Yoona 4:42 - A̠lyiat A̠gwaza na di̠n Tyap: A̠li̠ka̠uli A̠fai

⁴² A̱jawa ba̱ si̱ nyia̱ ma̱ng a̱nap wu a̱ni, “Nzi̱t mameang, zi̱ nwuak fwuo di̱ Yesu ma̱nini, mat kyang nang a hyia̱ wa a̱ni bah. A̱wot nzi̱t ma̱ á̱pyia̱ nzi̱t mameang, zi̱ fa̱k a̱lyiat nggu na. A̱wot zi̱ lyen za̱m nang nggu wa ngyet A̱tyusan á̱niet mi̱ swanta ba!”

Yoona 4:42 Iomraidhean Croise

Matyu 1:21

A̱wot a̱ na byin nggwon a̱sam, a na ntyia̱ nggu a̱lyoot ‘Yesu.’ Mat a̱lyoot ka fa, nggu wa na san á̱niet nggu ba da̱ a̱ka̱tuk nyia̱ mba wu.”

Luka 2:32

A̱ yet long sang ku na sai, ku tyai A̱gwaza kpa̱sai da̱ a̱vwuo Nnwap na̱ nwai yet A̱yahudawa a̱ni. A̱wot nggu wa bu na nwuak á̱niet Isi̱rela ba ba̱ yet á̱niet ang ba a̱ni shi.”

Yoona 1:29

Da̱ a̱tsotson tat ka, Yoona si̱ li Yesu gu chobai da̱ a̱vwuo nggu. A̱jawa gu nyia̱, “Di, Fi̱ng A̱nfwuk nang A̱gwaza neap a̱ni! Nggu wa na chi a̱ka̱tuk nyia̱ á̱niet wu mi̱ swanta hu.

Yoona 11:17

Nang Yesu si̱ nwuo ma̱ a̱keang Laaza̱rut ka a̱ni, a̱ si̱ shya̱ nang á̱ wa ka̱n niat gu; a̱ si̱ nyia̱ mam naai ma̱ a̱bi ka.

Yoona 17:8

A̱lyiat na nang a ku hyia̱ ma̱ng a̱nung nyia̱ n si̱ hyia̱ ma̱ng mba a̱ni; n ku hyia̱ ma̱ng a̱mba, ba̱ si̱ san. Ba̱ lyen za̱m nang nung n neet da̱ a̱vwuo ang kya. A̱wot ba̱ si̱ nwuak a̱chuchuk nang nwan wa ta̱m nung.

Yoona 4:29

“Nyi bai nyi li a̱tyu a̱ tyai nung a̱mgba̱m kyang nang n ka̱n nyia̱ a̱ni! Ke nggu wa yet Kristi wu la?!”

Yoona 4:41

Á̱niet ma̱ a̱di̱di̱t ba̱ ku nwuak fwuo di̱ Yesu a̱ni, ba̱ si̱ mbeang á̱kpa ka, mat a̱sham a̱lyiat nggu ka.

Nta̱m A̱yaata̱m 13:23

“A̱wot mami kwai A̱gwam Da̱wuda ja, nang Yesu na nghwut. Nggu wa nang A̱gwaza nyia̱ a̱li̱ka̱uli wu, a̱ yet A̱tyusan á̱niet Isi̱rela wu!

Nta̱m A̱yaata̱m 4:12

“Yesu wa ma̱nyin gu maai a̱ san á̱niet swanta ba! Ma a̱nia wa, á̱ bu byia̱ a̱lyoot á̱ghyang nang A̱gwaza nwuak mi̱ swanta hu nang á̱niet ba na yorong ba̱ ka nshya̱ san a̱ni bah!”

Nta̱m A̱yaata̱m 5:31

A̱wot A̱gwaza si̱ sak gu da̱ a̱vwuo shi a̱zayak nggu ka, gu ka yet A̱gwam ma̱ng A̱tyusan! A̱gwaza ku nyia̱ si̱ huni, gu ka nwuak á̱niet Isi̱rela ba a̱wat ba̱ ghwon a̱ka̱tuk nyia̱ mba wu, a̱wot A̱gwaza a̱ ka chi mba a̱ka̱tuk nyia̱ wu.

2 A̱korontiyawa 5:19

Si̱ huni fa, A̱gwaza wa ka̱n jhyi á̱niet swanta ba ba̱ nyia̱ kpa̱ndang ma̱ng a̱nggu di̱n vak Yesu Kristi. A̱ bu ba̱ng a̱ka̱tuk nyia̱ mba wu mi̱ fwuo bah. A̱wot a̱ si̱ nwuak nzi̱t ta̱m ji, nang zi̱ na njhyi á̱niet swanta ba, ba̱ ka nyia̱ kpa̱ndang ma̱ng nggu a̱ni.

1 Timoti 4:10

Huhwa mbyia̱ nang zi̱ nhyai nta̱m na ma̱ng swuo a̱bung ba̱t, mat zi̱ ntyia̱ nfwuo nzi̱t na da̱ A̱gwaza nswuan, a̱tyu a̱ yet A̱tyusan á̱nietbishyi ba a̱mgba̱m a̱ni, á̱niet khwi bibya na swak.

1 Yoona 2:2

Nggu wa yet za̱nang chi a̱ka̱tuk nyia̱ nzi̱t ji; a̱wot a̱ka̱tuk nyia̱ nzi̱t wu wa ma̱nyin nzi̱t bah, a̱wot a̱mgba̱m ma̱ng a̱ka̱tuk nyia̱ á̱niet mi̱ swanta wu wa.

1 Yoona 4:14

Mbeang a̱nia, nzi̱t a̱yaata̱m nggu ba, zi̱ ka̱n di ma̱ng á̱ghyi nzi̱t. A̱wot zi̱ si̱ shei ma̱ng á̱niet ba nang A̱gwaza a̱ yet A̱tyia̱ nzi̱t wu a̱ni, nta̱m ma̱ng Nggwon nggu ka, ka̱ ka yet A̱tyusan á̱niet mi̱ swanta ba.

1 Yoona 5:20

A̱wot zi̱ lyen nang Nggwon A̱gwaza ka mbai mi̱ swanta hu, ka̱ si̱ tat zi̱t a̱ghyi ba, da̱nian zi̱ ka lyen A̱gwaza a̱ yet a̱chuchuk wu a̱ni. A̱wot ma̱ninika zi̱ byia̱ a̱meang di̱ mun á̱pyia̱ ma̱ng A̱gwaza, a̱ yet a̱chuchuk wu a̱ni, mat nang zi̱ mbyia̱ a̱meang di̱ mun á̱pyia̱ ma̱ng Yesu Kristi a̱ yet Nggwon nggu ka a̱ni. Nggu wa ma̱nyin nggu yet a̱chuchuk A̱gwaza wu. A̱wot a̱ si̱ yet swuan sang sangba̱p ji.