Yoona 4:38 - A̠lyiat A̠gwaza na di̠n Tyap: A̠li̠ka̠uli A̠fai

³⁸ N ta̱m nyin nyi nat nyi chak yak hu nang nyi chyui a̱ni bah. Á̱ghyang á̱niet bya kwan ba̱ si̱ chyui yak hu. A̱wot ma̱ninika nyi bya na chak yak hu.”

Yoona 4:38 Iomraidhean Croise

Matyu 4:23

Yesu si̱ nwuai a̱ kat a̱mgba̱m fam a̱byin Ga̱lili hu. A̱ si̱ tyiet ma̱ á̱tutu a̱tung A̱yahudawa, a̱ bu shei á̱niet ba A̱sham Nkhang Tyok A̱gwaza ka. A̱ si̱ tsa a̱ nchoot á̱niet ba̱ nyia̱ ma̱ng kuzang tangka̱i nzwan a̱ni.

Yoona 1:7

Nggu wa ku bai tak ta̱m ji kpa̱sai tazwa sai A̱gwaza hu. Da̱nian á̱niet ba ba̱ ka fa̱k, ba̱ nwuak a̱chuchuk di̱ sai hu.

Yoona 17:18

Ma̱nang a nta̱m nung mi̱ swanta hu a̱ni; a̱nia wa n ma nta̱m mba mi̱ swanta hu.

Yoona 4:37

“Huhwa mbyia̱ á̱ ni̱ nyia̱, ‘A̱ghyang a̱niet chyui yak, a̱wot a̱ghyang a̱niet wa si̱ chak,’ yet a̱tsatsak a̱lyiat wa.

Yoona 4:39

A̱sa̱mariyawa ma̱ a̱di̱di̱t ma̱ a̱keang a̱kya si̱ nwuak fwuo di̱ Yesu, mat si̱sak ji nang a̱nap wu ku nhyia̱ ma̱ng a̱mba, nyia̱: “A̱ hyia̱ ma̱ng a̱nung kuzang kyang nang n ka̱n nyia̱ a̱ni.”

Nta̱m A̱yaata̱m 2:41

A̱wot a̱tuk a̱kya á̱kpa á̱niet ma̱ a̱di̱di̱t si̱ san á̱lyiat nggu na; ba̱ ku shim tat chyikwop tsat! Ba̱ si̱ nwuak nfwuo mba na, á̱ si̱ nyia̱ mba ba̱ptisman. A̱wot ba̱ si̱ mun á̱pyia̱ ma̱ng á̱kum sot á̱niet khwi Yesu ka.

Nta̱m A̱yaata̱m 4:32

A̱mgba̱m sot á̱niet khwi Yesu ji ku byia̱ a̱nu a̱nyiung ma̱ng fwuo nyiung. Á̱ si̱ mbyia̱ a̱tyo nyiung ma̱ mba a̱ ku kyiak zwá nang gu byia̱ a̱ni; ji̱ yet si̱ nggu ja ma̱nyin nggu bah. Mat a̱nia, ba̱ si̱ ka̱u a̱mgba̱m zwá nang ba̱ byia̱ a̱ni dundung.

Nta̱m A̱yaata̱m 4:4

A̱wot á̱niet ma̱ a̱di̱di̱t si̱ fa̱k á̱lyiat A̱gwaza na, ba̱ si̱ nwuak a̱chuchuk da̱ ná. Mat a̱nia, á̱kpa á̱niet khwi ka si̱ mbeang á̱ tat chyikwop tsuon, kang ma̱ng á̱nyiuk ma̱ng mman!

Nta̱m A̱yaata̱m 5:14

A̱mgba̱m ma̱ng a̱nia, á̱niet ma̱ a̱di̱di̱t si̱ nwuak fwuo da̱ A̱tyoli Yesu, á̱ si̱ shya̱ á̱kpa á̱niet, á̱tyok ma̱ng á̱nyiuk.

Nta̱m A̱yaata̱m 6:7

Huhwa a̱lyiat A̱gwaza na si̱ mbeang ya a̱son hu. Á̱kpa á̱niet khwi A̱gwaza ka si̱ mbeang ba̱t mi̱ Urusha̱lima. A̱wot a̱yaapris A̱yahudawa ma̱ a̱di̱di̱t meang si̱ bwuak, ba̱ si̱ nwuo khwi A̱tyoli Yesu.

2 A̱korontiyawa 10:15

Zi̱ chat zi̱ tam á̱ bu chyin nzi̱t di̱ nta̱m nang á̱ghyang á̱niet ka̱n nyia̱ a̱ni bah. Da̱ a̱kwonu a̱kya, ba̱ng fwuo nzi̱t huhwa yet; nwuak fwuo nyin hu da̱ A̱gwaza na mban. Da̱nian a̱gi̱gak nta̱m nzi̱t ba ma̱ nyin ba̱ ka mbeang á̱kpai ka;