Yoona 4:41 - A̠lyiat A̠gwaza na di̠n Tyap: A̠li̠ka̠uli A̠fai

⁴¹ Á̱niet ma̱ a̱di̱di̱t ba̱ ku nwuak fwuo di̱ Yesu a̱ni, ba̱ si̱ mbeang á̱kpa ka, mat a̱sham a̱lyiat nggu ka.

Yoona 4:41 Iomraidhean Croise

Luka 4:32

A̱ja meang, á̱niet ba si̱ fa̱k a̱ga̱de di̱ tyiet nggu hu. Mat a̱lyiat nggu na ku yet a̱si̱ a̱tyu a̱ byia̱ tyok a̱ni!

Yoona 4:40

A̱wot nang A̱sa̱mariyawa ba mbai da̱ a̱vwuo Yesu a̱ni, ba̱ si̱ naai nggu gu swan ma̱ng a̱mba. A̱wot Yesu si̱ shim, a̱ si̱ bwuo mam feang ma̱ng a̱mba.

Yoona 4:42

A̱jawa ba̱ si̱ nyia̱ ma̱ng a̱nap wu a̱ni, “Nzi̱t mameang, zi̱ nwuak fwuo di̱ Yesu ma̱nini, mat kyang nang a hyia̱ wa a̱ni bah. A̱wot nzi̱t ma̱ á̱pyia̱ nzi̱t mameang, zi̱ fa̱k a̱lyiat nggu na. A̱wot zi̱ lyen za̱m nang nggu wa ngyet A̱tyusan á̱niet mi̱ swanta ba!”

Yoona 6:63

A̱za̱za̱rak Ntswa wa nwuat swuan ji. Chet vam a̱tyubishyi yet kyang bah. Swáng A̱lyiat nang n dyiat ma̱ng a̱nyin a̱ni, ji ja neet da̱ a̱vwuo A̱za̱za̱rak Ntswa ka. A̱wot ji̱ si̱ nwuat swuan.

Yoona 7:46

A̱jawa á̱niet chok a̱vwuo ba si̱ nyia̱ ma̱ng a̱mba a̱ni, “Kaai, á̱ mbyia̱ a̱tyu a̱ ka̱n mak lyiat nang a̱tyu wuni a̱ni bah!”

Nta̱m A̱yaata̱m 1:8

A̱wot nyi na shya̱ chet di̱n jen nang A̱za̱za̱rak Ntswa wu na ntyei nyin chet a̱ni. A̱wot nyi na yet á̱niet shei nkhang nung bya mi̱ Urusha̱lima, ma̱ng a̱mgba̱m á̱kum fam a̱byin Yahudiya ka, ma̱ng fam a̱byin Sa̱mariya, ba̱ng si̱ nat kuzang a̱byin mi̱ swanta hu!”

Nta̱m A̱yaata̱m 15:3

Á̱niet khwi Antakiya ba si̱ ta̱m a̱yaata̱m bani mi̱ Urusha̱lima. Nang a̱yaata̱m ba ni̱ nshya̱ di̱ naat hu a̱ni, ba̱ si̱ yong mi̱ nfam bibyin Fi̱ni̱siya ma̱ng Sa̱mariya, ba̱ ka byiat á̱niet khwi ba̱ shya̱ a̱ja a̱ni. A̱wot ba̱ si̱ tak ma̱ng a̱mba si̱sak nang Nnwap na̱ nwai yet A̱yahudawa a̱ni na meang nghwon a̱ka̱tuk nyia̱ mba wu, ba̱ si̱ nwuo khwi Yesu a̱ni. A̱mgba̱m á̱niet khwi ba si̱ fa̱k a̱lyia̱ sai ba̱t!

Nta̱m A̱yaata̱m 8:12

A̱wot ma̱nini, á̱niet ba si̱ nwuak a̱chuchuk da̱ A̱sham Nkhang nang Filibut shei mba tazwa A̱lyiat Tyok A̱gwaza na ma̱ng a̱lyoot Yesu Kristi ka. Nang ku ndi a̱nia a̱ni, á̱ si̱ nyia̱ á̱tyok ma̱ng á̱nyiuk ma̱ a̱di̱di̱t ba̱ptisman.

Nta̱m A̱yaata̱m 8:25

Nang Bitut ma̱ng Yoona ku nshei A̱sham Nkhang ka Sa̱mariya ma̱ng kyang nang ba̱ lyen tazwa A̱tyoli Yesu a̱ni; ba̱ si̱ bwuok á̱ nat Urusha̱lima. Nang ba̱ nshya̱ da̱ a̱chyet ka á̱ naat á̱ mbwuot a̱ni, ba̱ si̱ yong ma̱ a̱bachyuang a̱ka̱keang Sa̱mariya ma̱ a̱di̱di̱t, ba̱ si̱ shei A̱sham Nkhang Yesu ka.

Ibriniyawa 4:13

Mami a̱mgba̱m nkyang nang A̱gwaza mat a̱ni, á̱ mbyia̱ kyang nyiung ku shya̱ di̱ niat da̱ a̱vwuo nggu a̱ni bah. Kuzang kyang shya̱ ka̱gbang, a̱wot ku si̱ shya̱ kpa̱sai a̱zaghyi nggu. A̱wot nggu wa yet a̱tyu nang konyan na nfang kuzang kyang gu nyia̱ a̱ni a̱zaghyi nggu.