yaata̱m 5:12

A̱yaata̱m Yesu ba ku nyia̱ nkyang a̱ga̱de ma̱ng a̱ri̱bi̱di ma̱ a̱di̱di̱t. A̱wot a̱mgba̱m á̱niet khwi ba si̱ yong mi̱ di̱ tung kuzang jen, mami didyaat A̱mali Nwuat Za̱nang A̱gwaza hu, mi̱ a̱junjung didyaat a̱ byia̱ a̱kup nang á̱ ngyei “Didyaat Solomon hu” a̱ni.

Nta̱m A̱yaata̱m 6:8

A̱wot Itifanut, a̱ ku shya̱ shok A̱gwaza ma̱ng chet nyia̱ a̱cha̱chet nkyang a̱ga̱de ma̱ng a̱ri̱bi̱di ma̱ á̱niet ba a̱ni.

Nta̱m A̱yaata̱m 7:36

“A̱wot di̱n vak nyia̱ nkyang a̱ga̱de ma̱ng a̱ri̱bi̱di hwa nang gu nghwut ma̱ng á̱niet Isi̱rela ba Ma̱sa̱r. Ba̱ si̱ byia̱k A̱shong Kyai A̱sa̱khwot. A̱wot ba̱ si̱ chong mi̱ tswa a̱yit, ba̱ng si̱ nat a̱lyia̱ nswak naai.

A̱romawa 15:19

Chet a̱ga̱de ma̱ng nkyang a̱ri̱bi̱di, ma̱ng chet A̱za̱za̱rak Ntswa nang Nnwap na̱ nwai yet A̱yahudawa ku li a̱ni, ku tyia̱ na̱ si̱ nwuak a̱chuchuk da̱ A̱sham Nkhang ka. Di̱ nvak huni hwa, n si̱ nshei A̱sham Nkhang Kristi ka, neet Urusha̱lima ba̱ng si̱ nat fam a̱byin Ili̱rikum.

1 A̱korontiyawa 1:22

A̱lyiat a̱team a̱khwu Yesu na yet bwuon hwa da̱ a̱vwuo A̱yahudawa ba̱ chat li nkyang a̱ga̱de na̱ neet Ma A̱gwaza tswazwa a̱ni. A̱wot na̱ si̱ yet bwuon hwa da̱ a̱vwuo A̱helenawa, ba̱ chat mumwang a̱tyubishyi a̱ni.

2 A̱korontiyawa 12:12

Jen nang n ku nshya̱ ma̱ng a̱nyin a̱ni, n ku ntak nyin za̱m nang n gyet a̱tsatsak a̱ta̱m Yesu wa. N si̱ nyap fwuo di̱n jen nang n ku nshya̱ ma̱ nyin, n si̱ nyia̱ nta̱m a̱lama na̱ tak chet A̱gwaza hu. N si̱ nyia̱ nkyang a̱ga̱de ma̱ng nta̱m a̱ri̱bi̱di jhyang da̱ a̱vwuo nyin.

2 A̱ta̱solonikawa 2:9

Nang a̱tyu tyei zat a̱wa bye mbai a̱ni, a̱ bye bai ma̱ng chet a̱ neet ndyo da̱ a̱vwuo A̱ta̱nyeang. A̱ nyia̱ a̱ri̱bi̱di, nkyang a̱ga̱de, ma̱ng a̱lama ma̱ a̱di̱di̱t ku li á ngyei na̱ neet da̱ a̱vwuo A̱gwaza kya. A̱wot na̱ yet si̱ bwoi a̱ka̱laa nia.

Ibriniyawa 2:4

A̱wot A̱gwaza ku tak nang ta̱m ji ngyet a̱tsatsak wa mat nkyang a̱ri̱bi̱di, nkyang a̱ga̱de, ma̱ng a̱lama a̱ tak a̱chuchuk A̱gwaza wu, ma̱ng ka̱u za̱náng chet A̱za̱za̱rak Ntswa da̱ á̱niet kuzang jen nang gu khai a̱ni.