Yoona 4:31 - A̠lyiat A̠gwaza na di̠n Tyap: A̠li̠ka̠uli A̠fai

³¹ A̱ shya̱ di̱ nyia̱ a̱nia, a̱jawa mman ta̱m Yesu si̱ naai nggu nyia̱, “A̱tyu tyiet, ma̱sa̱kut ya kyayak hu.”

Yoona 4:31 Iomraidhean Croise

Matyu 23:7

A̱wot ki̱ ba̱ chong mi̱ tungga, ba̱ ni̱ chat á̱ chyin baa, a̱wot á̱ tang mba a̱didyep, á̱ yei mba ma̱ng a̱gba̱ndang a̱lyoot nyia̱, ‘A̱tyu tyiet!’

Matyu 23:8

“A̱wot nyin, nyi yok shim á̱ chyin nyin nang a̱tsak ‘A̱tyu tyiet’ a̱ni bah. Mat nyi byia̱ a̱tsak a̱tyu tyiet a̱nyiung wa ma̱nyin gu. A̱wot a̱mgba̱m nyin, nyi yet kyang nyiung hwa nang á̱na̱nyiuk á̱ghyang a̱ni.

Matyu 26:25

A̱wot Yahuda Isi̱ka̱riyoti, a̱tyu a̱ na bwuk ma̱ng Yesu a̱ni, si̱ nyia̱, “A̱tyu tyiet, a̱tsak a̱lyiat nung gwa kee?” Yesu si̱ nyia̱ ma̱ng a̱nggu, “A hyia̱ na.”

Matyu 26:49

Nang Yahuda neet a̱ bai da̱ a̱vwuo Yesu a̱ni, a̱ si̱ kin nyia̱, “A̱tyu tyiet, n byiat ang!” A̱ si̱ vwuk guu.

Ma̱rkut 11:21

Bitut si̱ kin jhyung shyishyi nang Yesu ku shyi a̱kwon a̱bwabwap ka a̱ni. Huhwa gu nyia̱ ma̱ng Yesu a̱ni, “A̱tyu tyiet, di a̱kwon a̱bwabwap ka nang a ku shyi a̱ni; ka̱ khwot!”

Ma̱rkut 14:45

Nang Yahuda nneet a̱ bai da̱ a̱vwuo Yesu a̱ni, a̱ si̱ nyia̱, “A̱tyu tyiet, n byiat ang!” A̱wot a̱ si̱ vwuk guu.

Ma̱rkut 9:5

Bitut si̱ kaat ma̱ng Yesu, nyia̱, “A̱tyu tyiet, ku yet a̱sham nang zi̱ nshya̱ a̱ji a̱ni. Yok zi̱ tat á̱suswak a̱tat di̱ lyulyoot nyin; nyiung da̱nian ang, nyiung da̱nian Musa, a̱wot nyiung ku yet si̱ Iliya!”

Yoona 1:38

Nang Yesu mbwuak a̱ si̱ li nang ba̱ khwi nggu a̱ni, a̱ si̱ lyip ba nyia̱, “Yihwa nang nyi chat?” Ba̱ si̱ nwuak gu shim ma̱ng lyip nyia̱, “Rabi!” (Swang jini fa, “A̱tyu tyiet.”) “A̱ji wa nang a nshya̱?”

Yoona 1:49

A̱jawa Nataniyel si̱ nyia̱, “A̱tyu tyiet, nwan wa yet Nggwon A̱gwaza ka! Nwan wa yet A̱gwam Isi̱rela wu!”

Yoona 11:8

Mman ta̱m nggu na si̱ nyia̱, “A̱tyu tyiet, á̱ ka̱n dabeang bah, mi̱ mam nani nia nang a̱cha̱chet A̱yahudawa ba nchat ba̱ mang ang ma̱ng nfang. Huhwa a bu chat zi̱ bwuok nat a̱ja a?”

Yoona 3:2

Nggu wa ku bai da̱ a̱vwuo Yesu a̱tyetuk, a̱ si̱ ba̱ nyia̱, “A̱tyu tyiet, zi̱ lyen nang a ngyet a̱tyu tyiet wa nang A̱gwaza ta̱m ndyo a̱ni. Mat á̱ mbyia̱ a̱tyu a̱ na nyia̱ ntangka̱i a̱cha̱chet nkyang a̱ga̱de nani nang a nyia̱ a̱ni; ka̱nang A̱gwaza shya̱ dundung ma̱ng a̱nggu bah.”

Yoona 3:26

Huhwa ba̱ si̱ nat, ba̱ si̱si̱ shya̱ Yoona. Ba̱ si̱ nyia̱ ma̱ng a̱nggu a̱ni, “A̱tyu tyiet, a jhyung a̱tyu a̱ ku shya̱ dundung ma̱ng a̱nwan a̱ma̱nyi fam a̱tak a̱ghyui Urdun ka nang a ku lyiat a̱ni a? Di, nggu wa nyia̱ á̱niet ba̱ptisman di̱ yong huni! A̱wot á̱niet ma̱ a̱di̱di̱t chong da̱ a̱vwuo nggu!”

Yoona 4:30

Huhwa á̱niet ba si̱ ghwut ma̱ a̱keang ka. Ba̱ si̱ nat da̱ a̱vwuo Yesu.

Yoona 4:32

Huhwa Yesu si̱ nyia̱ ma̱ng a̱mba a̱ni, “N byia̱ tangka̱i kyayak ghyang nang nyi lyen a̱ni bah.”

Yoona 6:25

Nang á̱kpa á̱niet ka ku nshya̱ Yesu da̱ ma̱nyii a̱gba̱ndang jok a̱nyiung ka a̱ni, huhwa ba̱ nyia̱ ma̱ng a̱nggu, “A̱tyu tyiet, zang jen ja nang a bai a̱ji?”

Yoona 9:2

Huhwa mman ta̱m Yesu na si̱ lyip gu nyia̱, “A̱tyu tyiet, a̱nyan wa ku nyia̱ a̱ka̱tuk nyia̱ wu, a̱ ku tyia̱ á̱ si̱ mbyin a̱tyu wuni ma̱ng a̱fi̱fan ba? Nggu wa ku nyia̱ a̱ka̱tuk nyia̱ wu, ke á̱niet mbyin nggu bibya?”