Yoona 4:29 - A̠lyiat A̠gwaza na di̠n Tyap: A̠li̠ka̠uli A̠fai

²⁹ “Nyi bai nyi li a̱tyu a̱ tyai nung a̱mgba̱m kyang nang n ka̱n nyia̱ a̱ni! Ke nggu wa yet Kristi wu la?!”

Yoona 4:29 Iomraidhean Croise

Matyu 12:23

Á̱kpa á̱niet ka si̱ fa̱k a̱ga̱de, ba̱ si̱ lyip nyia̱, “Yesu wuni wa yet A̱ka̱mbwon Da̱wuda ka! A̱ si̱ yet Kristi wu baa?”

Yoona 4:25

A̱nap wu si̱ nyia̱ ma̱ng Yesu a̱ni, “N dyen nang a̱ta̱m a̱kwonu A̱gwaza nang á̱ ngyei ‘Kristi’ a̱ni chobai. Ka̱ a̱ ba̱ bai, a̱ na tak ma̱ng a̱nzi̱t kuzang kyang.”

Yoona 4:28

A̱jawa a̱nap A̱sa̱mariya wu si̱ kin ghwon a̱dong bwoi a̱sa̱khwot ka. A̱ si̱ bwuok a̱ nat ma̱ a̱keang ka. A̱ si̱si̱ tak ma̱ng á̱niet ba, nyia̱

Yoona 4:30

Huhwa á̱niet ba si̱ ghwut ma̱ a̱keang ka. Ba̱ si̱ nat da̱ a̱vwuo Yesu.

Yoona 4:39

A̱sa̱mariyawa ma̱ a̱di̱di̱t ma̱ a̱keang a̱kya si̱ nwuak fwuo di̱ Yesu, mat si̱sak ji nang a̱nap wu ku nhyia̱ ma̱ng a̱mba, nyia̱: “A̱ hyia̱ ma̱ng a̱nung kuzang kyang nang n ka̱n nyia̱ a̱ni.”

Yoona 7:26

Di, nggu wa yong a̱ji! A̱ yong kpa̱sai a̱ lyiat. Da̱ mba, ba̱ nyia̱ nggu kyang bah. Ke a̱cha̱chet A̱yahudawa ba shim nang nggu wa ngyet Kristi wu la?

Yoona 7:31

Ma̱ng a̱nia, á̱niet ma̱ a̱di̱di̱t mami á̱kpa á̱niet ka si̱ nwuak fwuo da̱ nggu. Ba̱ si̱ nyia̱, “Jen ji nang Kristi bye mbai a̱ni, a̱ si̱ ba̱ nyia̱ a̱cha̱chet nkyang a̱ga̱de na̱ lan si̱ nang a̱tyu wuni ka̱n nyia̱ a̱ni a?”

Tyai Á̱zanson 22:17

A̱za̱za̱rak Ntswa wu ma̱ng Nggwon neam naat nyeang ka si̱ nyia̱, “Yesu bai!” Konyan wa fa̱k a̱ni, yok gu nyia̱, “Yesu bai!” Yok a̱mgba̱m á̱niet ba̱ fwuong mashyi a̱sa̱khwot a̱ni, ba̱ bai! Yok á̱niet ba̱ chat swuo a̱sa̱khwot nswuan a̱ni, ba̱ bai ba̱ swuo di̱ mi̱n tan zang!