Yoona 4:40 - A̠lyiat A̠gwaza na di̠n Tyap: A̠li̠ka̠uli A̠fai

⁴⁰ A̱wot nang A̱sa̱mariyawa ba mbai da̱ a̱vwuo Yesu a̱ni, ba̱ si̱ naai nggu gu swan ma̱ng a̱mba. A̱wot Yesu si̱ shim, a̱ si̱ bwuo mam feang ma̱ng a̱mba.

Yoona 4:40 Iomraidhean Croise

Luka 10:39

A̱wot Ma̱ryamu a̱na̱nyiuk Ma̱rta wu, si̱ swan a̱zaghyi A̱tyoli Yesu a̱ fwuong tyiet nggu hu.

Luka 24:29

A̱wot mman ta̱m na si̱ naai nggu nyia̱, “Ma̱sa̱kut, kwai a̱ji ma̱ng a̱nzi̱t la! Mat jenshyung nyia̱, mam hu naat a̱kwa kya ka.” Mat a̱nia, Yesu si̱ khwi mba a̱ nat a̱mali mba ka.

Luka 8:38

A̱tyu nang á̱ kam á̱ka̱tuk ntswá ba ba̱ si̱ ghwut ma̱ a̱nggu a̱ni; si̱ naai Yesu nyia̱, a̱ chat a̱ khwi ngguu. A̱mgba̱m ma̱ng a̱nia, Yesu si̱ ta̱m nggu a̱mali nyia̱,

Yoona 4:39

A̱sa̱mariyawa ma̱ a̱di̱di̱t ma̱ a̱keang a̱kya si̱ nwuak fwuo di̱ Yesu, mat si̱sak ji nang a̱nap wu ku nhyia̱ ma̱ng a̱mba, nyia̱: “A̱ hyia̱ ma̱ng a̱nung kuzang kyang nang n ka̱n nyia̱ a̱ni.”

Yoona 4:41

Á̱niet ma̱ a̱di̱di̱t ba̱ ku nwuak fwuo di̱ Yesu a̱ni, ba̱ si̱ mbeang á̱kpa ka, mat a̱sham a̱lyiat nggu ka.

Yoona 4:43

Yesu si̱ bwuo mam feang a̱ja, a̱ si̱ doot, a̱ si̱ swak a̱ nat Ga̱lili.

Nta̱m A̱yaata̱m 16:15

Nang á̱ nyia̱ Lidiya ba̱ptisman ma̱ng kyang bwak nggu hu a̱ni, a̱ si̱ naai nzi̱t, nyia̱, “Ma̱sa̱kut, ka̱nang nyi shim, nyia̱ n gyet a̱tsatsak a̱tyu khwi A̱gwaza wa, nyi bai nyi swan a̱gbang nung.” A̱ si̱ mwang nzi̱t, si̱ nang zi̱ nshim. Zi̱ si̱ nat dundung ma̱ng a̱nggu.

Nta̱m A̱yaata̱m 8:8

Huhwa á̱niet ma̱ a̱keang a̱bya mi̱ fam a̱byin Sa̱mariya si̱ gwai ba̱t!

Tyai Á̱zanson 3:20

Nyi fa̱k! Di, nung gwa wu! N gyong a̱zanunyuo ka tsot nyinyiit hu. Ka̱ nyi fa̱k a̱nwuat nung ka, nyi si̱ khwuk nyinyiit hu; n na nnwuo, a̱wot zi̱ na ya kyayak dundung nang á̱kpa̱ndang á̱ghyang a̱ni.