Yoona 4:26 - A̠lyiat A̠gwaza na di̠n Tyap: A̠li̠ka̠uli A̠fai

²⁶ Yesu si̱ tak ma̱ng a̱nggu nyia̱, “Nung gwa ngyet nggu; nung, n dyiat ma̱ng a̱nwan lyiat huni a̱ni.”

Yoona 4:26 Iomraidhean Croise

Matyu 16:20

A̱ si̱ khwat mman ta̱m nggu na a̱fufwuo nyia̱, ba̱ yok tak ma̱ng a̱yin nang nggu wa ngyet Kristi wu bah.

Matyu 20:15

“ ‘N byia̱ a̱wat n nyia̱ kyang n chat a̱ni ma̱ng kurum nung hu baa? Ke a fa̱k swam hwa di̱ shok nang n nyia̱ á̱kum á̱niet ka ndyo a̱ni?’

Luka 13:30

A̱wot ku myim nyi lyen si̱ huni: Á̱ghyang á̱niet ba̱ yet a̱ngaan ka ma̱nini a̱ni; bibya na yet a̱son ka di̱n jen a̱ja. Ma a̱nia wa, á̱ghyang á̱niet ba̱ yet a̱son ka ma̱nini a̱ni; bibya na yet a̱ngaan ka di̱n jen a̱ja.”

Yoona 13:19

“N shei ma̱ng a̱nyin a̱lyiat nani ma̱ninika, neet nang na̱ ka̱ mbai da̱ a̱nu ka bah. Da̱nian jen nang na̱ bye mbai da̱ a̱nu ka a̱ni, nyi ka nwuak a̱chuchuk nang nung gwa ngyet A̱tyu A̱gwaza kup gu tyok a̱ni.

Yoona 8:24

Huhwa mbyia̱ n hyia̱ ma̱ng a̱nyin, nang nyi na nkwi ma̱ a̱ka̱tuk nyia̱ nyin wu. Mat ka̱ nyi nwuak a̱chuchuk nyia̱ nung gwa ngyet a̱tyu nang n tak n gyet a̱ni bah; nyi na kwi ma̱ng a̱ka̱tuk nyia̱ nyin wu mut!”

Yoona 8:28

Yesu si̱ nyia̱ ma̱ng a̱mba a̱ni, “Jen nang nyi bye nta̱ngam Nggwon A̱tyubishyi tswazwa a̱ni; jen a̱ja ja nang nyi bye ndyen nang nung gwa ngyet a̱tyu nang n tak ngyet a̱ni. N nyia̱ kyang ma̱nyin nung bah. N nyia̱ di̱ si̱sak ji nang A̱tyia̱ nung wu ntyiet nung a̱ni; a̱nia wa nang n dyiat.