Yoona 4:43 - A̠lyiat A̠gwaza na di̠n Tyap: A̠li̠ka̠uli A̠fai

⁴³ Yesu si̱ bwuo mam feang a̱ja, a̱ si̱ doot, a̱ si̱ swak a̱ nat Ga̱lili.

Yoona 4:43 Iomraidhean Croise

Matyu 4:13

Yesu ku ya nnat a̱keang Na̱za̱ra̱t. Nang gu nghwon Na̱za̱ra̱t hu a̱ni, a̱ si̱ bwuok ma̱ng swat hu a̱ nat ndyo ma̱ a̱keang Ka̱fanahum, ka̱ hyia̱k gak a̱gba̱ndang jok Ga̱lili wu a̱ni, mi̱ nfam bibyin nkwaí Za̱bulun ma̱ng Na̱fi̱ta̱li.

Yoona 1:42

A̱ si̱ nat ma̱ng Bitut da̱ a̱vwuo Yesu ka. Nang Yesu ndi Bitut a̱ni, a̱ si̱ nyia̱ ma̱ng a̱nggu, “Nwan wa yet Siman nggwon Yoona kaa? Á̱ na ngyei ang ‘Kefat.’ ” (A̱lyoot ka nat cha̱chaat ma̱ng a̱lyoot Bitut ka, ka̱ fa “A̱fang”).

Yoona 4:40

A̱wot nang A̱sa̱mariyawa ba mbai da̱ a̱vwuo Yesu a̱ni, ba̱ si̱ naai nggu gu swan ma̱ng a̱mba. A̱wot Yesu si̱ shim, a̱ si̱ bwuo mam feang ma̱ng a̱mba.

Yoona 4:44

Yesu ma̱ a̱pyia̱ nggu ka̱n hyia̱ nyia̱, “A̱ta̱m a̱kwonu A̱gwaza shyat shi ma̱ a̱keang nggu bah.”

Yoona 4:46

Yesu si̱ bu bwuok a̱ nat a̱keang Kana mi̱ fam a̱byin Ga̱lili, a̱keang ka nang gu ku mbwuak a̱sa̱khwot na, na̱ si̱ tyia̱ a̱sa̱khwot a̱na̱p na a̱ni. Á̱ ku byia̱ a̱tyu ta̱m tyok ma̱ a̱keang Ka̱fanahum. A̱ si̱ byia̱ nggwon seam nang ka̱ fa̱k nyinyang bah.

A̱romawa 15:8

Nyi jhyung nang Kristi ku mbai nang a̱khwo a̱ni da̱ a̱vwuo A̱yahudawa, gu ka tak ba nang A̱gwaza ni̱ mba̱ng a̱li̱ka̱uli nang gu ku nyia̱ a̱yaatyia̱ a̱khwop mba ba ndyo a̱ni.