Yoona 4:22 - A̠lyiat A̠gwaza na di̠n Tyap: A̠li̠ka̠uli A̠fai

²² Nyin A̱sa̱mariyawa, nyi lyen a̱tyu nang nyi kwok gu ntong na a̱ni shansham bah. A̱wot nzi̱t A̱yahudawa zi̱ kwok ntong a̱zaghyi a̱tyu nang zi̱ lyen a̱ni. Mat, vak swuan sang sangba̱p hu á̱ nwuak A̱yahudawa bya.

Yoona 4:22 Iomraidhean Croise

Luka 24:47

“A̱wot á̱ na shei A̱sham Nkhang kani, mami tyok a̱lyoot nung, mi̱ kuzang nwap mi̱ bibyin swanta hu. Á̱ na tsa shei A̱sham Nkhang kani neet mi̱ Urusha̱lima, nyia̱: A̱mgba̱m á̱niet ba ba̱ ghwon a̱ka̱tuk nyia̱, ba̱ si̱ khwi A̱gwaza a̱ni, á̱ na chi a̱ka̱tuk nyia̱ mba wu!

Nta̱m A̱yaata̱m 17:23

“Mat a̱nia, nang n chong kat a̱keang nyin ka a̱ni, n si̱ ndi nkyang nang nyi nkwok ntong a̱ni. A̱wot n si̱ ndi a̱tyii nang á̱ khap á̱ sak a̱gwaza da̱nang á̱ lyen a̱ni bah. A̱gwaza wuni nang nyi kwok gu ntong na, di̱ mi̱ lyen nggu a̱ni. Nggu wa nang n bai n shei ma̱ng a̱nyin, nyi lyen nggu!

Nta̱m A̱yaata̱m 17:30

“Gbangbang, A̱gwaza ku nwuan nkyang na nang á̱nietbishyi nyia̱ a̱ni gbi̱t, mat nwai lyen mba hu. A̱wot ma̱ninika, A̱gwaza tyia̱ konyan ma̱ kuzang a̱vwuo gu ghwon a̱ka̱tuk nyia̱, a̱ khwi ngguu.

Nta̱m A̱yaata̱m 3:26

“Jen nang A̱gwaza ku nkhai a̱khwo nggu wu Yesu a̱ni, a̱ si̱ tsa ta̱m nggu da̱ a̱vwuo nyin á̱niet Isi̱rela. Da̱nian gu ka nang nyin a̱li̱ba̱rka di̱ si̱sak ji nang gu na ntyia̱ konyan ma̱ nyin a̱ ghwon a̱ka̱tuk nyia̱ nggu wu, a̱ bwuok a̱ khwi A̱gwaza a̱ni.”

A̱romawa 11:18

A̱wot nyi yok tam bah. Nyi jhyung nang nyi ngyet mi̱ mbwak a̱kwon nia nang á̱ fwuop a̱ni. A̱wot nyin bya yet á̱tsatsak a̱ni̱nan wu bah.

Ibriniyawa 7:14

Ku yet a̱tsak a̱lyiat wa nang Yesu A̱tyoli nzi̱t wu nghwut mi̱ kwai Yahuda ja. A̱wot tazwa kwai Yahuda ji, Musa du nkaat kyang nyia̱ sot a̱yaapris ghwut mi̱ kwai a̱ja bah.