Yoona 4:3 - A̠lyiat A̠gwaza na di̠n Tyap: A̠li̠ka̠uli A̠fai

³ Jen ji Yesu ku nfa̱k kyang hu nang á̱ lyiat a̱ni, a̱ si̱ ghwon fam a̱byin Yahudiya hu, a̱ si̱ bwuok a̱ nat a̱byin Ga̱lili.

Yoona 4:3 Iomraidhean Croise

Matyu 10:23

A̱wot ka̱ á̱ ta̱shuk nyin ma̱ a̱keang a̱ghyang, nyi tyong nat ma̱ a̱keang a̱ghyang a̱zanson. N tak nyin a̱tsak a̱lyiat, neet nang nyi ka̱n tyak nwuai a̱mgba̱m a̱ka̱keang Isi̱rela na bah, Nggwon A̱tyubishyi na bwuok a̱ bai.

Ma̱rkut 3:7

Yesu ma̱ng mman ta̱m nggu na si̱ doot, ba̱ si̱ nat a̱beam a̱gba̱ndang jok ka. Á̱kpa á̱niet ma̱ a̱di̱di̱t si̱ khwi mba neet di̱ nfam bibyin Ga̱lili ma̱ng Yahudiya.

Luka 17:11

Nang Yesu ngya a̱son ma̱ a̱chyet a̱ naat Urusha̱lima a̱ni, a̱ si̱ kai gak ku shya̱ a̱ka̱wa̱tyia̱ nfam bibyin Ga̱lili ma̱ng Sa̱mariya a̱ni.

Yoona 1:43

Da̱ a̱tsotson tat ka, Yesu si̱ kyiak mi̱ fwuo a̱ nat a̱byin Ga̱lili. A̱ si̱ myim ma̱ng Filibut. A̱ si̱ nyia̱ ma̱ng a̱nggu, “Khwi nung!”

Yoona 10:40

A̱wot Yesu si̱ bu bwuok lilyim, a̱ nat ma̱ a̱ma̱nyi fam a̱tak a̱ghyui Urdun, da̱ a̱vwuo nang Yoona ku nnyia̱ á̱niet ba ba̱ptisman ji a̱ni. A̱ si̱si̱ ya nswan a̱ja.

Yoona 11:54

Huhwa si̱ mbyia̱ Yesu si̱ bu chong kpa̱sai ma̱ a̱byin A̱yahudawa ka bah. A̱ si̱ ghwon a̱byin a̱kya, a̱ si̱ nat ma̱ a̱byin ka̱ shya̱ kpa̱mkpaan mi̱ tswa a̱yit a̱ni, A̱ ku si̱ nwuo ma̱ a̱keang nang á̱ ngyei Ifremu a̱ni. A̱jawa gu si̱ nswan dundung ma̱ng mman ta̱m nggu na.

Yoona 2:11

Si̱ huni hwa yet a̱son kyang a̱ga̱de nang Yesu ku nyia̱ a̱ni. A̱ ku nyia̱ hu ma̱ a̱keang Kana ka̱ shya̱ ma̱ a̱byin Ga̱lili a̱ni. A̱ja wa nang gu nnyia̱ a̱lama wuni a̱ tyai a̱kyenkyai shi nggu wu. Mman ta̱m nggu na mameang, ba̱ si̱ nwuak a̱chuchuk da̱ nggu ba̱t.

Yoona 3:22

Nang Yesu ntyak a̱lyiat nani a̱ni, a̱ si̱ doot mbeang mman ta̱m nggu na. Ba̱ si̱ nat di̱ fam a̱byin Yahudiya. A̱ si̱si̱ labeang dundung ma̱ng a̱mba, nang gu nyia̱ á̱niet ba̱ptisman ji a̱ja.

Yoona 3:32

“A̱ shei kyang hu kpa̱sai nang gu ka̱n di, a̱ si̱ fa̱k a̱ni. A̱mgba̱m ma̱ng a̱nia, á̱ mbyia̱ a̱tyu a̱ san a̱lyiat nggu na a̱ni bah.

Yoona 4:47

Nang a̱tyia̱ nggwon wu nfa̱k nyia̱ Yesu neet mi̱ fam a̱byin Yahudiya a̱ bai Ga̱lili a̱ni; a̱ si̱ nat da̱ a̱vwuo nggu. A̱ si̱si̱ naai nggu gu nat Ka̱fanahum, a̱ si̱ choot nggu nggwon ka nang zwan ji nyia̱ nang ka̱ chak a̱ kwi a̱ni.

Yoona 7:1

Nang si̱ huni nswak a̱ni, Yesu si̱ ya a̱son ma̱ng a̱chyet a̱ kat fam a̱byin Ga̱lili hu. A̱ ku shim a̱ nwuai a̱ chong a̱ kat fam a̱byin Yahudiya hu bah. Mat a̱cha̱chet A̱yahudawa ba ku chat hyat gu.