Yoona 4:46 - A̠lyiat A̠gwaza na di̠n Tyap: A̠li̠ka̠uli A̠fai

⁴⁶ Yesu si̱ bu bwuok a̱ nat a̱keang Kana mi̱ fam a̱byin Ga̱lili, a̱keang ka nang gu ku mbwuak a̱sa̱khwot na, na̱ si̱ tyia̱ a̱sa̱khwot a̱na̱p na a̱ni. Á̱ ku byia̱ a̱tyu ta̱m tyok ma̱ a̱keang Ka̱fanahum. A̱ si̱ byia̱ nggwon seam nang ka̱ fa̱k nyinyang bah.

Yoona 4:46 Iomraidhean Croise

Matyu 15:22

A̱nap a̱ghyang a̱ nwai yet A̱yahudawa a̱ni ku shya̱ mi̱ fam a̱byin a̱hwa. A̱ si̱ kin neet a̱ bai da̱ a̱vwuo Yesu a̱ tyiet kun mi̱ chet, a̱ naai nggu nyia̱, “A̱tyoli, Nggwon Da̱wuda, ma̱sa̱kut, fa̱k kunak nung! Mat a̱ka̱tuk ntswa a̱ shya̱ mi̱ nggwon a̱nap nung ka a̱ni. A̱wot a̱ tyei nka swuo a̱bung ba̱t!”

Matyu 4:13

Yesu ku ya nnat a̱keang Na̱za̱ra̱t. Nang gu nghwon Na̱za̱ra̱t hu a̱ni, a̱ si̱ bwuok ma̱ng swat hu a̱ nat ndyo ma̱ a̱keang Ka̱fanahum, ka̱ hyia̱k gak a̱gba̱ndang jok Ga̱lili wu a̱ni, mi̱ nfam bibyin nkwaí Za̱bulun ma̱ng Na̱fi̱ta̱li.

Matyu 9:18

Nang Yesu nshya̱ da̱ lyiat na a̱ni, a̱kwak a̱son tutu a̱tung A̱yahudawa wu si̱ kin neet a̱ ba̱ ta̱bwak a̱zaghyi Yesu. A̱ si̱ nyia̱, “Nggwon a̱nap nung ka khwu ma̱ninika. A̱wot ka̱ a bai, a si̱ sak ka bwak, ka̱ na shyip ma̱ng swuan.”

Luka 4:23

A̱wot Yesu si̱ nyia̱ ma̱ng a̱mba, “A̱tsak a̱lyiat, nyi na hyia̱ ma̱ng a̱nung kidee nyia̱, ‘A̱tyu kan, choot a̱pyia̱ ang!’ Á̱ fa, ‘Nyia̱ nkyang a̱ri̱bi̱di a̱ji ma̱ a̱keang ang ka, nang zi̱ ku nfa̱k a nyia̱ mi̱ Ka̱fanahum a̱ni.’

Luka 7:2

Di̱n jen a̱ja a̱kwak a̱son á̱niet nzwang A̱romawa a̱ghyang ku nshya̱. A̱ si̱ byia̱ a̱khwo nang gu chat ba̱t a̱ni. A̱khwo wu si̱ nyia̱ ma̱ng zwan, a̱ si̱ shim a̱khwu.

Luka 8:42

nyia̱, nggwon a̱nap nang gu byia̱ ma̱nyin ka a̱ni, ka̱ yet a̱lyia̱ swak ma̱ a̱feang, nang ka̱ nyia̱ ma̱ng zwan á̱ chak á̱ kwi. Nang Yesu nnat ndung ma̱ng Yayirut a̱ni, á̱kpa á̱niet ka si̱ tyong Yesu á̱ keang. Ba̱ si̱ feap gu mi̱ kuzang fam.

Yoona 2:12

Nang á̱ ku ntyak nyeang hu a̱ni, Yesu mbeang a̱yang byin nggu wu, ma̱ng á̱na̱nyiuk nggu ba, ma̱ng mman ta̱m nggu na, ba̱ si̱ nat a̱keang Ka̱fanahum. Ba̱ si̱ ya mbwuo mmam a̱ja.

Yoona 21:2

Siman Bitut, ma̱ng Toma (a̱ ku byia̱ a̱lyoot nggan nang á̱ bu ngyei “A̱hyaai ka” a̱ni); ma̱ng Nataniyel a̱ ku neet mi̱ Kana mi̱ a̱keang Ga̱lili a̱ni; ma̱ng á̱fai Za̱ba̱di, ma̱ng mman ta̱m a̱feang á̱ghyang Yesu na; ku mun á̱ shya̱ a̱ja dundung.