Yoona 4:36 - A̠lyiat A̠gwaza na di̠n Tyap: A̠li̠ka̠uli A̠fai

³⁶ A̱tyu a̱ chak yak hu a̱ni, á̱ na tan gu zang. A̱wot a̱ na tung yak hu, a̱ shya̱ zang swuan sang sangba̱p. Da̱nian a̱tyu a̱ chyui yak hu a̱ni, ma̱ng a̱tyu a̱ chak a̱ni; ba̱ ka gwai dundung.

Yoona 4:36 Iomraidhean Croise

Matyu 19:29

Konyan wa ghwon a̱ka̱sa, á̱na̱nyiuk á̱nap ku á̱sam, a̱yaayang ku a̱yaatyia̱, mman ku bibyin khap da̱nian a̱lyoot nung ka a̱ni, a̱ na shya̱ zang gba̱mgbam ji̱ tat a̱ka̱nchyi ji̱ si̱ swak nkyang nang nggu nwai a̱ni. A̱wot a̱ bu shya̱ swuan sang sangba̱p ji.

Yoona 3:36

Konyan wa nwuak fwuo di̱ Nggwon A̱gwaza ka, a̱ byia̱ swuan sang sangba̱p. A̱wot konyan wa lak khwi Nggwon A̱gwaza ka, a̱ si̱ mi̱n shya̱ swuan bah. A̱wot mwai lyen A̱gwaza hu ni̱ swan tazwa gu.”

Yoona 4:14

Da̱ a̱kwonu a̱kya, a̱sa̱khwot nang n na nang nggu a̱ni, a̱ bu si̱ mi̱n mak fa̱k mashyi bah. A̱sa̱khwot na nang n na nnang nggu a̱ni; na̱ na yet nnang a̱sa̱khwot na̱ hyai á̱ ghwut. A̱wot na̱ bu na nwuak gu swuan sang sangba̱p.”

Yoona 5:24

“N tak nyin a̱tsatsak a̱lyiat; kuzang a̱yin wa fwuong a̱lyiat nung na, a̱wot a̱ si̱ nwuak fwuo da̱ a̱tyu a̱ ta̱m nung a̱ni; a̱ byia̱ swuan sang sangba̱p. Á̱ na nyia̱ gu shi̱ri̱ya bah. A̱wot a̱ wa ka̱n shot a̱khwu, a̱ si̱ shya̱ swuan.

A̱romawa 1:13

Á̱niet khwi Yesu ba nang n chat a̱ni, ku myim nyi lyen ba̱t, nang n ka̱n vwuoi nsaai di̱n jen ma̱ a̱di̱di̱t n chat n bai n byiat nyin. A̱wot A̱gwaza si̱ nang nung a̱wat ka bah, si̱ ma̱nini. N chat n nyia̱ ta̱m dundung ma̱ng a̱nyin, a̱wot zi̱ ka tyia̱ á̱niet ma̱ a̱di̱di̱t ba̱ ka mbeang nwuak fwuo di̱ Yesu Kristi ba̱ khwi nggu, ma̱nang n ka̱n mbeang Nnwap na̱ nwai yet A̱yahudawa na̱ si̱ khwi nggu a̱ni.

A̱romawa 2:7

Á̱niet ba ba̱ ni̱ gbang a̱lyia̱ ba̱ nyia̱ a̱tan nta̱m, ba̱ ni̱ chat A̱gwaza a̱ chyin mba za̱m, a̱wot ba̱ ni̱ chat á̱ nang mba zang ji̱ yet swuan ji̱ nwai tyiai a̱ni; A̱gwaza na nang ntangka̱i á̱niet nani swuan sang sangba̱p.

A̱romawa 6:22

A̱wot ma̱ninika, nang á̱ nti̱n nyin mbwak tyok a̱ka̱tuk nyia̱, nyi si̱ shya̱ shot, nyi yet á̱sa̱t á̱niet a̱ni. Nyi bu yet á̱khwo A̱gwaza bya. Ma̱ninika, nyi nyia̱ nkyang na̱ na tyei nyin yet a̱za̱za̱rak á̱niet, a̱wot na̱ nwuak nyin swuan sang sangba̱p a̱ni.

A̱romawa 6:23

Mat záng a̱ka̱tuk nyia̱ ji yet a̱khwu kya, a̱wot za̱nang nang A̱gwaza nang zi̱t a̱ni, ji̱ si̱ yet swuan sang sangba̱p ja, nang á̱ shyat di̱ mun á̱pyia̱ ma̱ng Kristi Yesu A̱tyoli nzi̱t wu a̱ni.

1 A̱korontiyawa 9:17

Ka̱ nung gwa ma̱ a̱pyia̱ nung, wa khai ta̱m shei A̱sham Nkhang huni na nyia̱, si̱ ku myim á̱ tan nung zang. A̱wot di̱ si̱sak ku nnwai yet khai nung hwa a̱ni, A̱gwaza wa tyia̱ nung a̱za̱za̱rak ta̱m wuni mbwak.

1 A̱korontiyawa 9:18

Ka̱ a̱nia wa, yihwa yet á̱tan nung ka? Á̱tan nung kikya yet shei A̱sham Nkhang ka, da̱nian n chat á̱ tan nung zang bah. Huhwa mbyia̱, n ni̱ ndak tyia̱ á̱ nwuak nung a̱tsatsak a̱ka̱wat di̱n jen nang n shei A̱sham Nkhang ka a̱ni.

1 A̱ta̱solonikawa 2:19

Yihwa yet kyang tyia̱ fwuo nzi̱t hu, ku a̱gwai, ku zang nzi̱t ji, nang zi̱ bye ntam a̱zaghyi A̱tyoli Yesu a̱tuk bwuok nggu ka? Mee nyin byaa?

1 Timoti 4:16

Chok a̱pyia̱ ang shansham ma̱ng tyiet ang hu. Gbang a̱lyia̱ a nyia̱ nkyang nani, da̱nian ka̱ a nyia̱ na a na san a̱pyia̱ ang, a̱wot a bu san á̱niet ba̱ fwuong a̱lyiat ang na a̱ni.